World Cup Qualifiers 2023 : మాజీ చాంపియన్ శ్రీలంక(Srilanka) వరల్డ్ కప్ క్వాలిఫైయర్స్లో అదరగొడుతోంది. ఆల్రౌండ్ షోతో దుమ్మురేపుతున్న లంక వరుసగా నాలుగో విజయం సాధించింది. క్వీన్స్ స్పోర్ట్స్ క్లబ్(Queens Sports Club)లో ఈ రోజు స్కాట్లాండ్(Scotland)ను 82 పరుగుల తేడాతో చిత్తు చేసింది. దాంతో, 8 పాయింట్లతో గ్రూప్ ‘బి’ లో అగ్రస్థానంలో నిలిచింది. అద్భుతంగా రాణించిన మహీశ థీక్షణ(Maheesh Theekshana) ‘ప్లేయర్ ఆఫ్ ది మ్యాచ్’గా ఎంపికయ్యాడు.
మొదట బ్యాటింగ్ చేసిన లంకకు ఆదిలోనే షాక్ తగిలింది. ఓపెనర్ కరుణరత్నే(7) ఔటయ్యాడు. ఆ తర్వాత వచ్చిన కుశాల్ మెండిస్(1) నిరాశపరిచాడు. కష్టాల్లో పడ్డ లంకను మరో ఓపెనర్ ప్రథుమ్ నిస్సంక(75), చరిత అసలంక(63) అర్ధ శతకాలతో ఆదుకున్నారు. ఆఖర్లో థీక్షణ(16 నాటౌట్) ధనాధన్ ఆడడంతో 245 పరుగులు చేసింది. ఆ తర్వాత క్రీజులోకి వచ్చిన స్కాట్లాండ్ బ్యాటర్లు వరుసగా పెవిలియన్కు క్యూ కట్టారు. ఒకవైపు వికెట్లు పడుతున్నా క్రిస్ గ్రేవ్స్(56) ఒంటరి పోరాటం చేశాడు. అయితే.. థీక్షణ 3 వికెట్లు తీయడంతో స్కాట్లాండ్ 163 పరుగులకే పరిమితమైంది.
Sri Lanka won the ICC Cricket World Cup Qualifier match against Scotland by 82 runs.
Sri Lanka: 245
Scotland: 163
Congratulations🇱🇰#LKA #SLvSCO #SriLanka pic.twitter.com/DtaqZHfmkE— Sri Lanka Tweet 🇱🇰 (@SriLankaTweet) June 27, 2023
భారత గడ్డపై జరుగనున్న వన్డే వరల్డ్ కప్ షెడ్యూల్ ఈరోజు వచ్చేసింది. ముంబై వేదికగా ఐసీసీ, బీసీసీఐ వరల్డ్ కప్ తేదీలను ప్రకటించాయి. ఈ మెగా టోర్నమెంట్ అక్టోబర్ 5న ప్రారంభమై నవంబర్ 19న ముగియనుంది. ఈసారి ఫైనల్ మ్యాచ్తో పాటు సెమీఫైనల్ మ్యాచ్లకు కూడా ఐసీసీ రిజర్వ్ డేను కేటాయించింది. 1996లో వరల్డ్ చాంపియన్ అయిన లంక ఈసారి క్వాలిఫైయర్స్ కోసం పసికూనలతో పోటీ పడుతోంది. వరుసగా 4 విజయాలతో సూపర్ సిక్స్కు అర్హత సాధించింది. తర్వాతి రౌండ్లోగెలిచి ఫైనల్ చేరుతుంది. అదే జరిగితే లంక వరల్డ్ కప్ టోర్నీకి అర్హత సాధిస్తుంది.