Paris Olympics | ఇందూరు బిడ్డ‌కు క‌ఠిన స‌వాల్.. టోక్యో విజేత‌కూ పెద్ద ప‌రీక్షే..!

Paris Olympics : విశ్వ క్రీడ‌ల్లో ప‌త‌కంపై క‌న్నేసిన తెలంగాణ బిడ్డ నిఖ‌త్ జ‌రీన్‌ (Nikhat Zarin)కు క‌ఠిన‌మైన డ్రా ల‌భించింది. శుక్ర‌వారం పారిస్ ఒలింపిక్స్ నిర్వాహ‌కులు బాక్సింగ్ డ్రా విడుద‌ల చేశారు. జూలై 27వ తేదీ శ‌నివారం బాక్సింగ్ పోటీలు షురూ కానున్నాయి.

Paris Olympics : విశ్వ క్రీడ‌ల్లో ప‌త‌కంపై క‌న్నేసిన తెలంగాణ బిడ్డ నిఖ‌త్ జ‌రీన్‌ (Nikhat Zarin)కు క‌ఠిన‌మైన డ్రా ల‌భించింది. మ‌రో మ‌హిళా బాక్స‌ర్ లొవ్లినా బొర్గొహెయిన్‌ (Lovlina Borgohain)కు కూడా తొలి బౌట్‌లోనే గ‌ట్టి ప్ర‌త్య‌ర్థి ఎదురువ్వ‌నుంది. శుక్ర‌వారం పారిస్ ఒలింపిక్స్ నిర్వాహ‌కులు బాక్సింగ్ డ్రా విడుద‌ల చేశారు. జూలై 27వ తేదీ శ‌నివారం బాక్సింగ్ పోటీలు షురూ కానున్నాయి.

తొలిసారి ఒలింపిక్స్ బ‌రిలో నిలిచిన‌ నిఖ‌త్(50 కేజీలు), టోక్య‌లో కంచు మోత మోగించిన‌ లొవ్లినా (75 కిలోలు)ల‌కు కష్ట‌మైన డ్రా ల‌భించింది. పురుషుల విభాగంలో పోటీ ప‌డుతున్న‌ నిషాంత్ దేవ్(71 కిలోలు), అమిత్ పంగ‌ల్‌ (52 కిలోలు)కు మాత్రం బై ద‌క్కింది.

The 1️⃣st round fixtures for #Paris2024 are here 🥊🇮🇳

Get ready to cheer for our boxers as they take on the Olympic challenge 💪#PunchMeinHaiDum#Cheer4Bharat#Boxing pic.twitter.com/9f82tuUfPg

— Boxing Federation (@BFI_official) July 26, 2024

ఒలింపిక్స్ ఈవెంట్ తొలి రౌండ్‌లో ఇందూరు బిడ్డ నిఖ‌త్ జ‌రీన్ జ‌ర్మనీ సంచ‌ల‌నం క‌రీనా క్లొయెట్జ‌ర్‌తో త‌ల‌ప‌డ‌నుంది. క్లొయెట్జ‌ర్‌పై జ‌రీన్ విజ‌యం సాధిస్తే త‌ర్వాతి పోరులో టాప్ ర్యాంక‌ర్ వూ యూ(చైనా) స‌వాల్‌ను ఎదుర్కోవాల్సి ఉంటుంది. ఒక‌వేళ రెండో రౌండ్ కూడా దాటితే .. క్వార్ట‌ర్స్‌లో థాయ్‌లాండ్ బాక్స‌ర్ ఛుతామ‌త్ ర‌క్సాట్‌తో జ‌రీన్ ఫైట్ చేయాల్సి ఉంటుంది.

చెమ‌టోడ్చ‌క త‌ప్ప‌దా..?

ఇక‌ ఈశాన్య కెర‌టం లొవ్లీనాకు సైతం తొలి బౌట్‌లో చెమ‌టోడ్చ‌క త‌ప్ప‌ని ప‌రిస్థితి. నార్వే బాక్స‌ర్ సున్నివా నొఫ్‌స్తాద్‌ను ఆమె ఢీ కొట్ట‌నుంది. రెండో రౌండ్‌లో చైనా గోడ లీ ఖియాన్‌ను లొవ్లీనా దాటాల్సి ఉంటుంది. అయితే.. ఆసియా గేమ్స్‌లో భార‌త బాక్స‌ర్ లీ చేతిలోనే ఓడింది. 54 కిలోల విభాగంలో పోటీ ప‌డ‌నున్న ప్రీతి వియ‌త్నాం బాక్స‌ర థి కిమ్ అన్హ్‌ను.. 57 కిలోల కేట‌గిరీలో జాస్మినే ఫిలీఫ్పీన్స్ బాక్స‌ర్ పెటెసియో నెష్తీతో త‌ల‌ప‌డ‌నున్నారు.

ఇవి కూడా చ‌ద‌వండి

• Shatrughan Sinha | తెలంగాణ సహా పలు రాష్ట్రాలకు బడ్జెట్‌లో మొండిచేయి : శత్రుఘ్న సిన్హా
• Red Book | రెడ్‌బుక్‌ తెరవకముందే జగన్ ఢిల్లీ వెళ్లి గగ్గోలు : మంత్రి నారా లోకేష్‌
• Hyderabad | వారం రోజుల పాటు హైద‌రాబాద్‌లో దంచికొట్టిన వాన‌.. ఇవాళ భానుడు ప్ర‌త్య‌క్షం..