Quinton de Kock : దక్షిణాఫ్రికా విధ్వంసక ఓపెనర్ క్వింటన్ డికాక్(Quinton de Kock) అభిమానులకు షాకింగ్ న్యూస్ చెప్పాడు. ప్రపంచ కప్(ODI World Cup 2023) తర్వాత వన్డేలకు గుడ్ బై చెప్పనున్నట్టు ఈ స్టార్ బ్యాటర్ వెల్లడించాడు. వరల్డ్ కప్ స్క్వాడ్ ఎంపికకు ముందుగానే అతడు ఈ విషయాన్ని సెలెక్టర్లకు తెలియజేశాడు. వాళ్లు కూడా డికాక్ నిర్ణయానికి అంగీకరించినట్టు తెలుస్తోంది.
‘దక్షిణాఫ్రికా క్రికెట్కు డికాక్ ఎంతో మంచి సేవకుడు. అతడు తన ఆటాకింగ్ బ్యాటింగ్తో చాలా ఏళ్లుగా జట్టులో కీలక ఆటగాడిగా కొనసాగాడు. విధ్వంసక ఇన్నింగ్స్లతో జట్టుపై తన ముద్ర వేశాడు. అంతేకాదు కెప్టెన్గానూ సేవలందించాడు. సారథి కావడం అనేది ప్రతి ఆటగాడికి నిజంగా అదొక గొప్ప గౌరవం’ అని దక్షిణాఫ్రికా క్రికెట్ డైరెక్టర్ ఎనోచ్ కెవే(Enoch Nkwe) ఓప్రకటనలో తెలిపాడు.
🟡ANNOUNCEMENT 🟢
Quinton de Kock has announced his retirement from ODI cricket following the conclusion of the ICC @cricketworldcup in India 🏆 🏏
What’s your favourite Quinny moment throughout the years ? 🤔 pic.twitter.com/oyR6yV5YFZ
— Proteas Men (@ProteasMenCSA) September 5, 2023
డికాక్ 2013లో వన్డేల్లో అరంగేట్రం చేశాడు. వికెట్ కీపర్, బ్యాటర్ అయిన డికాక్ విధ్వంసక ఓపెనర్గా సఫారీ జట్టుకు ఎన్నో విజయాలు అందించాడు. అంతేకాదు ఈ లెఫ్ట్ హ్యాండర్ 21 ఇన్నింగ్స్ల్లోనే వెయ్యు పరుగుల మైలురాయికి చేరువయ్యాడు. దాంతో, తక్కువ ఇన్నింగ్స్ల్లో 1,000 పరుగులు చేసిన నాలుగో క్రికెటర్గా రికార్డు సృష్టించాడు. ఈ ఫార్మాట్లో అతడి అత్యధిక స్కోర్ .. 178.స్వదేశంలో ఇప్పటివరకూ 140 వన్డేలు ఆడిన ఈ లెఫ్ట్ హ్యాండర్ 44.85 సగటుతో 5,966 రన్స్ కొట్టాడు. అందులో 17 సెంచరీలు, 29 హాఫ్ సెంచరీలు ఉన్నాయి. అంతేకాదు దక్షిణాఫ్రికా బెస్ట్ వికెట్ కీపర్లలో ఒకడైన డికాక్ 183 క్యాచ్లు, 14 స్టంపింగ్స్తో 197 మంది బ్యాటర్లను పెవిలియన్ పంపాడు.
Here are the 1️⃣5️⃣ men who have been tasked with the ICC Men’s @cricketworldcup duties 📝 🇿🇦
Let’s back our boys 💪🏏 #CWC23 #ProteasSquadAnnouncement pic.twitter.com/4UXnHkrOlc
— Proteas Men (@ProteasMenCSA) September 5, 2023
దక్షిణాఫ్రికా క్రికెట్ బోర్డు ఈరోజు వన్డే వరల్డ్ కప్ స్క్వాడ్( World Cup 2023 Squad)ను ప్రకటించింది. తెంబా బవుమా కెప్టెన్గా 15 మందితో కూడిన బృందాన్ని సెలెక్టర్లు ఎంపిక చేశారు. సీనియర్లపై నమ్మకం ఉంచిన సెలెక్టర్లు పలువురు యంగ్స్టర్స్ను పక్కనపెట్టేశారు. జూనియర్ డివిలియర్స్గా పేరొందిన బ్రెవిస్(Dewald Brevis), యంగ్స్టర్ ట్రిస్టన్ స్టబ్స్(Tristan Stubbs)కు చోటు దక్కలేదు.