Rohit Sharma : ఇండియన్ ప్రీమియర్ లీగ్ దిగ్గజ సారథుల్లో రోహిత్ శర్మ(Rohit Sharma) ఒకడు. ముంబై ఇండియన్స్(Mumbai Indians) ఫ్రాంచైజీని ఐదు సార్లు విజేతగా నిలిపిన రోహిత్.. 2013 తర్వాత తొలిసారి మరొకరి కెప్టెన్సీలో ఆడుతున్నాడు. హార్దిక్ పాండ్యా(Hardhik Pandya) సారథ్యంలో ముంబై హ్యాట్రిక్ ఓటములు చవిచూడడం, పాండ్యా కెప్టెన్సీలో ఆడడంపై రోహిత్ అసంతృప్తిగా ఉన్నాడు. వచ్చే సీజన్కు ముందు అతడు ముంబైని వీడి మెగా వేలంలో పాల్గొంటాడనే వార్తలు వినిపిస్తున్నాయి.
ఈ నేపథ్యంలో రోహిత్ పాత వీడియో ఒకటి వైరల్ అవుతోంది. అందులో ఈ స్టార్ బ్యాటర్ కోల్కతా నైట్ రైడర్స్( kolkata knight riders)కు కెప్టెన్గా ఉండాలనుందని తన మనసులోని మాట బయటపెట్టాడు. ఆ వీడియోలో ముంబైకి కాకుండా మరే జట్టుకు సారథిగా వ్యవమరించాలని ఉంది అనే ప్రశ్నకు రోహిత్ ఇంట్రెస్టింగ్ సమాధానం చెప్పాడు.
Hardik Pandya has no talk with Rohit Sharma, Mark Boucher not answering on Rohit Sharma questions 🤣
Rohit Sharma’s dream of leading KKR in IPL can be true very soon🦁⏳pic.twitter.com/p9x2ZFADZi
— कट्टर KKR समर्थक 🦁🇮🇳 ™ (@KKRWeRule) March 18, 2024
‘నాకు ఈడెన్ గార్డెన్స్ మైదానమంటే ఇష్టం. ఇక్కడే నా కెరీర్లో చాలా జరిగాయి. ముంబై కాకుండా కోల్కతాకు కెప్టెన్గా ఉండాలని ఉంది’ అని హిట్మ్యాన్ తెలిపాడు. ఇప్పుడు అభిమానులు ఆ వీడియోను వైరల్ చేస్తున్నారు. 2025 మెగా వేలంలో రోహిత్ను కోల్కతా కొనే చాన్స్ ఉందనే ఊహగానాలు వినిపిస్తున్నాయి.
ఐపీఎల్ 17వ సీజన్కు ముందు గుజరాత్ నుంచి ట్రేడింగ్ పద్దతిలో ముంబై హార్దిక్ పాండ్యా (Hardhik Pandya)ను కొన్నది. అంతేకాదు రోహిత్ శర్మను కాదని పాండ్యాకు కెప్టెన్సీ అప్పగించడం అప్పట్లో దుమారమే రేపింది. హిట్మ్యాన్ను సారథిగా తప్పించడంతో ముంబై ఫ్యాన్స్ కోపంతో రగిలిపోతున్నారు.
అంతేనా.. పాండ్యా రాకతో ముంబై డ్రెస్సింగ్ రూమ్లో మొదలైన ముసలం ఇంకా నడుస్తూనే ఉంది. దానికి తోడూ మూడింటా మూడు మ్యాచుల్లో దారుణ ఓటమి ముంబైని వేధిస్తోంది. ఈ పరిస్థితుల్లో రోహిత్ 2025 మెగా వేలంలో తన పేరు రిజిష్టర్ చేసుకొనే ఉద్దేశంతో ఉన్నాడట. అయితే.. 17వ సీజన్ ముగిస్తే కానీ.. రోహిత్ ఐపీఎల్ భవితవ్యంపై ఓ స్పష్టత వచ్చే అవకాశముంది.