Shane Watson | టీమిండియా కోచ్‌గా చేస్తా!.. ఒక్క చాన్స్ ఇస్తారా..?

Shane Watson : మాజీ ఆస్ట్రేలియ‌న్ ఆల్‌రౌండ‌ర్ షేన్ వాట్స‌న్(Shane Watson) త‌న కోచింగ్ కెరీర్‌పై ఆస‌క్తిక‌ర వ్యాఖ్య‌లు చేశాడు. అవకాశం రావాలేగానీ భార‌త జ‌ట్టుకు కోచ్‌(Team India Coach)గా ప‌నిచేసేందుకు సిద్ధంగా ఉన్నాన‌ని వాట్స‌న్ అన్నాడు.

May 9, 2024 / 07:24 PM IST

Shane Watson | టీమిండియా కోచ్‌గా చేస్తా!.. ఒక్క చాన్స్ ఇస్తారా..?

Shane Watson : మాజీ ఆస్ట్రేలియ‌న్ ఆల్‌రౌండ‌ర్ షేన్ వాట్స‌న్(Shane Watson) త‌న కోచింగ్ కెరీర్‌పై ఆస‌క్తిక‌ర వ్యాఖ్య‌లు చేశాడు. ప్ర‌స్తుతం ఐపీఎల్‌లో ఢిల్లీ క్యాపిట‌ల్స్‌(Delhi Capitals)కు అసిస్టెంట్ కోచ్‌గా ఉన్న వాట్స‌న్.. అవకాశం రావాలేగానీ భార‌త జ‌ట్టుకు కోచ్‌(Team India Coach)గా ప‌నిచేసేందుకు సిద్ధంగా ఉన్నాన‌ని అన్నాడు.

తాజాగా ది ఫెడ‌ర‌ల్ ప‌త్రిక‌తో వాట్స‌న్ మాట్లాడాడు. ‘నాకు కోచింగ్ ఇవ్వ‌డ‌మంటే ఇష్టం. అందులో ఏ సందేహం లేదు. రికీ పాంటింగ్‌కు తోడుగా ఢిల్లీ క్యాపిట‌ల్స్‌కు అసిస్టెంట్ కోచ్‌గా ప‌ని చేస్తున్నా. పాకిస్థాన్ సూప‌ర్ లీగ్(PSL), మేజ‌ర్ లీగ్ క్రికెట్‌ (MLS)లోనూ కోచ్‌గా సేవ‌లందించాను. భ‌విష్య‌త్తులో అవ‌కాశం రావాలే గానీ భార‌త జ‌ట్టుకు కోచ్‌గా ప‌ని చేస్తా. ఎందుకంటే గొప్ప ఆట‌గాళ్ల‌తో ప‌నిచేయాల‌నేది నా ఆలోచ‌న‌. అందుకు టీమిండియా బాగా స‌రిపోతుంది’ అని 42 ఏండ్ల వాట్స‌న్ తెలిపాడు. ఈ ఆసీస్ మాజీ ఆల్‌రౌండ‌ర్ పాకిస్థాన్ కోచ్ ప‌ద‌వి రేసులో ఉన్నాడ‌నే వార్త‌లు వినిపించాయి. అయితే.. వాట్స‌న్ మాత్రం పాక్ జ‌ట్టుకు కోచ్‌గా వెళ్లేందుకు ఇష్ట‌ప‌డ‌లేదు.

ఈ ఏడాది టీ20 వ‌ర‌ల్డ్ క‌ప్‌తో హెడ్‌కోచ్‌గా రాహుల్ ద్ర‌విడ్(Rahul Dravid) ప‌ద‌వి కాలం ముగియ‌నుంది. లెక్క ప్ర‌కారం నిరుడు స్వ‌దేశంలో జ‌రిగిన వ‌న్డే వ‌ర‌ల్డ్ క‌ప్‌తోనే ద్ర‌విడ్ బృందం కాంట్రాక్ట్ ముగిసింది. కానీ, టీమిండియా ఆసియా క‌ప్(Asia Cup 2023) గెల‌వ‌డం, వ‌ర‌ల్డ్ క‌ప్ ఫైన‌ల్ వెళ్ల‌డంతో ద్రవిడ్ టీమ్‌పై న‌మ్మ‌క‌ముంచిన బీసీసీఐ వాళ్ల కాంట్రాక్ట్‌ను పొట్టి ప్ర‌పంచ క‌ప్ వ‌ర‌కూ పొడిగించింది. ఒక‌వేళ రోహిత్ శ‌ర్మ నేతృత్వంలోని భార‌త్ ఫైన‌ల్ చేరితే జూన్ 29తో కోచ్‌గా ద్ర‌విడ్ కాల‌ప‌రిమితి ముగుస్తుంది. ఆ త‌ర్వాత కొత్త కోచ్ ఎంపిక‌కు ద‌రాఖాస్తులు ఆహ్వానిస్తారా? లేదా అత‌డినే కొన‌సాగిస్తారా? అనేది చూడాలి.