SRH vs RR | క్లాసెన్, త్రిపాఠి మెరుపులు.. రాజ‌స్థాన్ ల‌క్ష్యం ఎంతంటే..?

SRH vs RR : క్వాలిఫ‌య‌ర్ 1లో దారుణ ఓట‌మి నుంచి పాఠం నేర్వ‌ని స‌న్‌రైజ‌ర్స్ హైద‌రాబాద్ బ్యాట‌ర్లు క్వాలిఫ‌య‌ర్ 2లోనూ త‌డ‌బ‌డ్డారు. రాహుల్ త్రిపాఠి(37) తుఫాన్ ఇన్నింగ్స్‌, హెన్రిచ్ క్లాసెన్‌(50) మెరుపుల‌తో హైద‌రాబాద్ పోరాడ‌గ‌లిగే స్కోర్ చేయ‌గ‌లిగింది.

SRH vs RR : క్వాలిఫ‌య‌ర్ 1లో దారుణ ఓట‌మి నుంచి పాఠం నేర్వ‌ని స‌న్‌రైజ‌ర్స్ హైద‌రాబాద్ బ్యాట‌ర్లు క్వాలిఫ‌య‌ర్ 2లోనూ త‌డ‌బ‌డ్డారు. ఫైన‌ల్ బెర్తు ఖాయ‌మ‌మ్యే పోరులో రాజ‌స్థాన్ రాయ‌ల్స్ పేస‌ర్ ట్రెంట్ బౌల్ట్(3/45) ధాటికి టాపార్డ‌ర్ చేతులెత్తేయ‌గా.. రాహుల్ త్రిపాఠి(37) తుఫాన్ ఇన్నింగ్స్‌తో  ఆదుకున్నాడు. ఆ త‌ర్వాత హెన్రిచ్ క్లాసెన్‌(50) మ‌రోసారి ఆప‌ద్భాంద‌వుడి అవ‌తార‌మెత్తాడు. చివ‌ర్లో ఇంప్యాక్ట్ ప్లేయ‌ర్ ష‌హ్‌బాజ్ అహ్మ‌ద్(18) సాధికారిక ఇన్నింగ్స్‌తో హైద‌రాబాద్ నిర్ణీత ఓవ‌ర్లలో 9 వికెట్ల న‌ష్టానికి 175 ర‌న్స్ కొట్ట‌గ‌లిగింది.

టాస్ ఓడిన హైద‌రాబాద్ తొలి ఓవ‌ర్లోనే వికెట్ కోల్పోయింది. డేంజ‌ర‌స్ ఓపెన‌ర్ అభిషేక్ శ‌ర్మ‌(12)ను బౌల్ట్ వెన‌క్కి పంపాడు. 13 ప‌రుగుల‌కే తొలి వికెట్ ప‌డ్డాక వ‌చ్చిన రాహుల్ త్రిపాఠి(37) బౌండ‌రీలతో విరుచుకుప‌డ్డాడు. బౌల్ట్, అశ్విన్ ఓవ‌ర్ల‌లో అల‌వోక‌గా భారీ షాట్లు ఆడుతూ బంతిని స్టాండ్స్‌లోకి పంపాడు. దాంతో, రాజ‌స్థాన్ జ‌ట్టు ఒత్తిడిలో ప‌డేశాడు. త‌న మెరుపు బ్యాటింగ్‌తో సంజూ సేన‌ను వ‌ణికించిన అత‌డు ఐదో ఓవ‌ర్లో బౌల్ట్ వేసిన‌ స్లో బాల్‌కు ఔట‌య్యాడు. స్లిప్‌లో చాహ‌ల్‌కు క్యాచ్ ఇచ్చి వెనుదిరిగాడు. ఆ త‌ర్వాత వ‌చ్చిన మ‌ర్క్‌ర‌మ్(1) నిరాశ‌ప‌రిచాడు. స్లిప్‌లో చాహల్‌కు క్యాచ్ ఇచ్చి వెనుదిరిగాడు.

Picked-up ✅
…And Dispatched 💥

Travis Head Style 😎

Watch the match LIVE on @JioCinema and @StarSportsIndia 💻📱#TATAIPL | #SRHvRR | #Qualifier2 | #TheFinalCall pic.twitter.com/jXf703wkoV

— IndianPremierLeague (@IPL) May 24, 2024

57కే మూడు వికెట్లు ప‌డిన దశ‌లో.. ట్రావిస్ హెడ్(34), హెన్రిచ్ క్లాసెన్‌(50)లు జ‌ట్టుకు భారీ స్కోర్ అందించే బాధ్య‌త తీసుకున్నారు. నాలుగో వికెట్‌కు 42 ర‌న్స్ జ‌త చేసిన ఈ జోడీని సందీప్ శ‌ర్మ విడ‌దీసి హైద‌రాబాద్‌ను క‌ష్టాల్లోకి నెట్టాడు. హెడ్ ఔట‌య్యాక క్రీజులోకి వ‌చ్చిన నితీశ్ కుమార్ రెడ్డి(5) కుదురుకున్నా భారీ షాట్లు ఆడ‌లేక‌పోయాడు. చివ‌ర‌కు అవేశ్ ఖాన్ ఓవ‌ర్లో చాహ‌ల్ చేతికి చిక్కాడు. ఆ త‌ర్వాతి బంతికే అబ్దుల్ స‌మ‌ద్(0)ను బౌల్డ్ చేసిన అవేశ్ ఆరెంజ్ ఆర్మీని కోలుకోలేని దెబ్బ తీశాడు.

2⃣ in 2⃣ for Avesh Khan! 🔥🔥

Double blow for #SRH and they are now 120/6 after 14 overs!

Watch the match LIVE on @JioCinema and @StarSportsIndia 💻📱#TATAIPL | #SRHvRR | #Qualifier2 | #TheFinalCall pic.twitter.com/D1ijjNODsS

— IndianPremierLeague (@IPL) May 24, 2024

సందీప్ యార్క‌ర్‌తో..

ప్ర‌ధాన ఆట‌గాళ్లంతా డ‌గౌట్ చేరిన వేళ‌.. ఇంప్యాక్ట్ ప్లేయ‌ర్‌గా వ‌చ్చిన ష‌హ్‌బాజ్ అహ్మ‌ద్(18) కీల‌క ఇన్నింగ్స్ ఆడాడు. క్లాసెన్‌కు స‌హ‌కారం అందించ‌డంతో 17 ఓవ‌ర్ల‌కు జట్టు స్కోర్ 150కి చేరింది. ఆఖ‌రి మూడు ఓవ‌ర్లలో దంచాల‌నుకున్న‌ క్లాసెన్ ఆలోచ‌న‌ల‌కు సందీప్ తెర‌దించాడు. సూప‌ర్ యార్క‌ర్‌తో బౌల్డ్ చేసి రెండో వికెట్ ఖాతాలో వేసుకున్నాడు. అవేశ్ ఖాన్ వేసిన 20వ ఓవ‌ర్లో ప్యాట్ క‌మిన్స్(5 నాటౌట్‌), ఉనాద్కాట్‌(5)లు 6 ర‌న్స్ తీశారు. దాంతో, హైద‌రాబాద్ 9 వికెట్ల న‌ష్టానికి 175 కొట్టింది. రాజ‌స్థాన్ బౌల‌ర్లలో ట్రెంట్ బౌల్ట్(3/45), అవేశ్ ఖాన్ (3/27)లు మూడేసి వికెట్లు ప‌డ‌గొట్టారు.