Lionel Messi | మెస్సీ వ‌ర‌ల్డ్ క‌ప్ జెర్సీలకు రికార్డు ధ‌ర‌.. ఆరు జెర్సీలకు అన్ని కోట్లా ?

Lionel Messi : అర్జెంటీనా కెప్టెన్ లియోన‌ల్ మెస్సీ(Lionel Messi) నిరుడు ఖ‌త‌ర్ గ‌డ్డ‌పై అర్జెంటీనాను విశ్వ‌విజేత‌గా నిలిపాడు. ఏండ్లుగా వెంటాడుతున్న‌ త‌న వ‌ర‌ల్డ్ క‌ప్ క‌ల‌ను నిజం చేసుకున్నాడు. త‌న ఆట‌తో కోట్లాదిమంది అభిమానుల‌ను సంపాదించుకున్న‌ ఈ దిగ్గ‌జ ఫుట్‌బాల‌ర్ తాజాగా వ‌రల్డ్ క‌ప్ జెర్సీ(World Cup Jersey)లను...

December 15, 2023 / 03:35 PM IST

Lionel Messi | మెస్సీ వ‌ర‌ల్డ్ క‌ప్ జెర్సీలకు రికార్డు ధ‌ర‌.. ఆరు జెర్సీలకు అన్ని కోట్లా ?

Lionel Messi : అర్జెంటీనా కెప్టెన్ లియోన‌ల్ మెస్సీ(Lionel Messi) నిరుడు ఖ‌త‌ర్ గ‌డ్డ‌పై అర్జెంటీనాను విశ్వ‌విజేత‌గా నిలిపాడు. ఏండ్లుగా వెంటాడుతున్న‌ త‌న వ‌ర‌ల్డ్ క‌ప్ క‌ల‌ను నిజం చేసుకున్నాడు. త‌న ఆట‌తో కోట్లాదిమంది అభిమానుల‌ను సంపాదించుకున్న‌ ఈ దిగ్గ‌జ ఫుట్‌బాల‌ర్ తాజాగా వ‌రల్డ్ క‌ప్ జెర్సీ(World Cup Jersey)లను వేలం వేశాడు. 2022 వ‌ర‌ల్డ్ క‌ప్‌లో మెస్సీ ధ‌రించిన ఆరు 10 వ నంబ‌ర్ జెర్సీల‌ను వేలం వేయ‌గా రూ.64 కోట్లు వ‌చ్చాయి. ఆ డ‌బ్బులో కొంత భాగాన్ని అరుదైన వ్యాధితో బాధప‌డుతున్న చిన్న‌పిల్ల‌ల చికిత్స కోసం విరాళంగా ఇవ్వ‌నున్న‌ట్టు మెస్సీ వెల్ల‌డించాడు.

అర్జెంటీనాకు చెందిన సోత్‌బైస్ అనే కంపెనీ మెస్సీ వ‌ర‌ల్డ్ క‌ప్ జెర్సీల‌ను వేలం వేసింది. ఫ్రాన్స్‌తో జ‌రిగిన‌ ఫైన‌ల్లో మెస్సీ ధ‌రించిన జెర్సీతో క‌లిపి అత‌డు ఆ టోర్నీలో వేసుకున్న‌ఆరు జెర్సీల‌కు రూ. 76 కోట్ల క‌నీస ధ‌ర నిర్ణ‌యించింది. కానీ, రూ.64 కోట్లు మాత్ర‌మే వ‌చ్చాయి. జెర్సీల‌ వేలం ద్వారా వ‌చ్చిన డ‌బ్బులో కొంత మొత్తాన్ని సాంట్ జాన్ డె డూ బార్సెలోనా పిల్ల‌ల ద‌వాఖాన నిర్వ‌హిస్తున్నయునికాస్ ప్రాజెక్ట్(Unicas Project)కు మెస్సీ డొనేట్ చేయ‌నున్నాడు.

వ‌ర‌ల్డ్ క‌ప్ ట్రోఫీని ముద్దాడుతున్న మెస్సీ

నిరుడు ఖ‌త‌ర్‌లోని లూసెయిల్ స్టేడియంలో జ‌రిగిన ఫైన‌ల్లో అర్జెంటీనా షూటౌట్‌లో 4-2తో ఫ్రాన్స్‌ను ఓడించింది. మెస్సీ రెండు గోల్స్‌తో జ‌ట్టు విజ‌యంలో కీల‌క పాత్ర పోషించాడు. దాంతో, 36 ఏళ్ల త‌ర్వాత మ‌ళ్లీ అర్జెంటీనా ప్ర‌పంచ ఛాంపియ‌న్‌గా అవ‌త‌రించింది. అంతేకాదు ఆ రోజుతో 35 ఏళ్ల మెస్సీ వ‌ర‌ల్డ్ క‌ప్ క‌ల కూడా నెర‌వేరింది. వ‌ర‌ల్డ్ క‌ప్ అనంతరం పీఎస్‌జీ క్ల‌బ్‌ను వీడిన మెస్సీ అమెరికాకు చెందిన‌ ఇంట‌ర్ మియామి క్ల‌బ్‌తో ఒప్పందం చేసుకున్నాడు. మేజ‌ర్ సార‌గ్ లీగ్‌లో ఆ జ‌ట్టును విజేత‌గా నిలిపాడు. ఈ ఏడాది అత్యుత్త‌మ ప్ర‌ద‌ర్శ‌న‌తో ఆక‌ట్టుకున్న‌ మెస్సీని ప్ర‌తిష్ఠాత్మ‌క‌ ‘బాల‌న్ డీ ఓర్'(Ballon d’Or) అవార్డు వ‌రించింది. అత‌డు రికార్డు స్థాయిలో ఎనిమిదోసారి ఈ అవార్డును అందుకోవ‌డం విశేషం.