Mohammed Siraj: ఆశా భోస్లే మ‌న‌వ‌రాలితో.. స్వ‌రం క‌లిపిన క్రికెట‌ర్ సిరాజ్ .. వీడియో

Mohammed Siraj: ఆశా భోస్లే మ‌న‌వ‌రాలు జ‌నైతో స్వ‌రం క‌లిపాడు సిరాజ్‌. ఆ ఇద్ద‌రూ క‌లిసి ఓ డ్యూయెట్ పాట పాడారు. ఆ వీడియోను ఇన్‌స్టాలో అప్‌లోడ్ చేసిందామె. ఇటీవ‌ల మ‌క్కాకు వెళ్లిన ఫోటోను సిరాజ్ త‌న ఇన్‌స్టాలో పోస్టు చేశాడు.

హైద‌రాబాద్‌: హైద‌రాబాదీ బౌల‌ర్ మ‌హ‌మ్మ‌ద్ సిరాజ్‌(Mohammed Siraj).. ప్ర‌ఖ్యాత గాయ‌ని ఆశా భోస్లే మ‌న‌వ‌రాలితో స్వ‌రం క‌లిపాడు. ఆ ఇద్ద‌రూ క‌లిసి ఓ పాట పాడారు. ఆశా భోస్లే మ‌న‌వ‌రాలు జ‌నై.. త‌న కొత్త మ్యూజిక్ ఆల్బ‌మ్ నుంచి ఓ పాట పాడారు. కెందీ హై అన్న పాట‌కు .. సిరాజ్ కూడా స్వ‌రం క‌లిపాడు. ఇద్ద‌రూ ఓ బెడ్‌పై కూర్చుని .. మ్యూజిక్‌ను ఎంజాయ్ చేశారు. సిరాజ్‌, జ‌నై పాటలు పాడుతున్న వీడియోను ఇన్‌స్టాలో పోస్టు చేశారు. దానికి క్యాప్ష‌న్ కూడా ఇచ్చింది జ‌నై. యూ సింప్లీ ఆర్ ద బెస్ట్ ఎవ‌ర్ అని పేర్కొన్న‌ది.

ప్ర‌స్తుతం చాంపియ‌న్స్ ట్రోఫీకి దూరంగా ఉన్న సిరాజ్‌.. ఆ ఖాళీ టైంను స‌ద్వినియోగం చేసుకున్నాడు. ముస్లింల ప‌విత్ర న‌గ‌రం మ‌క్కాకు వెళ్లాడు. అక్క‌డ ఉమ్రా నిర్వ‌హించాడు. ఆ తీర్థ‌యాత్ర‌కు చెందిన ఓ ఫోటోను త‌న ఇన్‌స్టాలో పోస్టు చేశాడు సిరాజ్‌. ప‌విత్ర రంజాన్ మాసం ప్రారంభం కానున్న నేప‌థ్యంలో అత‌ను మ‌క్కా టూర్ చేశాడు. ఆ ఫోట‌కు జ‌నై కూడా రియాక్ట్ అయ్యింది. మూడు గుండె ఎమోజీల‌ను పోస్టు చేసింది.

నిజానికి సిరాజ్, జ‌నై మ‌ధ్య రిలేష‌న్ ఉన్న‌ట్లు తొలుత రూమ‌ర్స్ వ‌చ్చాయి. కానీ ఆ ఊహాగానాల‌కు చెక్ పెట్టింది జ‌నై. సిరాజ్‌తో ఉన్న త‌న అనుబంధాన్ని చెప్పేసింది. మేరీ ప్యారే భ‌య్యా అంటూ పేర్కొన్న‌ది. సిరాజ్‌ను సోద‌రుడిగా చూస్తున్న‌ట్లు త‌న ఇన్‌స్టాగ్రామ్ స్టోరీలో ఆమె చెప్పింది. జ‌నైను బెహ‌నా అంటూ సిరాజ్ కూడా క్యాప్ష‌న్ ఇచ్చాడు.

 

View this post on Instagram

 

A post shared by Zanai Bhosle💜 (@zanaibhosle)