ODI World Cup 2023 | ద‌క్షిణాఫ్రికా వ‌ర‌ల్డ్ క‌ప్ స్క్వాడ్‌.. జూనియ‌ర్ డివిలియ‌ర్స్‌కు చోటు ద‌క్క‌లే

ODI World Cup 2023 : ద‌క్షిణాఫ్రికా క్రికెట్ బోర్డు ఈరోజు వ‌న్డే వ‌ర‌ల్డ్ క‌ప్ స్క్వాడ్‌(World Cup Squad)ను ప్ర‌క‌టించింది. తెంబా బ‌వుమా(Temba Bavuma) కెప్టెన్‌గా 15 మందితో కూడిన‌ బృందాన్ని సెలెక్ట‌ర్లు ఎంపిక చేశారు. సీనియ‌ర్లపై న‌మ్మ‌కం ఉంచిన సెలెక్ట‌ర్లు ప‌లువురు యంగ్‌స్ట‌ర్స్‌ను ప‌క్క‌న‌పెట్టేశారు. జూనియ‌ర్ డివిలియ‌ర్స్‌గా పేరొందిన...

ODI World Cup 2023 : ద‌క్షిణాఫ్రికా క్రికెట్ బోర్డు ఈరోజు వ‌న్డే వ‌ర‌ల్డ్ క‌ప్ స్క్వాడ్‌(World Cup Squad)ను ప్ర‌క‌టించింది. తెంబా బ‌వుమా(Temba Bavuma) కెప్టెన్‌గా 15 మందితో కూడిన‌ బృందాన్ని సెలెక్ట‌ర్లు ఎంపిక చేశారు. సీనియ‌ర్లపై న‌మ్మ‌కం ఉంచిన సెలెక్ట‌ర్లు ప‌లువురు యంగ్‌స్ట‌ర్స్‌ను ప‌క్క‌న‌పెట్టేశారు. జూనియ‌ర్ డివిలియ‌ర్స్‌గా పేరొందిన డెవాల్డ్ బ్రెవిస్‌(Dewald Brevis), యంగ్‌స్ట‌ర్ ట్రిస్ట‌న్ స్ట‌బ్స్‌(Tristan Stubbs)కు చోటు ద‌క్క‌లేదు.

ఆస్ట్రేలియాతో వ‌న్డేకు ఎంపికైన ఈ ఇద్ద‌రూ ప్ర‌పంచ క‌ప్ జ‌ట్టులో ఉంటార‌ని అనుకున్నారంతా. కానీ, అనూహ్యంగా వీళ్ల‌ను ప‌క్క‌న పెట్టారు. ఐపీఎల్ 16వ సీజ‌న్‌లో స‌న్‌రైజ‌ర్స్ హైద‌రాబాద్ త‌ర‌ఫున మెరుపు ఇన్నింగ్స్‌లు ఆడిన హెన్రిచ్ క్లాసెన్‌( Heinrich Klaasen) జ‌ట్టులోకి వ‌చ్చాడు.

Here are the 1️⃣5️⃣ men who have been tasked with the ICC Men’s @cricketworldcup duties 📝 🇿🇦

Let’s back our boys 💪🏏 #CWC23 #ProteasSquadAnnouncement pic.twitter.com/4UXnHkrOlc

— Proteas Men (@ProteasMenCSA) September 5, 2023

ద‌క్షిణాఫ్రికా బృందం :  తెంబా బ‌వుమా (కెప్టెన్‌), గెరాల్డ్ కొఎట్జ్‌, క్వింట‌న్ డికాక్, రీజా హెండ్రిక్స్, హెన్రిచ్ క్లాసెన్, సిసండ మ‌గ‌ల‌, కేశవ్ మ‌హ‌రాజ్‌, ఏడెన్ మ‌ర‌క్రం, డేవిడ్ మిల్ల‌ర్, మార్కో జాన్‌సెన్, లుంగి ఎంగిడి, అన్రిచ్ నార్ట్జ్, క‌గిసో ర‌బ‌డ‌, త‌బ్రేజ్ షంసీ, ర‌స్సీ వాన్ డెర్ డ‌స్సెన్.

ముఖ్య‌మైన విష‌యం ఏంటంటే..? డాషింగ్ ఓపెన‌ర్ క్వింట‌న్ డికాక్‌(Quinton de Kock)కు ఇదే చివ‌రి వ‌ర‌ల్డ్ క‌ప్. ఈ మెగా టోర్నీ త‌ర్వాత వ‌న్డేల‌కు రిటైర్మెంట్ ప్ర‌క‌టిస్తున్న‌ట్టు అత‌ను ఇప్ప‌టికే వెల్ల‌డించిన విష‌యం తెలిసిందే.

డెవాల్డ్ బ్రెవిస్‌

ఈఏడాది భార‌త గ‌డ్డ‌పై వ‌న్డే వ‌ర‌ల్డ్ క‌ప్ పోటీలు జ‌రుగ‌నున్నాయి. 12 ఏళ్ల త‌ర్వాత ఇండియా ఈ మెగా టోర్నీకి ఆతిథ్యం ఇస్తోంది. స‌ఫారీ జ‌ట్టు అక్టోబ‌ర్ 7 శ్రీ‌లంక‌తో త‌ల‌ప‌డ‌నుంది. ఆ త‌ర్వాత అక్టోబ‌ర్ 12న ఆస్ట్రేలియాను ఢీ కొన‌నుంది. ఈ ఏడాది సెమీఫైన‌ల్స్‌కు కూడా రిజ‌ర్వ్ డే కేటాయించారు. న‌వంబ‌ర్ 19న ట్రోఫీ విజేత ఎవ‌రో తేలిపోనుంది.

ఇవి కూడా చ‌ద‌వండి

ODI World Cup 2023: కేఎల్ రాహుల్ లేదా ఇషాన్ కిష‌న్‌.. కీపింగ్ రోల్‌పై చీఫ్ సెలెక్ట‌ర్ ఏమ‌న్నారంటే

World Cup 2023: వ‌ర‌ల్డ్‌క‌ప్ బృందంలో కేఎల్ రాహుల్‌.. 15 మంది స‌భ్యుల పేర్ల‌ను ప్ర‌క‌టించిన చీఫ్ సెలెక్ట‌ర్‌