స్విగ్గీని నిషేధించాలంటున్న రోహిత్ శ‌ర్మ ఫ్యాన్స్.. ఎందుకో తెలుసా?
చెన్నై: ప్ర‌ముఖ ఫుడ్ డెలివ‌రీ యాప్ స్విగ్గీపై ముంబై ఇండియ‌న్స్ కెప్టెన్, ఇండియ‌న్ టీమ్ వైస్ కెప్టెన్ రోహిత్ శ‌ర్మ ఫ్యాన్స్ తీవ్రంగా మండిప‌డుతున్నారు. స్విగ్గీని నిషేధించాల‌ని డిమాండ్ చేస్తున్నారు. దీనికి కార‌ణం స్విగ్గీ చేసిన ఓ ట్వీటే. ఎవరో ఓ వ్య‌క్తి చేసిన మేమ్‌ను స్విగ్గీ రీపోస్ట్ చేసింది. రోహిత్ శ‌ర్మ ఓ రోడ్‌సైడ్ స్టాల్‌లో ఉన్న వ‌డ పావ్‌ను క్యాచ్ ప‌ట్టుకుంటున్న‌ట్లు ఓ వ్య‌క్తి మేమ్ క్రియేట్ చేశాడు.
దీనిని స్విగ్గీ రీపోస్ట్ చేస్తూ ద్వేషించేవాళ్లు ఇది ఫొటోషాప్ చేసింద‌ని అనుకుంటారు అని కామెంట్ చేసింది. ఈ ట్వీట్ చేసిన నిమిషాల్లోనే రోహిత్ శ‌ర్మ ఫ్యాన్స్ సీరియ‌స్ అయ్యారు. బాయ్‌కాట్ స్విగ్గీ పేరుతో ఓ హ్యాష్‌ట్యాగ్‌ను వైర‌ల్ చేసేశారు. ఓ నేష‌న‌ల్ హీరోని అవ‌మానించేలా ఈ ట్వీట్ ఉన్న‌ద‌ని వాళ్లు తీవ్రంగా మండిప‌డ్డారు. స్విగ్గీని బ్యాన్ చేసి జొమాటోకు వెళ్లిపోతామ‌నీ హెచ్చ‌రించారు. క్ష‌మాప‌ణ చెప్ప‌క‌పోతే మీ యాప్‌ను అన్ఇన్‌స్టాల్ చేస్తామ‌నీ స్ప‌ష్టం చేశారు.
దీంతో స్విగ్గీ దిగి వ‌చ్చింది. ఎవరో ఓ వ్య‌క్తి చేసిన మేమ్‌ను తాము రీపోస్ట్ చేశామే త‌ప్ప ఆ ఫొటోను తాము క్రియేట్ చేయ‌లేద‌ని, అయితే ఇంత‌క‌న్నా మంచి కామెంట్ రాసి ఉండాల్సింద‌ని వివ‌ర‌ణ ఇచ్చింది. తమ‌కు ఎవ‌రినీ కించ‌ప‌రిచే ఉద్దేశం లేదంటూ ఆ ట్వీట్‌ను డిలీజ్ చేసింది.
ఇవి కూడా చ‌ద‌వండి
IPL 2021: అభిమానుల‌కు షారుక్ ఖాన్ క్ష‌మాప‌ణ
వెన‌క్కి త‌గ్గిన అమెరికా.. భార‌త్‌తో భాగ‌స్వామ్యాన్ని గౌర‌విస్తామ‌ని ప్ర‌క‌ట‌న
కుంభ‌మేళాను మ‌ర్క‌జ్‌తో పోల్చ‌వ‌ద్దు..
1,84,372 కేసులు.. 1027 మ‌ర‌ణాలు.. కరోనా విల‌య తాండ‌వం
రాష్ట్రంలో కొత్తగా 2157 కరోనా కేసులు
హైదరాబాద్‌లో నేడు ట్రాఫిక్‌ ఆంక్షలు
బాబాసాహెబ్‌ అంబేద్కర్‌ 130వ జయంతి.. రాష్ట్రపతి, ప్రధాని నివాళి
Read Today's Latest Sports News in Telugu and Telugu News
- Follow Us :
-
