Badminton | సయ్యద్‌ మోడీ బ్యాడ్మింటన్‌ టోర్నీలో మెరిసిన భారత షట్లర్లు.. పోరాడి గెలిచిన సింధు

సయ్యద్‌ మోడీ ఇంటర్నేషనల్‌ సూపర్‌ 300 బ్యాడ్మింటన్‌ టోర్నీ రెండో రౌండ్‌లో భారత షట్లర్లు మెరిశారు. గురువారం జరిగిన మహిళల సింగిల్స్‌లో పీవీ సింధు, ఉన్నతి హుడా, తస్నిమ్‌ మిర్‌, శ్రీయాన్షి.. పురుషుల సింగిల్స్‌లో లక్ష్యసేన్‌, అయూశ్‌, లువాంగ్‌, రజావత్‌, రిత్విక్‌ ఈ టోర్నీ క్వార్టర్స్‌కు దూసుకెళ్లారు.

Badminton | లక్నో: సయ్యద్‌ మోడీ ఇంటర్నేషనల్‌ సూపర్‌ 300 బ్యాడ్మింటన్‌ టోర్నీ రెండో రౌండ్‌లో భారత షట్లర్లు మెరిశారు. గురువారం జరిగిన మహిళల సింగిల్స్‌లో పీవీ సింధు, ఉన్నతి హుడా, తస్నిమ్‌ మిర్‌, శ్రీయాన్షి.. పురుషుల సింగిల్స్‌లో లక్ష్యసేన్‌, అయూశ్‌, లువాంగ్‌, రజావత్‌, రిత్విక్‌ ఈ టోర్నీ క్వార్టర్స్‌కు దూసుకెళ్లారు. మహిళల సింగిల్స్‌లో 18వ ర్యాంకర్‌ సింధు 21-10, 12-21, 21-15తో భారత్‌కే చెందిన ఇరా శర్మపై పోరాడి గెలిచింది.

మరో పోరులో 17 ఏండ్ల యువ సంచలనం ఉన్నతి 21-18, 22-20తో చోయికీవాంగ్‌ ను ఓడించింది. మాళవిక బన్సోద్‌, అనుపమ పోరాటం ప్రిక్వార్టర్స్‌లోనే ముగిసింది. పురుషుల సింగిల్స్‌లో లక్ష్యసేన్‌ 21-14, 21-13తో డానిల్‌పై అలవోకగా గెలిచాడు. రజావత్‌ 21-15, 21-8తో లి డుక్‌ ఫట్‌పై గెలిచాడు. మహిళల డబుల్స్‌లో త్రిసా జాలీ – గాయత్రి గోపీచంద్‌ ద్వయం 21-13, 21-10తో అశ్విని-శిఖాను ఓడించింది. మిక్స్‌డ్‌ డబుల్స్‌లో సుమిత్‌రెడ్డి-సిక్కిరెడ్డి జంట.. 18-21, 12-21తో లూ బింగ్‌ – హో లొ చేతిలో పరాభవం పాలైంది.