RCB Name Change | మరో పది రోజుల్లో ఐపీఎల్లో 17వ సీజన్ మొదలవనుంది. ఈ లీగ్లో అత్యంత ప్రజాధరణ కలిగిన జట్టుగా ఉన్న రాయల్ ఛాలంజర్స్ బెంగళూరు ఇప్పటివరకూ ఒక్కసారి కూడా ట్రోఫీని ముద్దాడలేదు. ఒక్క సీజన్లో అయినా ట్రోఫీ దక్కించుకోకున్నా ఆ జట్టు ఫ్యాన్ బేస్ను చూస్తే ఎవ్వరైనా ఆశ్చర్యపోవాల్సిందే. ఆర్సీబీ అంటే ఒక ఎమోషన్ అన్నంత రేంజ్లో ఆ జట్టు అభిమానులున్నారు. చిన్నస్వామి స్టేడియంలో మ్యాచ్ జరుగుతుందంటే ఆర్సీబీ ఫ్యాన్స్ హంగామా అంతా ఇంతా కాదు. తాజా సీజన్లో ఆర్సీబీ.. ఫ్యాన్స్ను మరింత ఖుషీ చేయనుంది. ఆ జట్టు పేరులో స్వల్ప మార్పులు చేయనుంది. ఈ విషయాన్ని స్వయంగా ఆర్సీబీ.. తన ట్విటర్ (ఎక్స్) ఖాతా వేదికగా కాంతారా నటుడు రిషభ్ శెట్టితో వీడియో చేయించి మరీ హింట్ ఇచ్చింది.
ఇంగ్లీష్లో ఆర్సీబీ సోషల్ మీడియాతో పాటు ఏ వేదికపై అయినా తమ జట్టు పేరు రాసేప్పుడు ‘Royal Challengers Bangalore’ అని రాస్తోంది. అయితే ఈ ‘Bangalore’ ప్లేస్లో ఇప్పట్నుంచి ‘Bengaluru’ అని రాయనుంది. ఇదే విషయాన్ని రిషభ్ శెట్టి ఇండైరెక్ట్గా హింట్ ఇచ్చాడు. ఈ సీజన్ నుంచి ఆర్సీబీ తమ ఫ్రాంచైజీని ‘Royal Challengers Bengaluru’గా మార్చుకోనుంది.
ರಿಷಬ್ ಶೆಟ್ಟಿ ಎನ್ ಹೇಳ್ತಿದ್ದಾರೆ ಅರ್ಥ ಆಯ್ತಾ?
Understood what Rishabh Shetty is trying to say?
You’ll find out at RCB Unbox. Buy your tickets now. 🎟️@shetty_rishab #RCBUnbox #PlayBold #ArthaAytha #ನಮ್ಮRCB pic.twitter.com/sSrbf5HFmd
— Royal Challengers Bangalore (@RCBTweets) March 13, 2024
ఇక వీడియోలో రిషభ్ శెట్టి.. అచ్చమైన పల్లెటూరు కన్నడ యువకుడిగా కనిపించాడు. మూడు దున్నపోతులకు రాయల్ ఛాలెంజర్స్ బెంగళూరు అని ఇంగ్లీష్లో రాసిఉంచగా వాటిలో ఒక్కోదానిని తీక్షణంగా పరిశీలిస్తూ వచ్చి.. ‘Bangalore’ అని రాసిఉన్న దున్నను అక్కడ్నుంచి తీసుకెళ్లాలని వాటిని పట్టుకున్నవాళ్లకు చెబుతాడు. దున్నపోతు అక్కడ్నుంచి వెళ్లగానే.. ‘అర్థ ఆయ్తా’ (అర్థమైందా..?) అని చిన్న నవ్వు నవ్వుతాడు. ఆర్సీబీ ఈ వీడియోను షేర్ చేస్తూ ‘రిషభ్ శెట్టి ఏం చెబుతున్నాడో అర్థమైందా..?’ అంటూ పోస్ట్ చేసింది. ఈ వీడియో నెట్టింట వైరల్ అయిన వెంటనే ఆర్సీబీ ఫ్యాన్స్కు అసలు విషయం అర్థమైపోయింది.
It Is Not ROYAL CHALLENGERS BANGALORE…
Now It’s ROYAL CHALLENGERS BENGALURU. ❤️#RCBUnbox #RoyalChallengersBengaluru #TATAIPL2024 #ViratKohli #viralvideo #RishabShetty #T20WorldCup2024 #RanjiTrophyFinalpic.twitter.com/YS0OPkg9Ix— CSN (@Cricketand56672) March 13, 2024
త్వరలో జరగాల్సి ఉన్న ఆర్సీబీ అన్బాక్స్ ఈవెంట్లో ఈ విషయాన్ని అధికారికంగా ప్రకటించనున్నారు. మరి అక్షరం మారితే అయినా ఆర్సీబీ అదృష్టం మారుతుందో ఈ సీజన్లో చూడాలి. ఐపీఎల్ -17లో భాగంగా సీజన్ ఆరంభ మ్యాచ్లో ఈ నెల 22న ఆర్సీబీ డిఫెండింగ్ ఛాంపియన్స్ చెన్నై సూపర్ కింగ్స్తో తలపడనుంది.