IPL 2023 : సొంత గ్రౌండ్లో చెన్నై సూపర్ కింగ్స్ బౌలర్లు హడలెత్తించారు. దాంతో ముంబై ఇండియన్స్ 8 వికెట్ల నష్టానికి 139 పరుగులు చేసింది. నేహల్ వధేరా(64) అర్ధ శతకంతో రాణించాడు. ట్సిస్టన్ స్టబ్స్(20)తో కలిసి ధాటిగా ఆడి ముంబై స్కోర్ వంద దాటించాడు. అయితే.. దూకుడుగా ఆడుతున్న వధేరాను మథీశ పథిరన బౌల్డ్ చేశాడు. దాంతో, ఐదో వికెట్కు 54 పరుగుల భాగస్వామ్యానికి బ్రేక్ పడింది. ఆ తర్వాత వచ్చిన విధ్వంసక ఆటగాడు టిమ్ డేవిడ్(2)ను దేశ్పాండే పెవిలియన్ పంపాడు. దాంతో, ముంబై భారీ స్కోర్ చేయలేకపోయింది.
Matheesha Pathirana finishes with bowling figures of 3-15 🙌@ChennaiIPL fans, drop a 💛 if you enjoyed that spell 😉 #TATAIPL | #CSKvMI pic.twitter.com/Rkjyd425eE
— IndianPremierLeague (@IPL) May 6, 2023
చెన్నై బౌలర్ల ధాటికి ముంబై టాపార్డర్ విఫలమైంది. నేహల్ వధైర ఒక్కడే రాణించాడు. స్టార్ ప్లేయర్స్ విఫలం అయిన చోట అతను సాధికార ఇన్నింగ్స్ ఆడాడు. 70 పరుగుల లోపే నాలుగు ప్రధాన వికెట్లు కోల్పోయిన ముంబై వంద లోపే ఆలౌటయ్యేలా కనిపించింది. కానీ, వధేరా జట్టుకు పోరాడగలిగే స్కోర్ అందించాడు. గాయం నుంచి కోలుకున్న దీపక్ చాహర్ చెలరేగాడు. డేంజరస్ ఇషాన్ కిషన్(7), రోహిత్ శర్మ(0)ను ఔట్ చేశాడు. క్రీజులో కుదురుకున్న సూర్యకుమార్ యాదవ్(26)ను జడేజా బౌల్డ్ చేశాడు. చెన్నై బౌలర్లలో మథీశ పథిరన మూడు, దీపక్ చాహర్, తుషార్ దేశ్పాండే రెండేసి వికెట్లు తీశారు. జడేజాకు ఒక వికెట్ దక్కింది.