KKR vs LSG : ఈడెన్ గార్డెన్స్లో కోల్కతా నైట్ రైడర్స్(Kolkata Knight Riders) ఆల్రౌండ్ షోతో అదరగొట్టింది. చైన్నై సూపర్ కింగ్స్ చేతిలో ఓటమి నుంచి తేరుకున్న కోల్కతా.. బలమైన బౌలింగ్ కలిగిన లక్నో సూపర్ జెయింట్స్(Lucknow Super Giants)పై గెలుపొందింది. ఓపెనర్ ఫిలిప్ సాల్ట్(89 నాటౌట్) హాఫ్ సెంచరీతో కదం తొక్కడంతో 16వ ఓవర్లోనే మ్యాచ్ ముగించింది.
విధ్వంసక ఇన్నింగ్స్లకు కేరాఫ్ అయిన సాల్ట్ బౌలర్తో సంబంధం లేకుండా బౌండరీల మోత మోగించగా.. కెప్టెన్ శ్రేయస్ అయ్యర్(38 నాటౌట్) తొలిసారి చివరిదాకా నిలబడ్డాడు. వీళ్లు మూడో వికెట్కు 120 రన్స్ జోడించడంతో కోల్కతా 8 వికెట్ల తేడాతో లక్నోను చిత్తు చేసింది.
I. C. Y. M. I
🔊 Sound 🔛!
That 9⃣8⃣m SIX from Phil Salt 🔥
Watch #TATAIPL LIVE on @StarSportsIndia and @JioCinema 💻📱#KKRvLSG | @KKRiders | @PhilSalt1 pic.twitter.com/joJJO61qzA
— IndianPremierLeague (@IPL) April 14, 2024
సొంత మైదానంలో కోల్కతా గర్జించింది. తొలుత బౌలర్లు చెలరేగడంతో లక్నోను 161 పరుగులకే కట్టడి చేసింది. ఆ తర్వాత లక్ష్య ఛేదనలో 42 పరుగులకే రెండు వికెట్లు పడ్డారు. డేంజరస్ ఓపెనర్ సునీల్ నరైన్(6), యంగ్స్టర్ అంగ్క్రిష్ రఘువంశీ(7)లను మోహ్సిన్ ఖాన్ పెవిలియన్ పంపాడు. ఆ తర్వాత వచ్చిన కెప్టెన్ శ్రేయస్ అయ్యర్(38 నాటౌట్) జతగా ఓపెనర్ ఫిలిప్ సాల్ట్(89 నాటౌట్) బౌండరీల మోత మోగించాడు.
2⃣nd FIFTY in #TATAIPL 2024 for Phil Salt! 👏 👏#KKR sail past HUNDRED! 👍 👍
Follow the Match ▶ https://t.co/ckcdJJTe3n #KKRvLSG pic.twitter.com/9a4HUj2x6x
— IndianPremierLeague (@IPL) April 14, 2024
అతడి విధ్వంసానికి గబ్బా టెస్టు హీరో షమర్ జోసెష్, యశ్ ఠాకూర్లు బిక్కమొఖం వేశారు. రవి బిష్ణోయ్ వేసిన 16వ ఓవర్ నాలుగో బంతికి బౌండరీ బాదాడు. దాంతో, కోల్కతా డ్రెస్సింగ్ రూమ్లో ఫ్రాంచైజీ సహ యజమాని షారుఖ్ ఖాన్ సహా అందరూ గెలుపు సంబురాల్లో మునిగిపోయారు.
మెరూన్, గ్రీన్ జెర్సీతో బరిలోకి దిగిన లక్నో సూపర్ జెయింట్స్కు పవర్ ప్లేలోనే షాక్ తగిలింది. ఓపెనర్ డికాక్(10)ను వైభవ్ అరోరా రెండో ఓవర్లోనే వెనక్కి పంపాడు. ఆ కాసేపటికే స్టార్క్ బౌలింగ్లో దీపక్ హుడా(8) క్యాచ్ ఔట్ అయ్యాడు. రెండు కీలక వికెట్లు పడిన జట్టును ఆయుష్ బదొని(25)తో కలిసి కేఎల్ రాహుల్ ఆదుకున్నారు.
నికోలస్ పూరన్(45)
అయితే.. ఆండ్రూ రస్సెల్ బౌలింగ్లో సిక్సర్ బాదిన రాహుల్ మరో భారీ షాట్ ఆడి బౌండరీ వద్ద క్యాచ్ ఇచ్చి ఔటయ్యాడు. ఆ తర్వాత మార్కస్ స్టోయినిస్(10)ను వరుణ్ చక్రవర్తి బోల్తా కొట్టించాడు. 95 పరుగులకే నాలుగు వికెట్లు పడిన దశలో బదొని(29), నికోలస్ పూరన్(45 32 బంతుల్లో 2 ఫోర్లు, 4 సిక్సర్లు)లు లక్నోకు పోరాడగలిగే స్కోర్ అందించారు. కోల్కతా బౌలర్లలో స్టార్క్ మూడు, వైభవ్ ఆరోరా ఒక వికెట్ పడగొట్టారు.