Davis Cup | డేవిస్ క‌ప్ విజేత ఇట‌లీ.. 47 ఏండ్ల క‌ల సాకారం

Davis Cup : ప్ర‌తిష్ఠాత్మ‌క డేవిస్ క‌ప్(Davis Cup) ఫైన‌ల్లో ఇట‌లీ(Italy) సింహ‌నాదం చేసింది. యువ కెర‌టం జ‌న్నిక్ సిన్న‌ర్(Jannik Sinner) నేతృత్వంలోని ఇట‌లీ బ‌ల‌మైన ఆస్ట్రేలియా(Australia)ను మ‌ట్టికరిపించి విజేత‌గా నిలిచింది. సొంత ప్రేక్ష‌కుల స‌మక్షంలో రెచ్చిపోయిన ఇట‌లీ ఆట‌గాళ్లు ఆసీస్‌ను ఓ ఆట...

Davis Cup : ప్ర‌తిష్ఠాత్మ‌క డేవిస్ క‌ప్(Davis Cup) ఫైన‌ల్లో ఇట‌లీ(Italy) సింహ‌నాదం చేసింది. యువ కెర‌టం జ‌న్నిక్ సిన్న‌ర్(Jannik Sinner) నేతృత్వంలోని ఇట‌లీ బ‌ల‌మైన ఆస్ట్రేలియా(Australia)ను మ‌ట్టికరిపించి విజేత‌గా నిలిచింది. సొంత ప్రేక్ష‌కుల స‌మక్షంలో రెచ్చిపోయిన ఇట‌లీ ఆట‌గాళ్లు ఆసీస్‌ను ఓ ఆట ఆడుకున్నారు. దాంతో, 47 ఏండ్ల ఇట‌లీ అభిమానుల క‌ల‌ సాకారమైంది. 1976 త‌ర్వాత ఇట‌లీ డేవిస్ క‌ప్ చాంపియన్‌గా నిల‌వ‌డం ఇదే మొద‌టిసారి.

‘మేమంద‌రం చాలా యంగ్. మా జీవితంలో మ‌రొక డేవిస్ క‌ప్ గెల‌వాల‌నే క‌సితో ఉన్నాం. ఇది నిజంగా అద్భుత‌మైన ఫీలింగ్ అని మ్యాచ్ అనంత‌రం’ సిన్న‌ర్ అన్నాడు. 1976లో జ‌రిగిన ఫైన‌ల్లో చిలీని ఓడించి ఇట‌లీ ట్రోఫీని ఎగ‌రేసుకుపోయింది. దాంతో, డేవిస్ క‌ప్ గెలిచిన ఏడో జ‌ట్టుగా ఇట‌లీ చ‌రిత్ర సృష్టించింది.

The taste of victory, @juveycamps 🍾#DavisCupFinals pic.twitter.com/9awjokllTb

— Davis Cup (@DavisCup) November 26, 2023

కీల‌క‌మైన‌ సెమీఫైన‌ల్లోనే సెర్బియా గోడను బ‌ద్ధ‌లు కొట్టిన సిన్న‌ర్ బృందం ఆదివారం ఫైన‌ల్లో ఆసీస్‌ను అవ‌లీల‌గా ఓడించింది. హోరాహోరీగా జ‌రిగిన ఫైన‌ల్లో మొద‌ట మాటీయో అర్నాల్డి(Matteo Arnaldi).. ఆస్ట్రేలియా ఆట‌గాడు అలెక్సీ పొపిరిన్‌పై గెలుపొందాడు. ఉత్కంఠ రేపిన మ్యాచ్‌లో అర్న‌ల్డీ 7-5, 2-6, 6-4తో విజ‌యం సాధించ‌డంతో ఇట‌లీ 1-0 ఆధిక్యంలోకి దూసుకెళ్లింది. ఆ త‌ర్వాత సిన్న‌ర్ త‌న ఫామ్ కొన‌సాగిస్తూ 6-3, 6-0తో డి మినార్‌ను చిత్తు చేశాడు. దాంతో ఇట‌లీ డేవిస్ క‌ప్ చాంపియ‌న్‌గా అవ‌త‌రించింది.

🇮🇹 WORLD CHAMPIONS 🇮🇹

Italy win the #DavisCup for the first time in 47 years!#DavisCupFinals pic.twitter.com/Mij48Q9w83

— Davis Cup (@DavisCup) November 26, 2023

ఈ టోర్నీలో ఆ జ‌ట్టు ట్రోఫీ నెగ్గిందంటే ఆ క్రెడిట్ అంతా సిన్న‌ర్‌దే. 22 ఏండ్ల సిన్న‌ర్ మ్యాచ్ మ్యాచ్‌కు రాటుదేలుతూ ప్ర‌త్య‌ర్థుల‌ను వ‌ణికించాడు. సెమీస్‌లో అత‌డు నంబ‌ర్ 1 నొవాక్ జ‌కోవిచ్‌ను ఓడించి ఇట‌లీని ఫైన‌ల్‌కు చేర్చాడు. వారం క్రిత‌మే ఐటీపీ ఫైన‌ల్స్‌లో జ‌కో చేతిలో కంగుతిన్న సిన్న‌ర్ సంచ‌ల‌న ఆట‌తో ప్ర‌తీకారం తీర్చుకున్నాడు. ఇక‌ టైటిల్ పోరులోనూ ఈ యంగ్‌స్ట‌ర్ త‌న క్లాస్ ఆట‌తో ఇట‌లీని విజేత‌గా నిలిపాడు.

ఇవి కూడా చ‌ద‌వండి

• IPL 2024 | వేలంలో కోట్లు కొల్ల‌గొట్టి.. ఫ్రాంచైజీల‌ను న‌ట్టేట ముంచింది వీళ్లే

• Pneumonia | చైనాలో న్యుమోనియా.. రాష్ట్రాలను అప్రమత్తం చేసిన కేంద్రం

• MLC Kavitha | రైతుల నోటికాడి బుక్కను గుంజుకున్న కాంగ్రెస్‌: ఎమ్మెల్సీ కవిత