Australia Open | జ‌పాన్ టీనేజ‌ర్‌కు సింగిల్స్ ట్రోఫీ.. స్లొవేకియా స్టార్‌కు తొలి గ్రాండ్‌స్లామ్ టైటిల్

Australia Open : ఆస్ట్రేలియ‌న్ ఓపెన్‌లో జ‌పాన్ కుర్రాడు రీ స‌క‌మొటో(Rei Ssakamoto) సంచ‌ల‌నం సృష్టించాడు. జూనియ‌ర్ పురుషుల సింగిల్స్(Junior Mens Sigles) చాంపియ‌న్‌గా అవ‌త‌రించాడు. దాంతో, ఈ టైటిల్ నెగ్గిన‌ తొలి...

Australia Open : ఆస్ట్రేలియ‌న్ ఓపెన్‌లో జ‌పాన్ కుర్రాడు రీ స‌క‌మొటో(Rei Ssakamoto) సంచ‌ల‌నం సృష్టించాడు. జూనియ‌ర్ పురుషుల సింగిల్స్(Junior Mens Sigles) చాంపియ‌న్‌గా అవ‌త‌రించాడు. దాంతో, ఈ టైటిల్ నెగ్గిన‌ తొలి జ‌పాన్ ప్లేయ‌ర్‌గా అత‌డు చరిత్ర పుట‌ల్లోకి ఎక్కాడు.

శుక్ర‌వారం జ‌రిగిన ఫైన‌ల్లో ఈ జ‌పాన్ టీనేజ‌ర్ జాన్ కుమ్‌స్త‌త్‌ (John Kumstat) పై గెలుపొందాడు. తొలి సెట్ కోల్పోయిన స‌క‌మొటో అసాధార‌ణ ఆట‌తో పుంజుకొని 3-6 7-6(2) 7-5తో విజ‌యం సాధించాడు.

This is elite stuff from Rei Sakamoto ⚡️#AusOpen • @wwos • @espn • @eurosport • @wowowtennis pic.twitter.com/8ap7Ste9F8

— #AusOpen (@AustralianOpen) January 27, 2024

జూనియ‌ర్ మ‌హిళ‌ల విభాగంలో స్లొవేకియా యువ‌కెర‌టం రెన‌టా జ‌మ్రికోవా(Renata Jamrichova) విజేత‌గా నిలిచింది. టోర్నీ ఆసాంతం అద‌ర‌గొట్టిన ఆమె కెరీర్‌లో తొలి గ్రాండ్‌స్లామ్ ట్రోఫీని ఖాతాలో వేసుకుంది.

A first Grand Slam juniors title – How good!

Congrats to Renata Jamrichova 🏆 pic.twitter.com/ARe96IEGFV

— #AusOpen (@AustralianOpen) January 27, 2024

శుక్ర‌వారం జ‌రిగిన‌ టైటిల్ పోరులో జ‌మ్రికోవా.. ఆస్ట్రేలియా టీనేజ‌ర్ ఎమెరెన్ జోన్స్‌(E. Jones)ను మ‌ట్టికరిపించింది. తొలి సెట్ నుంచి దూకుడుగా ఆడి 6-4, 6-1తో జోన్స్‌ను చిత్తు చేసింది. మ‌రోవైపు సీనియ‌ర్ పురుషుల‌, మ‌హిళ‌ల సింగిల్స్ ఫైన‌ల్ పోరాటానికి మ‌రికొన్ని గంట‌ల్లో తెర‌లేవ‌నుంది. పురుషుల సింగిల్స్ టైటిల్ కోసం జ‌న్నిక్ సిన్న‌ర్(Jannik Sinner), డానిల్ మెద్వెదేవ్‌.. మ‌హిళ‌ల ఫైన‌ల్లో అరినా స‌బ‌లెంక‌, క్విన్‌వెన్ ఝెంగ్ త‌ల‌ప‌డ‌నున్నారు.

ఇవి కూడా చ‌ద‌వండి

• Indian Hockey Team | ద‌క్షిణాఫ్రికా గ‌డ్డ‌పై భార‌త్ హ‌వా.. మూడు గోల్స్‌తో అద్భుత విజయం
• Pneumonia | పాకిస్థాన్‌లో న్యుమోనియా విజృంభణ.. మూడు వారాల్లో 200 మంది చిన్నారులు మృతి