Namibia Cricketer | 33 బంతుల్లోనే వంద‌.. టీ20ల్లో ఫాస్టెస్ట్ సెంచ‌రీ కొట్టిన‌ న‌మీబియా చిచ్చ‌ర‌పిడుగు

Namibia Cricketer : ప‌వ‌ర్ హిట్ట‌ర్ల విధ్వంసాల‌కు కేరాఫ్ అయిన‌ పొట్టి క్రికెట్‌లో మ‌రో సంచ‌ల‌నం నమోదైంది. న‌మీబియా చిచ్చ‌ర‌పిడుగు జాన్ నికొల్ లొఫ్టీ ఈట‌న్ (Jan Nicol Loftie Eaton) ఫాస్టెస్ట్ సెంచ‌రీ బాదాడు. 33 బంతుల్లోనే సెంచ‌రీ కొట్టిన అత‌డు పొట్టి ఫార్మాట్‌లో...

February 27, 2024 / 02:34 PM IST

Namibia Cricketer | 33 బంతుల్లోనే వంద‌.. టీ20ల్లో ఫాస్టెస్ట్ సెంచ‌రీ కొట్టిన‌ న‌మీబియా చిచ్చ‌ర‌పిడుగు

Namibia Cricketer : ప‌వ‌ర్ హిట్ట‌ర్ల విధ్వంసాల‌కు కేరాఫ్ అయిన‌ పొట్టి క్రికెట్‌లో మ‌రో సంచ‌ల‌నం నమోదైంది. న‌మీబియా చిచ్చ‌ర‌పిడుగు జాన్ నికొల్ లొఫ్టీ ఈట‌న్ (Jan Nicol Loftie Eaton) ఫాస్టెస్ట్ సెంచ‌రీ బాదాడు. 33 బంతుల్లోనే సెంచ‌రీ కొట్టిన అత‌డు పొట్టి ఫార్మాట్‌లో వేగ‌వంత‌మైన శ‌త‌కం సాధించాడు. నేపాల్‌తో జ‌రుగుతున్న మొద‌టి టీ20లో జాన్ నికొల్ వీర బాదుడు బాదాడు. 36 బంతుల్లో 11 ఫోర్లు, 8 సిక్స‌ర్ల‌తో 101 ర‌న్స్ చేశాడు. త‌ద్వారా రెండు నెల‌ల క్రితం నేపాల్ క్రికెట‌ర్ కుశాల్ మ‌ల్లా(Kushal Malla) నెల‌కొల్పిన‌ రికార్డును బ‌ద్ద‌లు కొట్టాడు.

ఆసియా గేమ్స్‌లో భాగంగా మంగోలియాపై కుశాల్ 34 బంతుల్లో శ‌త‌కంతో ఔరా అనిపించాడు. ఇప్పుడు జాన్ నికొల్ తానేమీ త‌క్కువ కాదంటూ వీర‌బాడుతో ఆ రికార్డును ఊదిపారేశాడు. నికొల్‌ ఉతికారేయ‌డంతో న‌మీబియా జ‌ట్టు 20 ఓవ‌ర్ల‌లో 4 వికెట్ల న‌ష్టానికి 204 ర‌న్స్ కొట్టింది.

A brilliant century by Jan Nicol Loftie-Eaton pushes Namibia’s total to 206-4 in 20 overs!🏏#NepT20I | #OneBallBattles | #NepalCricket #HappyDressingRoom | #WorldCupYear2024v pic.twitter.com/TsdvdusGJ7

— CAN (@CricketNep) February 27, 2024

పొట్టి క్రికెట్‌లో నికొల్‌కు మంచి రికార్డు ఉంది. సుడిగాలి ఇన్నింగ్స్‌ల‌తో విరుచుకుప‌డే ఈ లెఫ్ట్ హ్యాండ‌ర్ ఇప్ప‌టివ‌ర‌కూ ఒక్క హాఫ్ సెంచ‌రీ బాద‌లేదు. అలాంటిది నేపాల్‌పై నికొల్ చెల‌రేగిపోయాడు. దొరికిన బంతిని దొరికిన‌ట్టు స్టాండ్స్‌లోకి పంపాడు. అత‌డి ఊచ‌కోతను నేపాల్ బౌల‌ర్లు బ‌లికాగా… న‌మీబియా స్కోర్ బోర్డు రాకెట్ వేగంతో ప‌రుగులు పెట్టింది. 33 బంతుల్లోనే అత‌డు సెంచ‌రీ బాద‌డంతో న‌మీబియా నిర్ణీత ఓవ‌ర్ల‌లో 204 ర‌న్స్ చేసింది.