Ashes Series | తొలి టెస్టుకు వ‌ర్షం అంత‌రాయం.. 33 ప‌రుగుల ఆధిక్యంలో ఇంగ్లండ్

Ashes Series : ఎడ్జ్‌బాస్ట‌న్ వేదిక‌గా జ‌ర‌గుతున్న‌ యాషెస్(Ashes Series) తొలిటెస్టుకు వ‌ర్షం అంత‌రాయం క‌లిగించింది. ఇంగ్లండ్ రెండో ఇన్నింగ్స్ 7వ ఓవ‌ర్ ముగిశాక పెద్ద పెద్ద‌ చినుకులు ప‌డ్డాయి. దాంతో అంపైర్లు మ్యాచ్ నిలిపివేశారు. గ్రౌండ్ సిబ్బంది పిచ్‌ను క‌వ‌ర్ల‌తో క‌ప్పేశారు. రెండో ఇన్నింగ్స్‌లో ఓపెన‌ర్లు బెన్ డ‌కెట్(18), జాక్ క్రాలే(7)...

Ashes Series : ఎడ్జ్‌బాస్ట‌న్ వేదిక‌గా జ‌ర‌గుతున్న‌ యాషెస్(Ashes Series) తొలిటెస్టుకు వ‌ర్షం అంత‌రాయం క‌లిగించింది. ఇంగ్లండ్ రెండో ఇన్నింగ్స్ 7వ ఓవ‌ర్ ముగిశాక పెద్ద పెద్ద‌ చినుకులు ప‌డ్డాయి. దాంతో అంపైర్లు మ్యాచ్ నిలిపివేశారు. గ్రౌండ్ సిబ్బంది పిచ్‌ను క‌వ‌ర్ల‌తో క‌ప్పేశారు. రెండో ఇన్నింగ్స్‌లో ఓపెన‌ర్లు బెన్ డ‌కెట్(18), జాక్ క్రాలే(7) ఆచితూచి ఆడారు. వ‌ర్షం ప‌డే స‌మ‌యానికి ఇంగ్లండ్ వికెట్ న‌ష్ట‌పోకుండా 26 ర‌న్స్ చేసింది. స్టోక్స్ సేన‌ ప్ర‌స్తుతం 33 ప‌రుగుల ఆధిక్యంలో ఉంది. .

ఓలీ రాబిన్స‌న్ ఓవ‌ర్లో ప్యాట్ క‌మిన్స్‌(38) ఔట‌వ్వ‌డంతో 386 ప‌రుగుల‌ వ‌ద్ద‌ ఆసీస్ ఇన్నింగ్స్ ముగిసింది. దాంతో, ఆతిథ్య ఇంగ్లండ్‌కు తొలి ఇన్నింగ్స్‌లో 7 ప‌రుగుల ఆధిక్యం ల‌భించింది. ఓలీ రాబిన్స‌న్, స్టువార్ట్ బ్రాడ్ మూడేసి వికెట్లు తీశారు. మోయిన్ అలీ రెండు, స్టోక్స్ ఒక వికెట్ ప‌డ‌గొట్టారు.

🌧️🌧️🌧️

The heavens have opened and we’re off at Edgbaston.#EnglandCricket | #Ashes pic.twitter.com/12Rj2aPVir

— England Cricket (@englandcricket) June 18, 2023

ఖ‌వాజాతో మొద‌లు..

ఓవ‌ర్‌నైట్ స్కోర్‌తో 311తో మూడో రోజు ఆట కొన‌సాగించిన ఆస్ట్రేలియాకు తొలి సెష‌న్‌లో షాక్ త‌గిలింది. అలెక్స్ క్యారీ(66)ని జేమ్స్ అండ‌ర్స‌న్ బౌల్డ్ చేశాడు. క్రీజులో పాతుకుపోయిన ఓపెన‌ర్‌ ఉస్మాన్ ఖ‌వాజా (141)ను రాబిన్స‌న్ వెన‌క్కి పంపాడు. ఆ త‌ర్వాత‌ క‌మిన్స్(38) పోరాడ‌డంతో ఆసీస్ ఆమాత్రం స్కోర్ చేయ‌గ‌లిగింది. తొలిరోజు ఇంగ్లండ్ 393-8 వ‌ద్ద ఇన్నింగ్స్ డిక్లేర్ చేసింది. జో రూట్ (118) సెంచ‌రీ, జానీ బెయిర్‌స్టో(78) హాఫ్ సెంచ‌రీతో క‌దం తొక్కారు.

ఇవి కూడా చ‌ద‌వండి

Ajinkya Rahane | మ‌ళ్లీ కౌంటీల్లో ఆడనున్న ర‌హానే.. ఏ జ‌ట్టు త‌ర‌ఫున బ‌రిలోకి దిగనున్నాడంటే..?

Moeen Ali | మోయిన్ అలీకి షాక్.. మ్యాచ్ ఫీజులో 25 శాతం కోత విధించిన ఐసీసీ