Ishan Kishan | విండీస్‌పై వ‌రుస అర్ధ శ‌త‌కాలు.. ఆరో భార‌త క్రికెట‌ర్‌గా ఇషాన్ రికార్డు

Ishan Kishan : వెస్టిండీస్ ప‌ర్య‌ట‌న‌(West Indies Tour)లో దంచి కొట్టిన‌ భార‌త యువ ఓపెన‌ర్ ఇషాన్ కిష‌న్(Ishan Kishan) వ‌న్డే ర్యాకింగ్స్‌లో అద‌ర‌గొట్టిన విష‌యం తెలిసిందే. దీంతో పాటు అత‌ను అరుదైన ఫీట్ సాధించాడు. మూడు వ‌న్డేల ద్వైపాక్షిక‌ సిరీస్‌(bilateral three-game ODI series)లో హ్యాట్రిక్ హాఫ్ సెంచ‌రీలు కొట్టిన ఆరో భార‌త క్రికెట‌ర‌గా రికార్డు నెలకొల్పాడు. మూడో వ‌న్డేలో (77) అర్ద శ‌త‌కం బాద‌డంతో ఇషాన్ ఈ ఘ‌న‌త...

Ishan Kishan : వెస్టిండీస్ ప‌ర్య‌ట‌న‌(West Indies Tour)లో దంచి కొట్టిన‌ భార‌త యువ ఓపెన‌ర్ ఇషాన్ కిష‌న్(Ishan Kishan) వ‌న్డే ర్యాకింగ్స్‌లో అద‌ర‌గొట్టిన విష‌యం తెలిసిందే. దీంతో పాటు అత‌ను అరుదైన ఫీట్ సాధించాడు. మూడు వ‌న్డేల ద్వైపాక్షిక‌ సిరీస్‌(bilateral three-game ODI series)లో హ్యాట్రిక్ హాఫ్ సెంచ‌రీలు కొట్టిన ఆరో భార‌త క్రికెట‌ర‌గా రికార్డు నెలకొల్పాడు. మూడో వ‌న్డేలో (77) అర్ద శ‌త‌కం బాద‌డంతో ఇషాన్ ఈ ఘ‌న‌త సొంతం చేసుకున్నాడు.

అత‌డి కంటే ముందు 1983 వ‌ర‌ల్డ్ క‌ప్ హారో కృష్ణ‌మాచారి శ్రీ‌కాంత్ (Kris Srikkanth), దిలీప్ వెంగ్‌స‌ర్కార్ (Dilip Vengsarkar), మ‌హ‌మ్మ‌ద్ అజారుద్దీన్(Mohammad Azharuddin), ఎంఎస్ ధోనీ(MS Dhoni), శ్రేయాస్ అయ్య‌ర్(Shreyas Iyer) మాత్ర‌మే ఈ మైలురాయికి చేరువ‌య్యారు. వీళ్ల‌లో ఏకంగా ముగ్గురు శ్రీ‌లంక జ‌ట్టుపైనే ఈ రికార్డు సాధించ‌డం విశేషం.

Player of the Series 🌟

Ishan Kishan registered a half-century in each of the three ODIs during the #WIvIND series 🔥

More 👉 https://t.co/7S3vhyxzfs pic.twitter.com/524BpRoQTL

— ICC (@ICC) August 2, 2023

శ్రీ‌కాంత్ 1982లో శ్రీ‌లంక‌పై మూడు ఫిఫ్టీలు బాదాడు. వెంగ్‌స‌ర్కార్ కూడా లంక‌పైనే ఈ ఫీట్ సాధించాడు. మాజీ కెప్టెన్ అజారుద్దీన్ 1993లో లంక‌పైనే హ్యాట్రిక్ హాఫ్ సెంచ‌రీలు కొట్టాడు. మిస్ట‌ర్ కూల్ కెప్టెన్ మ‌హేంద్ర సింగ్ ధోనీ 2019లో ఆస్ట్రేలియాపై ఈ రికార్డు నెల‌కొల్పాడు. శ్రేయాస్ అయ్య‌ర్ 2020లో న్యూజిలాండ్‌పై మూడు అర్ద శ‌త‌కాలు బాది రికార్డు సృష్టించాడు.

ఇషాన్ కిష‌న్, ఎంఎస్ ధోనీ

ఐపీఎల్ 16వ సీజ‌న్‌(IPL 2023)లో అద‌ర‌గొట్టిన ఇషాన్ వెస్టిండీస్ ప‌ర్య‌ట‌న‌లోనూ జోరు కొన‌సాగించాడు. వ‌రుస‌గా నాలుగు హాఫ్ సెంచ‌రీలు బాది వారెవ్వా అనిపించాడు. రెండో టెస్టులో అర్ధ శ‌త‌కం బాదిన అత‌ను వ‌న్డేల్లోనూ ఫిఫ్టీల‌తో చెల‌రేగాడు. 25 ఏళ్ల ఇషాన్‌ మొద‌టి వ‌న్డేలో 52, రెండో వ‌న్డేలో 55, సిరీస్ విజేత‌ను నిర్ణ‌యించే మూడో వ‌న్డేలో 77 ప‌రుగుల‌తో రాణించాడు. మూడు మ్యాచుల్లో అత‌ను 143 ర‌న్స్ కొట్ట‌డాడు. ఇషాన్ దూకుడుతో భార‌త జ‌ట్టు మూడు వ‌న్డేల సిరీస్‌ను 2-1తో సొంతం చేసుకుంది.

బంగ్లాదేశ్‌పై రెండొందలు కొట్టిన ఇషాన్

ఈ ఏడాది ఇషాన్ కిష‌న్ సూప‌ర్ ఫామ్ కొన‌సాగిస్తున్నాడు. బంగ్లాదేశ్ ప‌ర్య‌ట‌న‌(Bangladesh Tour)లో ఈ లెఫ్ట్ హ్యాండ‌ర్ వేగ‌వంత‌మైన డ‌బుల్ సెంచ‌రీతో రికార్డులు బ‌ద్ద‌లు కొట్టాడు. ఆ త‌ర్వాత ఐపీఎల్ 16వ సీజ‌న్‌లోనూ ముంబై ఇండియ‌న్స్‌(Mumbai Indians)కు శుభారంభాలు ఇచ్చాడు. దాంతో, ప్ర‌పంచ టెస్టు చాంపియ‌న్‌షిప్ ఫైన‌ల్(WTC Final 2023) జ‌ట్టుకు ఎంపిక‌య్యాడు. అయితే.. అక్క‌డ త‌న స‌త్తా చూపించే అవ‌కాశం ద‌క్క‌లేదు. అలాగ‌ని నిరాశ చెంద‌కుండా చాన్స్ కోసం వేచి చూశాడు. విండీస్ ప‌ర్య‌ట‌న‌లో ఓపెనర్‌గా వ‌చ్చి రికార్డు హాఫ్ సెంచ‌రీల‌తో ఆక‌ట్టుకున్నాడు.