CWC 2023: ఐసీసీ టోర్నీల్లో అఫ్గాన్తో మ్యాచ్ అంటే.. రన్ రేట్ మెరుగు పర్చుకోవడనాకి.. అప్పనంగా పాయింట్లు సాధించడానికి అన్నట్లు ఉండేది ఒకప్పుడు పరిస్థితి. కానీ ఈసారి మాత్రం తాము వచ్చింది విజయాలు సాధించడానికే అన్నట్లు చెలరేగిపోతున్న అఫ్గానిస్థాన్.. వరుస విజయాలతో దూసుకెళ్తున్నది. ఇప్పటికే ఇంగ్లండ్, పాకిస్థాన్, శ్రీలంక వంటి ప్రపంచ మాజీ చాంపియన్లను మట్టికరిపించిన కాబూలీలు.. తాజాగా నెదర్లాండ్స్ను చిత్తు చేశారు. దీంతో ఇప్పటి వరకు ఆడిన ఏడు మ్యాచ్ల్లో నాలుగు విజయాలతో 8 పాయింట్లు ఖాతాలో వేసుకున్న అఫ్గాన్ పాయింట్ల పట్టికలో ఐదో స్థానానికి ఎగబాకింది.
పాకిస్థాన్ను వెనక్కి నెట్టి..
తాజా ప్రపంచకప్లో ఆడిన ఏడు మ్యాచ్ల్లోనూ నెగ్గిన భారత్ సెమీస్ బెర్త్ ఖరారు చేసుకోగా.. ఆ తర్వాత దక్షిణాఫ్రికా (7 మ్యాచ్ల్లో 12 పాయింట్లు), ఆస్ట్రేలియా (6 మ్యాచ్ల్లో 8 పాయింట్లు), న్యూజిలాండ్ (7 మ్యాచ్ల్లో 8 పాయింట్లు) వరుసగా టాప్-4లో ఉన్నాయి. అఫ్గానిస్థాన్ కూడా ఏడు మ్యాచ్లు ఆడి 8 పాయింట్లతోనే ఉన్నా.. న్యూజిలాండ్తో పోల్చుకుంటే రన్రేట్ తక్కువగా ఉండటంతో.. ఆ జట్టు ఐదో స్థానంలో నిలిచింది. అఫ్గాన్ తర్వాత పాకిస్థాన్ (7 మ్యాచ్ల్లో 6 పాయింట్లు), శ్రీలంక (7 మ్యాచ్ల్లో 4 పాయింట్లు), నెదర్లాండ్స్ (7 మ్యాచ్ల్లో 4 పాయింట్లు), బంగ్లాదేశ్ (7 మ్యాచ్ల్లో 2 పాయింట్లు), ఇంగ్లండ్ (6 మ్యాచ్ల్లో 2 పాయింట్లు) ఉన్నాయి.
𝐀𝐅𝐆𝐇𝐀𝐍𝐈𝐒𝐓𝐀𝐍 𝐖𝐈𝐍! 🙌#AfghanAtalan, led by half-centuries from the skipper @Hashmat_50 (56*) and @RahmatShah_08 (52), successfully chased down the target by 7 wickets to register 4th victory at the ICC #CWC23. 👍
Well done Atalano! 👏#AFGvNED | #WarzaMaidanGata pic.twitter.com/zNLiW1Fakx
— Afghanistan Cricket Board (@ACBofficials) November 3, 2023
ఇక సంచలనం అనలేం!
గతంలో అఫ్గానిస్థాన్ జట్టు విజయం సాధిస్తే.. దాన్ని సంచలనంగా పిలుచుకునే వాళ్లం. కానీ ఇప్పుడు అఫ్గాన్ ఆటతీరు చూసిన తర్వాత ఇక ఆ మాట మానేయడమే ఉత్తమమనే పరిస్థితి నెలకొంది. డిఫెండింగ్ చాంపియన్ ఇంగ్లండ్పై సంపూర్ణ ఆధిపత్యం కనబరిచిన అఫ్గాన్ ఆ తర్వాత పాకిస్థాన్, శ్రీలంకపై కూడా అదే జోరు కొనసాగించింది. ఇంతకుముందు కేవలం బౌలింగ్లోనే అఫ్గాన్ ఆకట్టుకుంటుందనే ముద్ర ఉండగా.. తాజా టోర్నీలో అఫ్గాన్ బ్యాటింగ్ కూడా ఎంతో మెరుగైంది. దీని వెనుక ఇంగ్లండ్ మాజీ ప్లేయర్ జొనాథన్ ట్రాట్, భారత మాజీ ఆటగాడు అజయ్ జడేజా కృషి ఎంతో ఉంది. అఫ్గాన్ కోచింగ్ బృందంలో భాగమైన వీరిద్దరూ ఆ జట్టులో వరుస విజయాలు సాధించాలనే కసి నూరిపోశారనేది వాస్తవం.