వర్నా: బల్గేరియాలోని వర్నాలో ఇటీవల యురోపియన్ బీచ్ హ్యాండ్ చాంపియన్షిప్ జరిగింది. ఆ టోర్నీలో పాల్గొన్న నార్వే మహిళల హ్యాండ్బాల్ జట్టుకు యురోపియన్ హ్యాండ్బాల్ ఫెడరేషన్ భారీ జరిమానా విధించింది. టోర్నీలో బికినీలు వేసుకోకుండా మ్యాచ్లు ఆడినందుకు ఆ జట్టుకు ఫైన్ వేశారు. దీని పట్ల నార్వే అధికారులు విస్మయం వ్యక్తం చేశారు. హ్యాండ్బాల్ టోర్నీ రూల్స్ ప్రకారం.. మహిళా ప్లేయర్లు బికినీలు వేసుకోవాలి. కానీ ఆ జట్టు ప్లేయర్స్ షార్ట్స్ వేసుకుని మ్యాచ్ ఆడారు. టోర్నీలో సరైన దుస్తులు ధరించలేదని నార్వే జట్టుకు ఈహెచ్ఎఫ్ జరిమానా విధించింది. ఆ జట్టుకు 1500 యూరోలు ఫైన్ వేశారు. ఒక్కొక్క ప్లేయర్కు 150 యూరోలు చెల్లించాల్సి ఉంటుందన్నారు.