IPL 2024 Mini Auction | ఐపీఎల్ 2024 మినీ వేలం లైవ్ అప్‌డేట్స్

వేలంలో కోట్లు కుమ్మ‌రించిన ఫ్రాంచైజీలు.. అత్య‌ధిక వాటా వీళ్ల‌దే

ఐపీఎల్ వేలంలో ఫాస్ట్ బౌల‌ర్లు, ఆల్‌రౌండ‌ర్లు అత్య‌ధిక ధ‌ర పలికారు. వీళ్ల కోసం ఫ్రాంచైజీలు కోట్లు కురిపించాయి. మూడు రౌండ్ల‌లో అత్య‌ధిక ధ‌ర ప‌లికిన ఆట‌గాళ్లు ఎవ‌రంటే..?

1. మిచెల్ స్టార్క్ (ఆస్ట్రేలియా) - రూ.24.75 కోట్లు - కోల్‌క‌తా నైట్ రైడ‌ర్స్
2. ప్యాట్ క‌మిన్స్(ఆస్ట్రేలియా) - రూ.20.5 కోట్లు - స‌న్‌రైజ‌ర్స్ హైద‌రాబాద్
3. డారిల్ మిచెల్ (న్యూజిలాండ్) - రూ. 14 కోట్లు - చెన్నై సూప‌ర్ కింగ్స్
4. హ‌ర్ష‌ల్ ప‌టేల్(భార‌త్) - రూ.11.75 కోట్లు - పంజాబ్ కింగ్స్
5. అల్జారీ జోసెఫ్ (వెస్టిండీస్) - రూ. 11. 50 కోట్లు - రాయ‌ల్ చాలెంజ‌ర్స్ బెంగ‌ళూరు
6. రొవ్‌మ‌న్ పావెల్(వెస్టిండీస్) - రూ. 7.4 కోట్లు - ఢిల్లీ క్యాపిట‌ల్స్
7. ట్రావిస్ హెడ్(ఆస్ట్రేలియా) - రూ. 6.80 కోట్లు - స‌న్‌రైజ‌ర్స్ హైద‌రాబాద్
8. ఉమేశ్ యాద‌వ్(భార‌త్) -  రూ.  5.8 కోట్లు గుజ‌రాత్ టైటాన్స్
9. గెరాల్డ్ కోయెట్జీ (ద‌క్షిణాఫ్రికా) - రూ. 5 కోట్లు - ముంబై ఇండియ‌న్స్
10. క్రిస్ వోక్స్ (ఇంగ్లండ్) - రూ.4.2 కోట్లు - పంజాబ్ కింగ్స్
11. శార్థూల్ ఠాకూర్ (భార‌త్) రూ. 4 కోట్లు - చెన్నై సూప‌ర్ కింగ్స్
12. హ్యారీ బ్రూక్ (ఇంగ్లండ్) - రూ 4 కోట్లు - ఢిల్లీ క్యాపిట‌ల్స్
13. ర‌చిన్ ర‌వీంద్ర‌(న్యూజిలాండ్) రూ.1.8 కోట్లు - చెన్నై సూప‌ర్ కింగ్స్

క‌మిన్స్‌ను దాటేసిన స్టార్క్‌.. రూ.24. 75 కోట్లు ప‌లికిన స్టార్ పేస‌ర్

ఆస్ట్రేలియాస్టార్ పేస‌ర్ మిచెల్ స్టార్క్ రికార్డు సృష్టించాడు. ఐపీఎల్ చ‌రిత్ర‌లో అత్య‌ధిక ప‌లికిన ఆట‌గాడిగా నిలిచాడు. ఈ స్టార్ పేస‌ర్ రూ. కోట్లు ప‌లికాడు. అత‌డి కోసం కోల్‌క‌తా నైట్ రైడ‌ర్స్, గుజ‌రాత్ టైటాన్స్ నువ్వానేనా అన్నట్టు పోటీ ప‌డ్డాయి. అయితే.. చివ‌ర‌కు కోల్‌క‌తా రూ.24.75 కోట్ల‌కు స్టార్క్‌ను కొన్న‌ది.

ఉమేశ్ యాద‌వ్‌కు జాక్‌పాట్

భార‌త సీనియ‌ర్ పేస‌ర్ ఉమేశ్ యాద‌వ్ జాక్‌పాట్ కొట్టాడు. రూ.2 కోట్ల క‌నీస ద‌ర ఉన్న అత‌డిని రూ. 5.8 కోట్లకు గుజ‌రాత్ టైటాన్స్ కొన్న‌ది.

కోట్లు కొల్ల‌గొట్టిన‌ ఆల్‌రౌండ‌ర్లు... ఎవ‌రికి ఎంతంటే..?

ఇండియ‌న్ ప్రీమియర్ 17వ సీజ‌న్ మినీ వేలంలో ప్యాట్ క‌మిన్స్ రికార్డు ధ‌ర ప‌లికాడు. రూ. 2 కోట్ల‌ క‌నీస ధ‌ర ఉన్న ఈ స్టార్ పేస‌ర్ కోసం ల‌క్నో సూప‌ర్ జెయింట్స్‌, హైద‌రాబాద్ ఫ్రాంచైజీలు పోటీ ప‌డ్డాయి. చివ‌ర‌కు హైద‌రాబాద్ రూ. 20.5 కోట్ల‌కు క‌మిన్స్‌ను కొనుగోలు చేసింది. దాంతో, అత‌డు ఐపీఎల్ చ‌రిత్ర‌లో అత్య‌ధిక ధ‌ర ప‌లికిన ఆట‌గాడిగా రికార్డు సృష్టించాడు. త‌ద్వారా 16వ సీజ‌న్ వేలంలో సామ్ క‌ర‌న్(ఇంగ్లండ్‌) రూ.18.25 కోట్లతో నెల‌కొల్పిన రికార్డును ఆసీస్ సార‌థి బ‌ద్ద‌లు కొట్టాడు. న్యూజిలాండ్ ఆల్‌రౌండ‌ర్ డారిల్ మిచెల్ రూ.14 కోట్లతో రెండో స్థానంలో ఉన్నాడు.

1. ప్యాట్ క‌మిన్స్(ఆస్ట్రేలియా) - రూ.20.5 కోట్లు - స‌న్‌రైజ‌ర్స్ హైద‌రాబాద్
2. డారిల్ మిచెల్ (న్యూజిలాండ్) - రూ. 14 కోట్లు - చెన్నై సూప‌ర్ కింగ్స్
3. హ‌ర్ష‌ల్ ప‌టేల్(భార‌త్) - రూ.11.75 కోట్లు - పంజాబ్ కింగ్స్
4. రొవ్‌మ‌న్ పావెల్(వెస్టిండీస్) - రూ. 7.4 కోట్లు - ఢిల్లీ క్యాపిట‌ల్స్
5. ట్రావిస్ హెడ్(ఆస్ట్రేలియా) - రూ. 6.80 కోట్లు - స‌న్‌రైజ‌ర్స్ హైద‌రాబాద్
6. గెరాల్డ్ కోయెట్జీ (ద‌క్షిణాఫ్రికా) - రూ. 5 కోట్లు - ముంబై ఇండియ‌న్స్
7. క్రిస్ వోక్స్ (ఇంగ్లండ్) - రూ.4.2 కోట్లు - పంజాబ్ కింగ్స్
8. శార్థూల్ ఠాకూర్ (భార‌త్) రూ. 4 కోట్లు - చెన్నై సూప‌ర్ కింగ్స్
9. హ్యారీ బ్రూక్ (ఇంగ్లండ్) - రూ 4 కోట్లు - ఢిల్లీ క్యాపిట‌ల్స్
10. ర‌చిన్ ర‌వీంద్ర‌(న్యూజిలాండ్) రూ.1.8 కోట్లు - చెన్నై సూప‌ర్ కింగ్స్

హ‌ర్ష‌ల్ ప‌టేల్‌పై కాసుల వ‌ర్షం

16వ సీజ‌న్‌లో నిరాశ‌ప‌రిచిన‌ హ‌ర్ష‌ల్ ప‌టేల్ 17వ సీజ‌న్ మినీ వేలంలో వేలంలో కోట్లు కొల్ల‌గొట్టాడు. ఈ పేస‌ర్ కోసం పంజాబ్ కింగ్స్ రూ. 11.75 కోట్లు పెట్టింది.

ద‌క్షిణాఫ్రికా పేస‌ర్‌కు రూ.5 కోట్లు

ద‌క్షిణాఫ్రికా పేస‌ర్ గెరాల్డ్ వేలంలో కోయెజ్టీ కోట్లు కొల్ల‌గొట్టాడు. వ‌ర‌ల్డ్ క‌ప్‌లో అద్భుతంగా రాణించిన ఈ బౌల‌ర్‌ను రూ.5 కోట్ల‌కు ముంబై ఇండియ‌న్స్ కొన్న‌ది.

ఐపీఎల్ చ‌రిత్ర‌లో క‌మిన్స్‌కు రికార్డు ధ‌ర‌

ఆస్ట్రేలియాకు వ‌ర‌ల్డ్ క‌ప్ అందించిన‌ కెప్టెన్ ప్యాట్ క‌మిన్స్ ఐపీఎల్ చ‌రిత్ర‌లో రికార్డు ధ‌ర ప‌లికాడు. రూ. 2 కోట్ల‌ క‌నీస ధ‌ర ఉన్నఈ స్టార్ పేస‌ర్ కోసం ల‌క్నో సూప‌ర్ జెయింట్స్‌, హైద‌రాబాద్ ఫ్రాంచైజీలు పోటీ ప‌డ్డాయి. చివ‌ర‌కు హైద‌రాబాద్ రూ. 20.5 కోట్ల‌కు కొనుగోలు చేసింది.

WOAH 🤯🤯

Pat Cummins is SOLD to Sunrisers Hyderabad 🧡 for a whopping INR 20.5 Crore 🔥🔥

Congratulations to the @SunRisers 🙌#IPLAuction | #IPL

— IndianPremierLeague (@IPL) December 19, 2023

ఠాకూర్‌కు రూ. 4 కోట్లు

టీమిండియా ఆల్‌రౌండ‌ర్‌ శార్థూల్ ఠాకూర్ భారీ ధ‌ర ప‌లికాడు. రూ. 2 కోట్ల‌ క‌నీస ధ‌ర ఉన్న ఠాకూర్‌ను రూ.4 కోట్లకు చెన్నై సూప‌ర్ కింగ్స్ సొంతం చేసుకుంది. హైద‌రాబాద్ అత‌డి కోసం పోటీ ప‌డింది. కానీ చెన్నై ప‌ట్టువిడ‌వ‌లేదు. దాంతో, అత‌ను మ‌ళ్లీ పాత గూటికే చేరాడు.

The Man with the Golden Arm is back in Yellove! 🦁💛 pic.twitter.com/isrJgzYU3N

— Chennai Super Kings (@ChennaiIPL) December 19, 2023

ర‌చిన్ ర‌వీంద్ర‌కు షాక్.. త‌క్కువ‌కే కొన్న చెన్నై

వ‌ర‌ల్డ్ క‌ప్‌లో దంచికొట్టిన న్యూజిలాండ్ యువ ఓపెన‌ర్ వేలంలో అద‌ర‌గొట్టాడు. రూ.50 లక్ష‌ల క‌నీస ధ‌ర ఉన్న‌ ఈ యంగ్‌స్ట‌ర్ భారీ ధ‌ర ప‌లుకుతాడ‌ని అంతా ఊహించారు. కానీ, ఊహించ‌ని విధంగా చెన్నై సూప‌ర్ కింగ్స్ రూ.1.8 కోట్ల‌కే కొనుగోలు చేసింది.

హ‌స‌రంగ‌కు క‌నీస ధ‌ర‌నే

సన్‌ రైజర్స్‌ హైదరాబాద్ వేలంలో శ్రీ‌లంక మిస్ట‌రీ స్పిన్న‌ర్ వ‌నిందు హ‌స‌రంగ‌ను క‌నీస ధ‌ర‌కే ద‌క్కించుకుంది. రూ.1.5 కోట్ల‌కే కొనుగోలు చేసింది.

వీళ్ల‌కు నిరాశే

తొలి రౌండ్‌లో స్టార్ బ్యాట‌ర్ ద‌క్షిణాఫ్రికా స్టార్ బ్యాట‌ర్ రీలే ర‌స్సో అమ్ముడు పోలేదు. రూ.2 కోట్ల క‌నీస ధ‌ర ఉన్న ఇత‌డిని కొనేందుకు ఏ ఫ్రాంచైజీ ఆస‌క్తి చూపించ‌లేదు. ఆస్ట్రేలియా స్టార్ స్టీవ్ స్మిత్, భార‌త క్రికెట‌ర్లు క‌రుణ్ నాయ‌ర్, మ‌నీశ్ పాండేల‌ను సైతం ఎవ‌రూ కొనుగోలు చేయ‌లేదు.

హెడ్‌ను ద‌క్కించుకున్న హైద‌రాబాద్

ఆస్ట్రేలియా వ‌ర‌ల్డ్ క‌ప్ హీరో ట్రావిస్ హెడ్ భారీ ధ‌ర ప‌లికాడు. రూ. 2 కోట్ల క‌నీస ధ‌ర ఉన్న ఈ స్టార్ ఓపెన‌ర్ కోసం సన్‌ రైజర్స్‌ హైదరాబాద్ చెన్నై సూప‌ర్ కింగ్స్ పోటీ ప‌డ్డాయి. చివ‌ర‌కు హైద‌రాబాద్ రూ.6.80 కోట్ల‌కు కొనుగోలు చేసింది.

Mana Travis is a 𝐇YD𝐄R𝐀BA𝐃I 🔥#HereWeGOrange pic.twitter.com/SUtbRJfXZA

— SunRisers Hyderabad (@SunRisers) December 19, 2023

హ్యారీ బ్రూక్‌కు రూ. 4 కోట్లు

ఇంగ్లండ్ చిచ్చ‌ర‌పిడుగు హ్యారీ బ్రూక్ రూ. 4 కోట్లు ప‌లికాడు. ఈ స్టార్ బ్యాటర్‌ను ఢిల్లీ క్యాపిట‌ల్స్ కొనుగోలు చేసింది. నిరుడు వేలంలో రూ. 13.25 కోట్లు ప‌లికిన బ్రూక్‌.. ఈసారి త‌క్కువ ధ‌ర‌కే అమ్ముడుపోయాడు.

ర‌స్సోకు నిరాశ

ఇండియ‌న్ ప్రీమియర్ 17వ సీజ‌న్ మినీ వేలంలో ద‌క్షిణాఫ్రికా స్టార్ బ్యాట‌ర్ రీలే ర‌స్సో అమ్ముడు పోలేదు. రూ.2 కోట్ల క‌నీస ధ‌ర ఉన్న ఇత‌డిని కొనేందుకు ఏ ఫ్రాంచైజీ ఆస‌క్తి చూపించ‌లేదు.

Next up is Rilee Rossouw and he remains UNSOLD.#IPLAuction | #IPL

— IndianPremierLeague (@IPL) December 19, 2023

పావెల్‌కు రికార్డు ధ‌ర

ఇండియ‌న్ ప్రీమియర్ 17వ సీజ‌న్ మినీ వేలం మొద‌లైంది. దుబాయ్ గ‌డ్డ‌పై కొకాకోలా ఎరేనా హోట‌ల్‌లో జ‌రుగుతున్న వేలాన్ని ఫేమ‌స్ ఆక్ష‌నీర్ మ‌ల్లికా సాగ‌ర్ (Mallika Sagar) నిర్వ‌హిస్తోంది. ఆక్ష‌న్‌లో తొలి పేరు రోవ్‌మ‌న్ పావెల్. రూ. కోటికి రిజిష్ట‌ర్ అయిన ఈ విధ్వంస‌క బ్యాట‌ర్‌ను రూ. 7.40 కోట్ల‌కు రాజ‌స్థాన్ రాయ‌ల్స్ కొనుగోలు చేసింది.

కోటి ధ‌ర‌కు రిజిష్ట‌ర్ అయింది వీళ్లే

ఐపీఎల్ 17వ సీజ‌న్ మినీ వేలంలో ప‌లువురు ఆట‌గాళ్లు రూ. కోటి ధ‌ర‌కు రిజిష్ట‌ర్ అయ్యారు. వాళ్లు ఎవ‌రంటే..?

ఇంగ్లండ్ - గ‌స్ అట్కిన్స‌న్, సామ్ బిల్లింగ్స్, ఆష్ట‌న్ ట‌ర్న‌ర్, డేవిడ్ వీస్

న్యూజిలాండ్ - మైకేల్ బ్రేస్‌వెల్, మార్టిన్ గ‌ఫ్టిల్, కైలీ జేమీస‌న్, అడం మిల్నే, డారిల్ మిచెల్. కోరె అండ‌ర్స‌న్.

ఆస్ట్రేలియా - ఆష్ట‌న్ అగ‌ర్. రీలే మెరిడిత్, అర్సీ షార్ట్.

ద‌క్షిణాఫ్రికా - వేన్ పార్నెల్, డ్వేన్ ప్రిటోరియ‌స్.

వెస్టిండీస్ - అల్జారీ జోసెఫ్, రొవ్‌మ‌న్ పావెల్.

కోటిన్న‌ర‌కు రిజిష్ట‌ర్ అయింది వీళ్లే

మ‌హ్మ‌ద్ నబీ, డానియెల్ వొరాల్, టామ్ క‌ర‌న్, మ‌ర్చంట్ డా లాంగే, క్రిస్ జోర్డాన్, డేవిడ్ మ‌ల‌న్, టైమ‌ల్ మిల్స్, ఫిల్ సాల్ట్, మోసెస్ హెన్రిక్స్, క్రిస్ లిన్, కేన్ రిచ‌ర్డ్‌స‌న్, డానియెల్ సామ్స్, కోరె అండ‌ర్సన్, కొలిన్ మున్రో, జిమ్మి నీషం, టిమ్ సౌథీ, కొలిన్ ఇన్‌గ్రాం, వ‌నిందు హ‌స‌రంగ‌, జేస‌న్ హోల్డ‌ర్, షెర్ఫానే రూథ‌ర్‌ఫ‌ర్డ్.

2 కోట్ల‌కు రిజిష్ట‌ర్ అయింది వీళ్లే

ఐపీఎల్ 17వ సీజన్ మినీ వేలంలో  స్టార్ ఆట‌గాళ్లు రూ.2 కోట్ల క‌నీస ధ‌ర‌కు పేర్లు రిజిష్ట‌ర్ చేసుకున్నారు. వాళ్లు ఎవ‌రంటే..?

భార‌త్ - హ‌ర్ష‌ల్ ప‌టేల్, శార్దూల్ ఠాకూర్, ఉమేశ్ యాద‌వ్, కేదార్ జాద‌వ్.

ఇంగ్లండ్ - హ్యారీ బ్రూక్, టామ్ బాంట‌న్, బెన్ డ‌కెట్, జేమీ ఓవ‌ర్ట‌న్, ఆదిల్ ర‌షీద్, డేవిడ్ విల్లే, క్రిస్ వోక్స్.

ఆస్ట్రేలియా - ప్యాట్ క‌మిన్స్, మిచెల్ స్టార్క్, జోష్ హేజిల్‌వుడ్, స్టీవ్ స్మిత్, ట్రావిస్ హెడ్, జోష్ ఇంగ్లిస్, సియాన్ అబాట్.

ద‌క్షిణాఫ్రికా - రీలే ర‌స్సో, ర‌సీ వాండ‌ర్ డ‌స్సెన్, గెరాల్డ్ కోయెట్జీ.

అఫ్గ‌నిస్థాన్ - ముజీబ్ ఉర్ రెహ్మాన్.

బంగ్లాదేశ్ - ముస్తాఫిజుర్ రెహ్మాన్.

ఏ ఫ్రాంచైజీ వ‌ద్ద ఎంత న‌గ‌దు ఉందంటే..?

ఈసారి మినీ వేలంలో 77 స్లాట్స్‌ అందుబాటులో ఉన్నాయి. 333 మంది ఆటగాళ్లు అదృష్టాన్ని పరీక్షించుకోనున్నారు. ఇందులో 214 మంది భారత ఆట‌గాళ్లు ఉండ‌గా.. 119 మంది ఓవర్సీస్‌ (విదేశీ) క్రికెటర్లు ఉన్నారు. మరి 77 మందిని వేలంలో దక్కించుకోవడానికి పది ఫ్రాంచైజీల వద్ద ఉన్న నగదు ఎంత..?  పది ఫ్రాంచైజీల వద్ద రూ. 262.95 కోట్ల నగదు ఉంది.   గుజరాత్‌ టైటాన్స్‌ వద్ద అత్యధికంగా రూ. 38.15 కోట్లు ఉండగా..  లక్నో సూపర్‌ జెయింట్స్‌ వద్ద అత్యల్పంగా రూ. 13.15 కోట్లు ఉన్నాయంతే.

- గుజరాత్‌ టైటాన్స్‌ – రూ. 38.15 కోట్లు
– సన్‌ రైజర్స్‌ హైదరాబాద్‌ – రూ. 34 కోట్లు
– కోల్‌కతా నైట్‌ రైడర్స్‌ – రూ. 32.7 కోట్లు
– చెన్నై సూపర్‌ కింగ్స్‌ – రూ. 31.4 కోట్లు
– పంజాబ్‌ కింగ్స్‌ – రూ. 29.1 కోట్లు

Hello and Welcome to the #IPLAuction 2024 👋

We are all ready to rock and roll at the Coca Cola Arena in Dubai 👌

Watch till the end for a glimpse of the magnificent auction arena 😍 pic.twitter.com/QDheLqjxoi

— IndianPremierLeague (@IPL) December 19, 2023

– ఢిల్లీ క్యాపిటల్స్‌ – రూ. 28.95 కోట్లు
– రాయల్‌ ఛాలెంజర్స్‌ బెంగళూరు – రూ. 23.25 కోట్లు
– ముంబై ఇండియన్స్‌ – రూ. 17.75 కోట్లు
– రాజస్తాన్‌ రాయల్స్‌ – రూ. 14.5 కోట్లు
– లక్నో సూపర్‌ జెయింట్స్‌ – రూ. 13.15 కోట్లు