IPL 2023 : ఉప్పల్ స్టేడియంలో ఉత్కంఠ పోరు అభిమానులను అలరించింది. కానీ, హైదరాబాద్ మరోసారి విజయం ముంగిట బొక్కా బోర్లాపడి ఫ్యాన్స్ను నిరాశ పరిచింది. బౌలర్లు రాణించడంతో కోల్కతా నైట్ రైడర్స్ 5 పరుగుల తేడాతో గెలుపొందింది.కెప్టెన్ మరక్రం(41), హెన్రిచ్ క్లాసెన్(34) ఉన్నంత సేపు హైదరాబాద్ పోటీలో ఉంది. వాళ్లు ఔటయ్యాక అబ్దుల్ సమద్(21) పోరాడాడు. కానీ, ఆఖరి ఓవర్లో వరుణ్ చక్రవర్తి 3 పరుగులే ఇచ్చాడు. దాంతో, మరక్రం సేన 166 రన్స్కే పరిమితమైంది.
లక్ష్య ఛేదనలో కాన్ఫిడెంట్గా కనిపించిన ఓపెనర్ మయాంక్ అగర్వాల్(18) తొందరగానే ఔటయ్యాడు. ఆ తర్వాతి ఓవర్లోనే అభిషేక్ శర్మ(9) రస్సెల్కు చిక్కాడు. ఇంపాక్ట్ ప్లేయర్ రాహుల్ త్రిపాఠి(20) రస్సెల్ ఓవర్లలోధాటిగా ఆడే క్రమంలో వికెట్ సమర్పించుకున్నాడు. గత మ్యాచ్లో కోల్కతాపై సెంచరీ కొట్టిన హ్యారీ బ్రూక్(0) ఎల్బీగా ఔటయ్యాడు. హెన్రిచ్ క్లాసెన్(34), కెప్టెన్ మరక్రం(41) ఐదో వికెట్కు 70 రన్స్ జోడించారు. చివర్లో అబ్దుల్ సమద్(21) పోరాడినా ఫలితం లేకపోయింది.
#KKR clinch a nail-biter here in Hyderabad as Varun Chakaravarthy defends 9 runs in the final over.@KKRiders win by 5 runs.
Scorecard – https://t.co/dTunuF3aow #TATAIPL #SRHvKKR #IPL2023 pic.twitter.com/g9KGaBbADy
— IndianPremierLeague (@IPL) May 4, 2023
హెన్రిచ్ క్లాసెన్(34), మరక్రం(41)
సొంత గడ్డపై హైదరాబాద్ బౌలర్లు సత్తా చాటారు. ఆదిలోనే మూడు వికెట్లు తీసి కోల్కతాను ఒత్తిడిలోకి నెట్టారు. టాస్ గెలిచి బ్యాటింగ్ తీసుకున్న కోల్కతాకు రెండో ఓవర్లోనే షాక్ తగిలింది. ఓపెనర్ రహ్మనుల్లా గుర్బాజ్(0), వెంకటేశ్ అయ్యర్(7)ను మార్కో జాన్సెన్ ఔట్ చేశాడు. ఈ సీజన్లో తొలి మ్యాచ్ ఆడుతున్న కార్తిక్ త్యాగి డేంజరస్ జేసన్ రాయ్(20)ను పెవిలియన్ పంపాడు. దాంతో కోల్కతా 35 రన్స్కే మూడు వికెట్లు కోల్పోయింది. అయితే.. కెప్టెన్ నితీశ్ రానా(42), రింకూ సింగ్(46) ఆచితూచి ఆడి జట్టును ఆదుకున్నారు. ఆండ్రూ రస్సెల్(24) మరోసారి తక్కువకే వెనుదిరిగాడు. ఆఖర్లో ఇంపాక్ట్ ప్లేయర్ అనుకుల్ రాయ్(13 నాటౌట్) ధాటిగా ఆడడంతో కోల్కతా తొమ్మిది వికెట్ల నష్టానికి 171 పరుగులు చేయగలిగింది. హైదరాబాద్ బౌలర్లలో నటరాజన్, జాన్సెన్ రెండేసి వికెట్లు తీశారు. మరక్రం, భువనేశ్వర్, మార్కండేలకు ఒక్కో వికెట్ దక్కింది.