PCB : టీ20 వరల్డ్ కప్ లక్ష్యంగా పాకిస్థాన్ క్రికెటర్లు కఠోరంగా శ్రమిస్తున్నారు. ఆ దేశ క్రికెట్ బోర్డు(PCB) ఆదేశాల మేరకు సైనిక శిక్షణ(Army Training)తో ఒళ్లు హూనం చేసుకుంటున్నారు. అచ్చం సైనికుల మాదిరిగానే సాహసాలు చేస్తున్నారు. బండరాళ్లు మోయడం, స్నైపర్ షూటింగ్ సాధన చేయడం, నేల మీద పాకడం వంటి కఠినమైన పనులతో బిజీగా గడుపుతున్నారు.
పాక్ ఆటగాళ్లు మిలిటరీ ట్రైనింగ్ వీడియో నెట్టింట వైరల్ అవుతోంది. ఆ వీడియో చూసినవాళ్లంతా ఇంత కఠిన శిక్షణ అవసరమా? అని ఆశ్చర్యం వ్యక్తం చేస్తున్నారు. నిరుడు ఆసియా కప్(Asia Cup 2023), వన్డే వరల్డ్ కప్లలో పాకిస్థాన్ జట్టు ఘోరంగా విఫలమైంది.
Not sure of the source of this video, but here’s an attempt on Saim Ayub’s back being broken #Cricket pic.twitter.com/qKb8k6a8fM
— Saj Sadiq (@SajSadiqCricket) April 4, 2024
ఆ రెండు మెగా టోర్నీల్లో బాబర్ సేన కనీసం సెమీస్ కూడా చేరలేదు. దానికి తోడూ పాక్ ఆటగాళ్లు తరచూ గాయాల బారిన పడుతున్నారు. ఈ నేపథ్యంలో పీసీబీ కొత్త చైర్మన్ మొహ్సిన్ నఖ్వీ ఆటగాళ్ల ఫిట్నెస్ కోసం కీలక నిర్ణయం తీసుకున్నాడు.
Fakhar Zaman gets training to shoot by Jawaans of Pakistan Army! #PCB pic.twitter.com/zyUfXdgxmC
— Arfa Feroz Zake (@ArfaSays_) April 5, 2024
త్వరలో జరిగే సిరీస్లు, టీ20 వరల్డ్ కప్ సన్నాహకాల్లో భాగంగా సైనిక శిక్షణ తీసుకోవాలని ఆదేశించాడు. దాంతో, పాక్ జట్టు మిలిటరీ ట్రైనింగ్ తీసుకుంటున్నారు. అంతేకాదు వన్డే, టీ20ల్లో పాక్ జట్టుకు పూర్వ వైభవం తేవాలనే ఉద్దేశంతో పీసీబీ బాబర్కు మళ్లీ పగ్గాలు అప్పగించిన విషయం తెలిసిందే.