IND vs AUS : ఆస్ట్రేలియాతో జరుగుతున్న తొలి వన్డేలో భారత పేసర్ షమీ(Mohammad Shami) చెలరేగాడు. అతడు ఐదు వికెట్లు కూల్చడంతో ఆసీస్ భారీ స్కోర్ చేయలేకపోయింది. నిర్ణీత ఓవర్లలో ఆ జట్టు 276 పరుగులకు ఆలౌటయ్యింది. ఆస్ట్రేలియా బ్యాటర్లలో ఓపెనర్ డేవిడ్ వార్నర్(52), జోష్ ఇంగ్లిస్(45), స్టీవ్ స్మిత్(41) మాత్రమే రాణించారు.
మొహాలీ స్టేడియంలో జరుగుతున్న ఈ మ్యాచ్లో టాస్ గెలిచిన భారత్ బౌలింగ్ తీసుకుంది. 4 పరుగుల వద్దనే ఓపెనర్ మిచెల్ మార్ష్(4) వికెట్ తీసి షమీ ఆసీస్కు షాకిచ్చాడు. ఆ తర్వాత వచ్చిన స్మిత్(41), వార్నర్(52)తో కలిసి దూకుడుగా ఆడాడు. వీళ్లు రెండో వికెట్కు 94 పరుగుల భాగస్వామ్యం నెలకొల్పారు.
That has been one special effort with the ball!
A second ODI FIFER for @MdShami11 ! #TeamIndia | #INDvAUS | @IDFCFIRSTBank pic.twitter.com/qXbQCAIZxQ
— BCCI (@BCCI) September 22, 2023
అయితే.. స్మిత్ను ఔట్ చేసి ప్రమాదకరంగా మారుతున్న ఈ జోడీని జడేజా విడదీశాడు. 25 ఓవర్లకే మూడు కీలక వికెట్లు కోల్పోయిన ఆసీస్ను మార్నస్ లబూషేన్(39), గ్రీన్ ఆదుకున్నారు. వీళ్లు నాలుగో వికెట్కు 35 రన్స్ జోడించారు. అయితే.. ఈ జోడీని అశ్విన్ విడదీశాడు. దాంతో, 157 పరుగుల వద్ద ఆసీస్ నాలుగో వికెట్ కోల్పోయింది. ఆ తర్వాత గ్రీన్, ఇంగ్లిస్ ధనాధన్ ఆడి ఆసీస్ స్కోర్ 250 దాటించారు.