Ravichandran Ashwin | టెస్టుల్లో అశ్విన్ ప్ర‌భంజనం.. దిగ్గ‌జాల రికార్డులు బ‌ద్ధ‌లు కొడుతున్నాడు

Ravichandran Ashwin : భారత స్టార్‌ స్పిన్నర్‌ రవిచంద్రన్‌ అశ్విన్(Ravichandran Ashwin) టెస్టుల్లో ప్ర‌భంజనం సృష్టిస్తున్నాడు. వికెట్ల వేట కొన‌సాగిస్తూ దిగ్గ‌జాల రికార్డులు బ‌ద్ధ‌లు కొడుతున్నాడు. క్యార‌మ్ బాల్(Carrom Ball) స్పెష‌లిస్ట్ అయిన అశ్విన్ వెస్టిండీస్‌(Westindes)తో జ‌రుగుతున్న‌ తొలి టెస్టులో విశ్వరూపం ప్రదర్శించాడు. టీమిండియా దిగ్గజ బౌలర్ అనిల్‌కుంబ్లే(Anil Kumbley) రికార్డు...

Ravichandran Ashwin : భారత స్టార్‌ స్పిన్నర్‌ రవిచంద్రన్‌ అశ్విన్(Ravichandran Ashwin) టెస్టుల్లో ప్ర‌భంజనం సృష్టిస్తున్నాడు. వికెట్ల వేట కొన‌సాగిస్తూ దిగ్గ‌జాల రికార్డులు బ‌ద్ధ‌లు కొడుతున్నాడు. క్యార‌మ్ బాల్(Carrom Ball) స్పెష‌లిస్ట్ అయిన అశ్విన్ వెస్టిండీస్‌(Westindes)తో జ‌రుగుతున్న‌ తొలి టెస్టులో విశ్వరూపం ప్రదర్శించాడు. ప్ర‌పంచ టెస్టు చాంపియన్‌షిప్ ఫైనల్(WTC Final 2023) తుది జట్టులో చోటు దక్కలేదన్న కసి ఏమో గానీ విండీస్‌ను ఓ ఆటాడుకున్నాడు. ఓపెనర్‌ తేజ్‌నారాయణ్‌ చంద్రపాల్‌(Tegenarine Chanderpaul)తో మొదలైన అశ్విన్ వికెట్ల‌ వేట ఆఖరి వరకు కొనసాగింది. టీమిండియా స్పిన్ యూనిట్‌కు పెద్ద‌న్న‌లాంటి అశ్విన్‌ ఈ టెస్టు మ్యాచ్‌తో ప‌లు రికార్డులు కొల్ల‌గొట్టాడు. అవేంటంటే..?

టెస్టు క్రికెట్‌లో తండ్రి, కొడుకుల‌ను ఔట్‌ చేసిన బౌల‌ర్‌గా అశ్విన్‌ అరుదైన రికార్డు ఖాతాలో వేసుకున్నాడు. అవును… ఈ మ్యాచ్‌లో తేజ్‌నారాయణ్‌ చంద్రపాల్‌ను బౌల్డ్ చేసి అత‌ను ఈ ఫీట్ సాధించాడు. గ‌తంలో విండీస్ స్టార్ బ్యాటర్‌గా వెలుగొందిన తేజ్ నార‌య‌ణ్ తండ్రి శివనారాయణ్‌ చంద్రపాల్‌(Shivnarine Chanderpaul)ను అశ్విన్ ఔట్ చేశాడు.

The moment Ravi Ashwin created history!

The first Indian to pick the wicket of father (Shivnarine) and son (Tagenarine) in Tests. pic.twitter.com/nvqXhLz0ze

— Mufaddal Vohra (@mufaddal_vohra) July 12, 2023

అత్య‌ధిక బౌల్డ్స్‌తో రికార్డు

ఈ టెస్టులో 5 వికెట్లు తీసిన యాష్‌ టీమిండియా దిగ్గజ బౌలర్ అనిల్‌కుంబ్లే(Anil Kumbley) రికార్డు బ‌ద్ధ‌లు కొట్టాడు. సుదీర్ఘ ఫార్మాట్‌లో ఎక్కువ మంది బ్యాటర్లను బౌల్డ్‌ చేసిన బౌల‌ర్‌గా అశ్విన్ రికార్డుల్లోకి ఎక్కాడు. 94 మందిని బౌల్డ్ చేసి కుంబ్లే నెల‌కొల్పిన రికార్డును ఈ ఆఫ్ స్పిన్న‌ర్ 95 మందితో బ్రేక్ చేశాడు. ప్ర‌స్తుతం భారత బౌల‌ర్ల‌లో మహమ్మద్‌ షమీ(66) మాత్ర‌మే అశ్విన్‌కు సమీపంలో ఉన్నాడు.

విండీస్ లెజెండ్ రికార్డుపై గురి

తొలి టెస్టులో ఐదు వికెట్ల‌తో చెల‌రేగిన అశ్విన్ వెస్టిండీస్‌పై మ‌రో ఘ‌న‌త సొంతం చేసుకున్నాడు. ఈ ఫార్మాట్‌లో విండీస్‌పై ఎక్కువ సార్లు 5 వికెట్లు తీసిన బౌలర్ల జాబితాలో చోటు దక్కించుకున్నాడు. ఈ లిస్ట్‌లో వెస్టిండీస్ లెజెండ్ మాల్కమ్‌ మార్షల్‌(Malcolm Marshall) అగ్రస్థానంలో ఉన్నాడు. ఈ ఫాస్ట్ బౌల‌ర్ 6 సార్లు ఐదు వికెట్ల ప్ర‌ద‌ర్శ‌న చేశాడు.

అనిల్ కుంబ్లే, అశ్విన్, హర్భజన్‌సింగ్‌

ఐదు సార్లు ఈ ఫీట్ సాధించిన అశ్విన్, మాజీ ఆఫ్ స్పిన్న‌ర్ హర్భజన్‌సింగ్‌తో సంయుక్తంగా రెండో స్థానంలో నిలిచాడు. అంతేకాదు టెస్టులు, వ‌న్డేలు, టీ20లు.. ఈ మూడు ఫార్మాట్లలో 700 వికెట్లు తీసిన మూడో భారత బౌలర్‌గా అశ్విన్ రికార్డుల్లోకి ఎక్కాడు. అనిల్ కుంబ్లే(956), హర్భజన్‌సింగ్‌(711) అశ్విన్‌(702) కంటే ముందువరుసలో ఉన్నారు. టెస్టుల్లో అత్య‌ధిక సార్లు ఐదు వికెట్ల ప్రదర్శన చేసి, ఇంగ్లండ్ సీనియ‌ర్ పేస‌ర్ జేమ్స్‌ అండర్సన్‌(32)ను అశ్విన్ దాటేశాడు.

ఇవి కూడా చ‌ద‌వండి

Saina Nehwal | రాకెట్‌కు రెస్ట్‌.. ఫ్యామిలీతో అమర్‌నాథ్‌ యాత్రకు వెళ్లిన భార‌త స్టార్ ష‌ట్ల‌ర్

First Audi Car Owner | మ‌న‌దేశంలో తొలి ఆడి కారు య‌జమాని ఈ క్రికెట‌రే.. సచిన్, ధోనీ మాత్రం కాదు సుమా!