Kane Williamson | విలియ‌మ్స‌న్‌కు మ‌ళ్లీ గాయం.. ఈసారి పొట్టి సిరీస్ నుంచి ఔట్

Kane Williamson : స్వ‌దేశంలో పాకిస్థాన్‌తో పొట్టి సిరీస్ ఆడుతున్న‌ న్యూజిలాండ్‌(Newzealand)కు పెద్ద షాక్. కెప్టెన్ కేన్ విలియ‌మ్సన్‌(Kane Williamson) మ‌రోసారి గాయ‌ప‌డ్డాడు. జ‌రిగిన రెండో టీ20లో బ్యాటింగ్ చేస్తుండ‌గా తొడ‌కండ‌రాల...

January 15, 2024 / 03:07 PM IST

Kane Williamson | విలియ‌మ్స‌న్‌కు మ‌ళ్లీ గాయం.. ఈసారి పొట్టి సిరీస్ నుంచి ఔట్

Kane Williamson : స్వ‌దేశంలో పాకిస్థాన్‌తో పొట్టి సిరీస్ ఆడుతున్న‌ న్యూజిలాండ్‌(Newzealand)కు పెద్ద షాక్. కెప్టెన్ కేన్ విలియ‌మ్సన్‌(Kane Williamson) మ‌రోసారి గాయ‌ప‌డ్డాడు. జ‌రిగిన రెండో టీ20లో బ్యాటింగ్ చేస్తుండ‌గా తొడ‌కండ‌రాల నొప్పితో బాధ‌ప‌డ్డాడు. దాంతో రిటైర్డ్ హ‌ర్ట్‌గా మైదానం వీడిన విలియ‌మ్స‌న్ ఆ త‌ర్వాత ఫీల్డింగ్‌కు రాలేదు.

గాయం తీవ్ర‌త చిన్న‌దే అయిన‌ప్ప‌టికీ డాక్ట‌ర్లు విశ్రాంతి తీసుకోవాల‌ని సూచించారు. దాంతో, ఈ స్టార్ ప్లేయ‌ర్ టీ20 సిరీస్‌లో మిగ‌తా మూడు మ్యాచ్‌ల‌కు దూరం కానున్నాడు. అత‌డి స్థానంలో టిమ్ సీఫ‌ర్ట్(Tim Seifert) జట్టులోకి రానున్నాడు. అయితే.. ద‌క్షిణాఫ్రికా టెస్ట్ సిరీస్ లోపు విలియ‌మ్స‌న్ ఫిట్‌గా మార‌తాడని హెడ్ కోచ్ గ్యారీ స్టీడ్ తెలిపాడు.

Kane Williamson will not return to the field in KFC T20I 2 in Hamilton as a precautionary measure after experiencing tightness in his right hamstring while completing a run in the 10th over and retiring hurt. #NZvPAK pic.twitter.com/4KMF1fMmBN

— BLACKCAPS (@BLACKCAPS) January 14, 2024

‘త్వ‌ర‌లోనే ద‌క్షిణాఫ్రికాతో టెస్టు మ్యాచ్‌లు ఉన్నాయి. ప్ర‌పంచ టెస్టు చాంపియ‌న్‌షి 2023-25 బెర్తు సాధించేందుకు ఇవి మాకు చాలా ముఖ్యం. మాకు విలియ‌మ్స‌న్ ఎంతో కీల‌క ఆటగాడు. ఆలోపు అత‌డు కోలుకొని, ఫిట్‌గా మార‌తాడ‌ని భావిస్తున్నాం’ అని స్టీడ్ వెల్ల‌డించాడు.

Williamson F

నిరుడు ఐపీఎల్ 16వ(IPL 2023) సీజ‌న్ ఆరంభ మ్యాచ్‌లో గాయప‌డిన విలియ‌మ్స‌న్ దాదాపు 5 నెల‌లు అంత‌ర్జాతీయ క్రికెట్‌కు దూర‌మ‌య్యాడు. మోకాలి స‌ర్జ‌రీ అనంత‌రం కోలుకున్నాక‌.. ఈ స్టార్ బ్యాట‌ర్ గోడ‌కు కొట్టిన బంతిలా తిరిగొచ్చాడు. భార‌త గ‌డ్డ‌పై జ‌రిగిన వ‌న్డే ప్ర‌పంచ‌క‌ప్‌తో పున‌రాగ‌మ‌నం చేసిన విలియ‌మ్స‌న్ దంచి కొట్టాడు. మిడిలార్డ‌ర్‌లో కీల‌క ఇన్నింగ్స్‌లు ఆడి 256 ర‌న్స్ కొట్టాడు.