AUS vs PAK : స్వదేశంలో పాకిస్థాన్తో జరుగుతున్న తొలి టెస్టులో ఆస్ట్రేలియా(Australia) భారీ స్కోర్ చేసింది. రెండో రోజు మిచెల్ మార్ష్(90 : 107 బంతుల్లో 15 ఫోర్లు, 1 సిక్సర్) అర్ధశతకంతో రాణించడంతో తొలి ఇన్నింగ్స్లో 487 పరుగులకు ఆలౌటయ్యింది. ఓవర్ నైట్ స్కోర్ 15 పరుగులతో రెండో రోజు క్రీజులోకి వచ్చిన మిషెల్ మార్ష్ హాఫ్ సెంచరీతో చెలరేగాడు.
ఒకవైపు వికెట్లు పడుతున్నా మిచెల్ మార్ష్ ఒంటరి పోరాటంతో జట్టును పటిష్ట స్థితిలో నిలిపాడు. అయితే.. పాక్ పేసర్ అమర్ జమాల్(Aamar Zamal) కంగారూ తోకను వెనక్కి పంపాడు. అరంగేట్రంలోనే జమాల్ ఆరు వికెట్లు ఖాతాలో వేసుకున్నాడు. దాంతో, కంగారూ జట్టు 500 లోపే కుప్పకూలింది.
Aamer Jamal ends up with six wickets on Test debut as Pakistan wrap up Australia innings soon after lunch.#WTC25 | #AUSvPAK | 📝: https://t.co/S2dy31gkVF pic.twitter.com/RTnMcyVO6a
— ICC (@ICC) December 15, 2023
పెర్త్ స్టేడియంలో జరుగుతున్న మ్యాచ్లో డాషింగ్ ఓపెనర్ డేవిడ్ వార్నర్(164 : 211 బంతుల్లో 16 ఫోర్లు, 4 సిక్సర్లు) సెంచరీతో కదం తొక్కాడు. మరో ఓపెనర్ ఉస్మాన్ ఖవాజా(41)తో కలిసి తొలి వికెట్కు 126 రన్స్ జోడించాడు. ప్రమాదకరంగా మారుతున్న ఈ జోడీని షాహీన్ ఆఫ్రిది విడదీశాడు. ఖవాజా ఔటయ్యాక.. వార్నర్ మరింత దూకుడుగా ఆడాడు. బౌండరీలు, సిక్సర్లతో పాక్ బౌలింగ్ను తుత్తునియలు చేశాడు. అతడికి వరల్డ్ కప్ హీరో ట్రావిస్ హెడ్(40) అండగా నిలవడంతో ఆసీస్ తొలి రోజు 346 పరుగులు కొట్టింది.