Ravichandran Ashwin | అశ్విన్‌ ఇక ఫ్రాంచైజీ ఓనర్‌.. గ్లోబల్‌ చెస్‌ లీగ్‌లో పెట్టుబడులు

భారత క్రికెట్‌ జట్టు స్టార్‌ స్పిన్నర్‌ రవిచంద్రన్‌ అశ్విన్‌ ఫ్రాంచైజీ కో ఓనర్‌ అయ్యాడు. గ్లోబల్‌ చెస్‌ లీగ్‌లో అతడు ‘అమెరికన్‌ గాంబిట్స్‌' ఫ్రాంచైజీలో సహ యజమానిగా పెట్టుబడులు పెట్టాడు.

Ravichandran Ashwin | ఢిల్లీ: భారత క్రికెట్‌ జట్టు స్టార్‌ స్పిన్నర్‌ రవిచంద్రన్‌ అశ్విన్‌ ఫ్రాంచైజీ కో ఓనర్‌ అయ్యాడు. గ్లోబల్‌ చెస్‌ లీగ్‌లో అతడు ‘అమెరికన్‌ గాంబిట్స్‌’ ఫ్రాంచైజీలో సహ యజమానిగా పెట్టుబడులు పెట్టాడు. టెక్‌ మహీంద్ర, అంతర్జాతీయ చెస్‌ సమాఖ్య సంయుక్తంగా నిర్వహిస్తున్న ఈ లీగ్‌ రెండో ఎడిషన్‌ రానున్న అక్టోబర్‌లో మొదలుకానుండగా తాజాగా ఇందుకు సంబంధించిన ఓ జట్టు రిప్లేస్‌మెంట్‌ను నిర్వాహకులు ప్రకటించారు.

‘చింగారి గల్ఫ్‌ టైటాన్స్‌’ స్థానంలో అమెరికన్‌ గాంబిట్స్‌ బరిలో దిగనుంది. అక్టోబర్‌ 3 నుంచి 12 దాకా లండన్‌ వేదికగా జరుగబోయే ఈ టోర్నీ రెండో ఎడిషన్‌లో అల్పైన్‌ ఎస్‌సీ పైపర్స్‌, పీబీజీ అలస్కన్‌ నైట్స్‌, గ్యాంగ్స్‌ గ్రాండ్‌మాస్టర్స్‌, త్రివేణి కాంటినెంటల్‌ కింగ్స్‌ ఇతర జట్లుగా ఉన్నాయి. ప్రముఖ వ్యాపారవేత్తలు పీపీ ప్రచుర, వెంకట్‌ కె నారాయణతో కలిసి అశ్విన్‌.. అమెరికన్‌ గాంబిట్స్‌లో పెట్టుబడులు పెట్టాడు.