Sachin Tendulkar | ఫెద‌ర‌ర్‌ను ఫాలో అయిన‌ట్టే.. ఇక‌నుంచి అల్క‌రాజ్ కెరీర్‌ను గ‌మనిస్తా : స‌చిన్

Sachin Tendulkar : తొలిసారి వింబుల్డ‌న్(Wimbledon) చాంపియ‌న్‌గా అవ‌త‌రించిన కార్లోస్ అల్క‌రాజ్‌(Carlos Alcaraz)పై దిగ్గ‌జ క్రికెట‌ర్ స‌చిన్ టెండూల్క‌ర్(Sachin Tendulkar) ప్ర‌శంసలు కురిపించాడు. అంతేకాదు అత‌డిని కొత్త‌ సూప‌ర్ స్టార్ అని ఆకాశానికెత్తేశాడు. ఒక‌ప్పుడు రోజ‌ర్‌ ఫెద‌ర‌ర్‌(Roger Federer)ను ఫాలో అయిన‌ట్టే ఇప్పుడు...

Sachin Tendulkar : తొలిసారి వింబుల్డ‌న్(Wimbledon) చాంపియ‌న్‌గా అవ‌త‌రించిన కార్లోస్ అల్క‌రాజ్‌(Carlos Alcaraz)పై దిగ్గ‌జ క్రికెట‌ర్ స‌చిన్ టెండూల్క‌ర్(Sachin Tendulkar) ప్ర‌శంసలు కురిపించాడు. అంతేకాదు అత‌డిని కొత్త‌ సూప‌ర్ స్టార్ అని ఆకాశానికెత్తేశాడు. ఒక‌ప్పుడు రోజ‌ర్‌ ఫెద‌ర‌ర్‌(Roger Federer)ను ఫాలో అయిన‌ట్టే ఇప్పుడు అల్కరాజ్ కెరీర్‌ను ఫాలో అవుతానని మాస్ట‌ర్ బ్లాస్ట‌ర్ తెలిపాడు. వింబుల్డ‌న్ ఫైన‌ల్ త‌ర్వాత స‌చిన్ ఆస‌క్తిక‌ర ట్వీట్ చేశాడు.

అందులో.. ‘ఎంత అద్భుత‌మైన ఫైన‌ల్ మ్యాచ్. ఇద్ద‌రూ ఎంతో గొప్పగా ఆడారు. టెన్నిస్‌లో కొత్త సూప‌ర్ స్టార్‌ను చూస్తున్నాం. అల్క‌రాజ్ టెన్నిస్ కెరీర్‌ను మ‌రో 10 – 12 ఏళ్లు ఫాలో అవుతాను. గతంలో రోజ‌ర్ ఫెద‌ర‌ర్ ఆట‌ను ఎంతో ఆస‌క్త‌గా గ‌మ‌నించేవాడిని’ అని స‌చిన్ చెప్పుకొచ్చాడు.

తొలి సెట్ కోల్పోయినా

నొవాక్ జ‌కోవిచ్‌తో నిన్న‌ హొరాహోరీ జ‌రిగిన వింబుల్డ‌న్ ఫైన‌ల్లో అల్క‌రాజ్ గెలుపొందాడు. దాంతో, తొలిసారి వింబుల్డ‌న్ ట్రోఫీని ఖాతాలో వేసుకున్నాడు. తొలి సెట్ కోల్పోయినా ఆందోళ‌న చెంద‌కుండా 1-6, 7-6(6), 6-1, 3-6, 6-4తో జ‌కోను చిత్తు చేశాడు. దాంతో వ‌రుస‌గా ఐదోసారి చాంపియ‌న్‌గా నిల‌వాల‌నుకున్న సెర్బియా స్టార్‌కు చెక్ పెట్టాడు.

What a fantastic final to watch! Excellent tennis by both these athletes!

We’re witnessing the rise of the next superstar of tennis. I’ll be following Carlos’ career for the next 10-12 years just like I did with @Rogerfederer.

Many congratulations @carlosalcaraz!#Wimbledon pic.twitter.com/ZUDjohh3Li

— Sachin Tendulkar (@sachin_rt) July 16, 2023

ముంబై ఇండియ‌న్స్ మెంటార్‌గా 

క్రికెట్‌లోని గొప్ప ఆట‌గాళ్ల‌లో ఒక‌డైన స‌చిన్‌కు టెన్నిస్ అంటే చాలా ఇష్టం. అందులోనూ రోజ‌ర్ ఫెద‌ర‌ర్ ఆట‌ను ఎంతో ఆస్వాదించేవాడు. క్రికెట్‌కు రిటైర్మెంట్ ప్ర‌క‌టించాక వింబుల్డ‌న్‌, ఫ్రెంచ్ ఓపెన్‌లో ఫెద‌ర‌ర్ మ్యాచ్‌లు చూసేందుకు వెళ్లేవాడు. అయితే… నిరుడు స్విస్ దిగ్గ‌జం టెన్నిస్‌కు వీడ్కోలు ప‌లికాడు. దాంతో, స‌చిన్ ఇక‌నుంచి యంగ్‌స్ట‌ర్ అల్కరాజ్‌ను ఫాలో అవ్వాల‌ని డిసైడ్ అయ్యాడు.

ముంబై ఇండియ‌న్స్ మెంటార్‌గా స‌చిన్‌

సచిన్ ప్ర‌స్తుతం ఐపీఎల్‌(IPL 2023)లో ముంబై ఇండియ‌న్స్(Mumbai Indians) మెంటార్‌గా కొన‌సాగుతున్నాడు. రెండున్న‌ర ద‌శాబ్దాలు క్రికెట్ కెరీర్‌లో ఈ లెజెండరీ ఆట‌గాడు ఎన్నో రికార్డులు నెల‌కొల్పాడు. మూడు ఫార్మాట్ల‌లో 100 సెంచ‌రీలు కొట్టి ఎవరికీ అంద‌నంత ఎత్తులో నిలిచాడు. అంతేకాదు వ‌న్డేల్లో తొలి డబుల్ సెంచ‌రీ(200 నాటౌట్‌) కొట్టింది కూడా స‌చినే. 2010లో ద‌క్షిణాఫ్రికాపై మాస్ట‌ర్ బ్లాస్ట‌ర్ ద్విశ‌త‌కంతో చెల‌రేగాడు.

ఇవి కూడా చ‌ద‌వండి

Asian Games | ఆసియా క్రీడల్లో పాల్గొనేందుకు అనుమతి ఇవ్వండి.. ప్రధాని, క్రీడల మంత్రికి భారత ఫుట్‌బాల్‌ కోచ్‌ లేఖ

Rahul Dravid | ఐర్లాండ్ సిరీస్‌కు రాహుల్ ద్ర‌విడ్ దూరం.. కోచింగ్ బాధ్య‌త‌లు ఎవ‌రికంటే..?