Brisbane International | తిరుగులేని టాప్ సీడ్లు.. క్వార్ట‌ర్ ఫైన‌ల్లో స్పెయిన్ బుల్

Brisbane International : ఆస్ట్రేలియాలో జ‌రుగుతున్న‌బ్రిస్బేన్ ఇంట‌ర్నేష‌న‌ల్(Brisbane International) టోర్నీలో మాజీ వ‌ర‌ల్డ్ నంబ‌ర్ 1 ర‌ఫెల్ నాద‌ల్(Rafeal Nadal) జోరు కొన‌సాగిస్తున్నాడు. తొలి పోరులోనే మూడో సీడ్ డోమ్నిక్ థీమ్‌(Domnic Theim)ను చిత్తు చేసిన స్పెయిన్ బుల్...

Brisbane International : ఆస్ట్రేలియాలో జ‌రుగుతున్న‌బ్రిస్బేన్ ఇంట‌ర్నేష‌న‌ల్(Brisbane International) టోర్నీలో టాప్ సీడ్లు ర‌ఫ్ఫాడిస్తున్నారు. మ‌రో వైపు ఏడాది త‌ర్వాత పున‌రాగమనం చేసిన‌ మాజీ వ‌ర‌ల్డ్ నంబ‌ర్ 1 ర‌ఫెల్ నాద‌ల్(Rafeal Nadal) జోరు కొన‌సాగిస్తున్నాడు. తొలి పోరులోనే మూడో సీడ్ డోమ్నిక్ థీమ్‌(Domnic Theim)ను చిత్తు చేసిన స్పెయిన్ బుల్ గురువారం జేస‌న్ క‌బ్ల‌ర్‌(Jason Kubler)ను మ‌ట్టికరిపించాడు. వరుస‌గా రెండు సెట్లలో ఆధిప‌త్యం చెలాయించిన ర‌ఫా.. 6-1, 6-2తో క‌బ్ల‌ర్‌ను ఓడించి క్వార్ట‌ర్ ఫైన‌ల్‌కు దూసుకెళ్లాడు.

‘ఈ విజ‌యం నాకెంతో ప్ర‌త్యేకం. వ‌రుస‌గా రెండు విజ‌యాలు సాధించ‌డం ప‌ట్ల చాలా సంతోషంగా ఉన్నా. మ్యాచ్ ఆరంభం నుంచి దూకుడుగా ఆడాల‌ని, నాదైన షాట్ల‌తో విరుచుకుప‌డాల‌ని అనుకున్నా. ఈ విజ‌యంతో రేపు జ‌రిగే మ్యాచ్‌లో ఆడే అవ‌కాశం ద‌క్కింది’ అని మ్యాచ్ అనంత‌రం ర‌ఫా తెలిపాడు.

Powering into the quarterfinals! ⚡️
#BrisbaneTennis powered by @EvieNetworks pic.twitter.com/sZxQ7uVjWX

— Brisbane International (@BrisbaneTennis) January 4, 2024

పురుషుల సింగిల్స్‌లో మాజీ వింబుల్డ‌న్ చాంపియ‌న్ గ్రిగ‌ర్ దిమిత్రోవ్ 6-1, 6-2తో డానియెల్ ఆల్ట్‌మెర్‌పై గెలుపొందాడు. దిమిత్రోవ్ త‌ర్వాతి మ్యాచ్‌లో వైల్డ్ కార్ట్ ఎంట్రీ రింకీ హిజిక‌టాతో త‌ల‌ప‌డ‌నున్నాడు. మ‌హిళ‌ల విభాగంలో అజ‌రెంక‌, జెలెనా ఒస్ట‌పెంకో క్వార్ట‌ర్స్‌కు దూసుకెళ్లారు. 34 ఏండ్ల అజ‌రెంక ఫ్రాన్స్‌కు చెందిన క‌ల్ఆర బురెల్‌ను 7-5, 6-2తో చిత్తు చేసింది. రెండో రౌండ్‌లో న‌వామి ఓసాకాను ఓడించిన మూడో సీడ్ ఒస్ట‌పెంకో 6-2, 4-6, 6-3తో క‌రోలినా ప్లిస్కోవాపై గెలుపొందింది.

ఇవి కూడా చ‌ద‌వండి

• Team India | దక్షిణాఫ్రికా గ‌డ్డ‌పై సంచ‌ల‌న‌ విజ‌యం.. ఆ జాబితాలో భార‌త్ టాప్‌
• Hanuman | షాకింగ్.. హనుమాన్ సినిమాలో ఆంజనేయుడు అతడేనా..?
• Vijay Sethupathi | మేరీ క్రిస్మస్‌ ప్రమోషన్స్ టైం.. ట్రెండింగ్‌లో కత్రినాకైఫ్‌, విజయ్‌సేతుపతి విజువల్స్‌