Australian Open | ఏడో సీడ్‌కు షాకిచ్చిన అమెరిక‌న్.. తొలిసారి క్వార్ట‌ర్స్‌లో ఉక్రెయిన్ ప్లేయ‌ర్

Australian Open : ఆస్ట్రేలియ‌న్ ఓపెన్‌లో మ‌రో సంచ‌ల‌నం న‌మోదైంది. ఏడో సీడ్ స్టెఫానోస్ సిట్సిపాస్‌ (Stefanos Tsitsipas) ఇంటిదారి ప‌ట్టాడు. అమెరికా టీనేజ‌ర్ టేల‌ర్ ఫ్రిట్జ్‌(Taylor Fritz) ధాటికి చేతులెత్తేసిన సిట్సిపాస్‌ అనూహ్యంగా టోర్నీ నుంచి...

January 21, 2024 / 01:30 PM IST

Australian Open | ఏడో సీడ్‌కు షాకిచ్చిన అమెరిక‌న్.. తొలిసారి క్వార్ట‌ర్స్‌లో ఉక్రెయిన్ ప్లేయ‌ర్

Australian Open : ఆస్ట్రేలియ‌న్ ఓపెన్‌లో మ‌రో సంచ‌ల‌నం న‌మోదైంది. ఏడో సీడ్ స్టెఫానోస్ సిట్సిపాస్‌ (Stefanos Tsitsipas) ఇంటిదారి ప‌ట్టాడు. అమెరికా టీనేజ‌ర్ టేల‌ర్ ఫ్రిట్జ్‌(Taylor Fritz) ధాటికి చేతులెత్తేసిన సిట్సిపాస్‌ అనూహ్యంగా టోర్నీ నుంచి నిష్క్ర‌మించాడు. తొలి సెట్ నుంచి దూకుడుగా ఆడిన టేల‌ర్‌ 7-6(3), 5-7, 6-3, 6-3తో సిట్సిపాస్‌ను మ‌ట్టిక‌రిపించాడు.

ఈ విజ‌యంతో టేల‌ర్ తొలిసారి గ్రాండ్‌స్లామ్ టోర్నీలో క్వార్టర్ ఫైన‌ల్‌కు దూసుకెళ్లాడు. అంతేకాదు ప‌ది లోపు ర్యాంకు ఉన్న ఆట‌గాడిపై గెలుపొంద‌డం కూడా ఈ యంగ్‌స్ట‌ర్‌కు ఇదే మొద‌టిసారి. ఇక సెమీస్ పోరులో అత‌డు 10సార్లు చాంపియ‌న్ నొవాక్ జ‌కోవిచ్‌ను ఢీకొట్ట‌నున్నాడు.

“NO WAY!” 🤯@taylor_fritz97 produced the spectacular on his way to a maiden AO quarterfinal 😮‍💨@wwos • @espn • @eurosport • @wowowtennis pic.twitter.com/cbnZNmsYA6

— #AusOpen (@AustralianOpen) January 21, 2024

‘నా షాట్ల‌ను నేను న‌మ్మాను. మ్యాచ్ ఆసాంతం బాగా స‌ర్వ్ చేశాను. దాంతో, తిత్సిపాస్ కొన్నిసార్లు పైచేయి సాధించినా అద్భుత‌మైన స‌ర్వీస్ కారణంగా నేనే గెలిచాను. ఇక చివ‌ర్లో అత్యుత్త‌మ ఆట‌తో మ్యాచ్ ముగించాను’ అని టేల‌ర్ ఫ్రిట్జ్ మ్యాచ్ అనంతరం తెలిపాడు. మ‌రో మ్యాచ్‌లో ఉక్రెయిన్ ప్లేయ‌ర్ మ‌ర్టా కొస్త్యుక్ (Marta Kostyuk) తొలిసారి క్వార్ట‌ర్స్‌లో అడుగుపెట్టింది. నాలుగో రౌండ్‌లో ఆమె ర‌ష్యాకు చెందిన మ‌రియా టిమోఫీవాను వ‌రుస సెట్ల‌లో 6-2, 6-1తో ఓడించింది. వ‌ర్షం కార‌ణంగా 40 నిమిషాలు ఆట‌కు అంత‌రాయం క‌లిగిన‌ప్ప‌టికీ గంట 16 నిమిషాల్లోనే మ‌రియా మ్యాచ్ ముగించింది.

నొవాక్ జ‌కోవిచ్

Djokovic F

డిఫెండింగ్ చాంపియ‌న్‌ నొవాక్ జ‌కోవిచ్ (Novak Djokovic) అల‌వోక‌గా క్వార్ట‌ర్స్‌కు దూసుకెళ్లాడు. ఈ ఫీట్‌తో టెన్నిస్ దిగ్గ‌జం రోజ‌ర్ ఫెద‌ర‌ర్(Roger Federer) రికార్డును జ‌కోవిచ్ స‌మం చేశాడు. ఇక మ‌హిళ‌ల సింగిల్స్‌లో అరినా స‌బ‌లెంక‌(Aryna Sabalenka), అమెరికా టీనేజ‌ర్ కొకో గాఫ్(Coco Gauff) క్వార్ట‌ర్ ఫైన‌ల్లో కాలు మోపారు.