Praggnanandhaa | ‘మీ ప్రేమ‌, మ‌ద్ద‌తుకు ధ‌న్య‌వాదాలు’.. ప్ర‌జ్ఞానంద పోస్ట్ వైర‌ల్

Praggnanandhaa : ఫిడే వ‌ర‌ల్డ్ క‌ప్ రన్న‌ర‌ప్ ప్ర‌జ్ఞానంద(R Praggnanandhaa) సోష‌ల్ మీడియా వేదిక‌గా అంద‌రికీ ధన్య‌వాదాలు తెలిపాడు. ఫిడే చెస్‌ ప్రపంచ కప్(FIDE World Cup) ఫైన‌ల్లో త‌న విజ‌యం కోసం ఎంతో త‌పించిన ప్ర‌తి ఒక్క‌రికి థ్యాంక్స్ చెప్పాడు. 'ఫిడే వ‌ర‌ల్డ్ క‌ప్‌లో సిల్వ‌ర్ మెడ‌ల్ గెలిచినందుకు, క్యాండిడేట్స్ 2024 పోటీల‌కు...

Praggnanandhaa : ఫిడే వ‌ర‌ల్డ్ క‌ప్ రన్న‌ర‌ప్ ప్ర‌జ్ఞానంద(R Praggnanandhaa) సోష‌ల్ మీడియా వేదిక‌గా అంద‌రికీ ధన్య‌వాదాలు తెలిపాడు. ఫిడే చెస్‌ ప్రపంచ కప్(FIDE World Cup) ఫైన‌ల్లో త‌న విజ‌యం కోసం ఎంతో త‌పించిన ప్ర‌తి ఒక్క‌రికి థ్యాంక్స్ చెప్పాడు. ‘ఫిడే వ‌ర‌ల్డ్ క‌ప్‌లో సిల్వ‌ర్ మెడ‌ల్ గెలిచినందుకు, క్యాండిడేట్స్ 2024 పోటీల‌కు అర్హ‌త సాధించినందుకు చాలా సంతోషంగా ఉంది. మీ అంద‌రి ప్రేమ‌, మ‌ద్ద‌తు పొంద‌డాన్ని గౌర‌వంగా భావిస్తున్నా.

అంతేకాదు నా విజ‌యం కోసం ప్రార్ధ‌న‌లు చేసిన ప్ర‌తి ఒక్క‌రికి కృత‌జ్ఞ‌తలు. న‌న్ను అభినందించిన‌, ఆశీర్వదించిన ప్ర‌తి ఒక్క‌రికి ధ‌న్య‌వాదాలు. నాకు ఎల్ల‌ప్పుడూ స‌పోర్టుగా ఉండే, నా సంతోషానికి కార‌ణ‌మైన, ఎంతో గ‌ర్వ‌కార‌ణ‌మైన మా అమ్మ‌తో’ అని ప్రజ్ఞానంద త‌న పోస్ట్‌లో రాసుకొచ్చాడు.

Extremely elated to win Silver medal 🥈in Fide World Cup 2023 and qualified to the Candidates 2024!
Grateful to receive the love, support and prayers of each one of you! 🇮🇳
Thankyou everyone for the wishes🙏🏼
With my ever supportive, happiest and proud Amma❤️
📷@M_Sridharan pic.twitter.com/AgAVGybFxw

— Praggnanandhaa (@rpragchess) August 26, 2023

భారత గ్రాండ్‌మాస్టర్ ప్రజ్ఞానంద ఫైన‌ల్లో అద్వితీయ పోరాటంతో ఆక‌ట్టుకున్నాడు. రన్న‌ర‌ప్‌గా నిలిచిన ఈ యువ సంచ‌ల‌నం కెరీర్‌లోనే అత్యధిక రేటింగ్స్ సాధించాడు. వ‌ర‌ల్డ్ క‌ప్‌లో అద‌ర‌గొట్టిన ప్ర‌జ్ఞానంద 2727.2 పాయింట్లు సొంతం చేసుకున్నాడు. అంతేకాదు లైవ్ రేటింగ్స్‌లో టాప్ 20 ర్యాంక్‌లో నిలిచాడు. అజ‌ర్‌బైజాన్‌లో ఉత్కంఠ‌గా జ‌రిగిన ఫైన‌ల్లో ప్ర‌జ్ఞానంద పోరాడి ఓడిపోయాడు. టై బ్రేక్‌(Tie Break)లో కార్ల్‌స‌న్ విజ‌యం సాధించి కెరీర్‌లో మొద‌టి ఫిడే వ‌ర‌ల్డ్ క‌ప్ ట్రోఫీని సొంతం చేసుకున్నాడు.

మాగ్న‌స్ కార్ల్‌స‌న్, ప్ర‌జ్ఞానంద

మూడు రోజుల పాటు జ‌రిగిన మ్యాచ్‌లో 18 ఏళ్ల ప్ర‌జ్ఞానంద అస‌మాన పోరాటంతో ఆక‌ట్టుకున్నాడు. కార్ల్‌స‌న్ ఎత్తుల‌కు పై ఎత్తులు వేస్తూ అత‌డికి చెమ‌ట‌లు ప‌ట్టించాడు. గ‌తంలో కార్ల్‌స‌న్‌ను ఓడించిన ప్ర‌జ్ఞానంద ఈసారి మాత్రం అదే ఫ‌లితం సాధించ‌లేక‌పోయాడు. దాంతో, చ‌రిత్ర‌కు ఒక్క అడుగు దూరంలో నిలిచినా అంద‌రి చేత శ‌భాష్ అనిపించుకున్నాడు.ఈ టోర్నీలో అద్భుతంగా ఆడిన అత‌ను వ‌చ్చే ఏడాది జ‌రుగ‌బోయే క్యాండిడేట్స్‌ టోర్న‌మెంట్‌(Candidates Tournament 2024)కు అర్హ‌త సాధించాడు.టై బ్రేక్‌లో ఓడిన‌ప్ప‌టికీ కోట్లాది మంది మ‌న‌సు గెలుచుకున్నాడు.

ఇవి కూడా చ‌ద‌వండి

Spain Football Chief | స్పెయిన్ ఫుట్‌బాల్ స‌మాఖ్య చీఫ్‌కు షాక్.. 3 నెల‌లు స‌స్పెండ్ చేసిన ఫిఫా

Asia Cup 2023 | పాకిస్థాన్‌ స్క్వాడ్‌లో మార్పులు.. మ‌ళ్లీ జ‌ట్టులోకి వ‌చ్చిన‌ విధ్వంస‌క‌ క్రికెట‌ర్