Major League Cricket 2023 : అమెరికా ఆతిథ్యం ఇస్తున్న మేజర్ లీగ్ క్రికెట్(Major League Cricket) తొలి సీజన్లో ముంబై ఇండియన్స్ న్యూయార్క్(MI New York) జట్టు ఫైనల్ చేరింది. టోర్నీ ఆసాంతం అదరగొట్టిన ఆ జట్టు ఈరోజు టెక్సాస్ సూపర్ కింగ్స్(Texas Super Kings)పై 6 వికెట్ల తేడాతో గెలుపొందింది. దాంతో, సియాటెల్ ఒర్కాస్(Seattle Orcas) జట్టుతో టైటిల్ పోరుకు సిద్ధమైంది.
మొదట ముంబై పేసర్ ట్రెంట్ బౌల్ట్(trent boult) 4 వికెట్లతో సూపర్ కింగ్స్ను వణికించాడు. ఆ తర్వాత డెవాల్డ్ బ్రెవిస్(41 నాటౌట్), షయన్ జహంగీర్(36) ధనాధన్ ఆడి జట్టును గెలిపించారు. సంచలన బౌలింగ్తో ప్రదర్శన చేసిన ట్రెంట్ బౌల్ట్ ‘ప్లేయర్ ఆఫ్ ది మ్యాచ్’ అవార్డుకు ఎంపికయ్యాడు.
The Men in Blue 💙 are FINALS BOUND @minycricket get their revenge and book their ticket 🎟️ in the MLC Championship🏆 #MLC2023 pic.twitter.com/XV8wHoYs0j
— Major League Cricket (@MLCricket) July 29, 2023
డల్లాస్లోని గ్రాండ్ ప్రియరీ స్టేడియం( Grand Prairie Stadium)లో టెక్సాస్ సూపర్ కింగ్స్ జట్టు మొదట ఆడింది. 20 ఓవర్లకు 158 పరుగులు చేసింది. డెవాన్ కాన్వే(38), మిలింద్ కుమార్(37) మాత్రమే రాణించారు. 159 పరుగుల లక్ష్యాన్ని ముంబై జట్టు మరో ఓవర్ మిగిలి ఉండగానే ఛేదించింది. యంగ్స్టర్స్ డెవాల్డ్ బ్రెవిస్(41నాటౌట్), టిమ్ డేవిడ్(33), డేవిడ్ వీస్(19 నాటౌట్) కీలక ఇన్నింగ్స్ ఆడి జట్టును ఫైనల్ చేర్చారు. మరోవైపు.. సియాటెల్ ఒర్కాస్ జట్టు ఇప్పటికే ఫైనల్ చేరింది. టైటిల్ పోరు జూలై 31న ఉదయం నిర్వహిస్తారు.
TINY TIM GOING BIG!
Tim David just hit THREE Sixes in FOUR BALLS!
1⃣2⃣4⃣/3⃣ (15.4) pic.twitter.com/zahH5wYh0a
— Major League Cricket (@MLCricket) July 29, 2023
ఐపీఎల్ 16వ సీజన్(IPL 2023) ముగిశాక మేజర్ లీగ్ క్రికెట్ తొలి సీజన్ మొదలైంది. జూలై 13న ప్రారంభమైన ఈ టోర్నీలో ముంబై ఇండియన్స్ న్యూయార్క్, టెక్సాస్ సూపర్ కింగ్స్, లాస్ ఏంజెల్స్ నైట్ రైడర్స్, సాన్ ఫ్రాన్సిస్కో యూనికార్న్స్, వాషింగ్టన్ ఫ్రీడమ్, సియాటెల్ ఒర్కాస్ జట్లు పాల్గొన్నాయి.