LSG vs GT Live updates | లక్నో సూపర్‌ జెయింట్స్‌‌ Vs గుజరాత్‌ టైటాన్స్‌ లైవ్‌ అప్డేట్స్‌

మోహిత్ శ‌ర్మ సూప‌ర్ బౌలింగ్.. ల‌క్నోకు షాకిచ్చిన గుజ‌రాత్

ఐపీఎల్ 16వ సీజ‌న్‌లో మ‌రో ఉత్కంఠ పోరు. ఆఖ‌రి బంతి వ‌ర‌కు విజ‌యం దోబూచులాడిన మ్యాచ్‌లో డిఫెండింగ్ చాంపియ‌న్ గుజ‌రాత్ టైట‌న్స్ గెలుపొందింది. ల‌క్నో సూప‌ర్ జెయింట్స్‌ను 7 ప‌రుగుల తేడాతో ఓడించింది. 136 టార్గెట్ ఛేద‌న‌లో ల‌క్నోను 128కే క‌ట్ట‌డి చేసింది. 20వ ఓవ‌ర్ వేసిన మోహిత్ శ‌ర్మ అద్భుత బౌలింగ్‌తో జ‌ట్టును గెలిపించాడు. నాలుగు వికెట్లు ప‌డ‌డంతో ల‌క్నో అనూహ్యంగా ఓట‌మి పాలైంది. కేఎల్ రాహుల్(68) అర్థ శ‌త‌కం బాదినా ఫ‌లితం లేక‌పోయింది. దాంతో, ల‌క్నో మూడో ఓట‌మిని మూట‌గ‌ట్టుకుది.

TAKE. A. BOW Mohit Sharma 🫡🫡

A sensational final over that!

Follow the match ▶️ https://t.co/TtAH2CiXVI#TATAIPL | #LSGvGT pic.twitter.com/PnQAVz3kuy

— IndianPremierLeague (@IPL) April 22, 2023

ఆఖ‌రి ఓవ‌ర్లో ఉత్కంఠ‌

మోహిత్ శ‌ర్మ వేసిన 20 ఆఖ‌రి ఓవ‌ర్‌లో రెండో బంతికి కేఎల్ రాహుల్(68) క్యాచ్ ఔట‌య్యాడు. త‌ర్వాత బంతికే స్టోయినిస్ డ‌కౌట‌య్యాడు. నాలుగో బంతికి రెండు ప‌రుగుల‌కు ప్ర‌య‌త్నించి ఆయుష్ బదొని(8) ర‌నౌట‌య్యాడు. ఐదో బంతికి దీప‌క్ హుడా() కూడా ర‌నౌట్ అయ్యాడు. ఆఖ‌రి బంతికి 8 ర‌న్స్ అవ‌స‌ర‌మ‌య్యాయి. కానీ, ఒక్క ప‌రుగు కూడా రాలేదు. దాంతో, గుజ‌రాత్ 7 ప‌రుగుల తేడాతో గెలుపొందింది.

రాహుల్, స్టోయినిస్ ఔట్

మోహిత్ శ‌ర్మ ఆఖ‌రి ఓవ‌ర్‌లో కేఎల్ రాహుల్(68), స్టోయినిస్ ఔట‌య్యారు. వీళ్లిద్ద‌రూ భారీ షాట్‌కు ప్ర‌య‌త్నించి వికెట్ స‌మ‌ర్పించుకున్నారు. ఆయుష్ బదొని(6) క్రీజులో ఉన్నాడు. ల‌క్నో విజ‌యానికి 3 బంతుల్లో 10 ప‌రుగులు కావాలి.

18 ఓవ‌ర్ల‌కు ల‌క్నో స్కోర్ 119

18 ఓవ‌ర్ల‌కు ల‌క్నో స్కోర్ 119. ల‌క్నో విజ‌యానికి 12 బంతుల్లో 17 ప‌రుగులు కావాలి. కేఎల్ రాహుల్(62), ఆయుష్ బదొని(6) క్రీజులో ఉన్నారు.ల‌క్నో విజ‌యానికి 12 బంతుల్లో 17 ప‌రుగులు కావాలి. కేఎల్ రాహుల్(62), ఆయుష్ బదొని(6) క్రీజులో ఉన్నారు.

మూడో వికెట్ కోల్పోయిన ల‌క్నో

ల‌క్నో మూడో వికెట్ ప‌డింది. నూర్ అమ్మ‌ద్ బౌలింగ్‌లో నికోల‌స్ పూర‌న్‌(1) ఔట‌య్యాడు. పూర‌న్ గాల్లోకి లేపిన బంతిని హార్ధిక్ పాండ్యా అందుకున్నాడు.

ల‌క్నో స్కోర్ వంద‌

ల‌క్నో స్కోర్ వంద దాటింది. జ‌యంత్ యాద‌వ్ బౌలింగ్‌లో కేఎల్ రాహుల్(57) రెండు ప‌రుగులు తీయ‌డంతో ల‌క్నో 100 ర‌న్స్‌కు చేరింది. కృనాల్ పాండ్యా(23) క్రీజులో ఉన్నాడు. 14 ఓవ‌ర్ల‌కు స్కోర్.. 105/1

రాహుల్ హాఫ్ సెంచ‌రీ

కేఎల్ రాహుల్(50) హాఫ్ సెంచ‌రీ బాదాడు. రాహుల్ తెవాటియా బౌలింగ్‌లో సింగిల్ తీసి ఫిఫ్టీ పూర్తి చేసుకున్నాడు. కృనాల్ పాండ్యా(17) క్రీజులో ఉన్నాడు.

Another captain's knock in the #LSGvGT clash 🙌

It's @klrahul this time who reaches his FIFTY 👌👌@LucknowIPL cruising in the chase!

Follow the match ▶️ https://t.co/TtAH2CiXVI#TATAIPL | #LSGvGT pic.twitter.com/4GZmaIGbWT

— IndianPremierLeague (@IPL) April 22, 2023

ల‌క్నో స్కోర్ 80

హార్దిక్ పాండ్యా వేసిన ప‌దో ఓవ‌ర్‌లో కృనాల్ పాండ్యా14) ఆఖ‌రి బంతికి ఫోర్ కొట్టాడు. 7 ర‌న్స్ వ‌చ్చాయి. కేఎల్ రాహుల్(42) క్రీజులో ఉన్నాడు. 10 ఓవ‌ర్ల‌కు స్కోర్.. 80/1

8 ఓవ‌ర్ల‌కు స్కోర్ 65

నూర్ అహ్మ‌ద్‌ బౌలింగ్‌లో కేఎల్ రాహుల్(39) బౌండ‌రీ బాదాడు క్రీజులో ఉన్నాడు. కృనాల్ పాండ్యా(2) క్రీజులో ఉన్నాడు. 8 ఓవ‌ర్ల‌కు స్కోర్.. 65/1

బిగ్ వికెట్ తీసిన ర‌షీద్

ర‌షీద్ ఖాన్ బిగ్ వికెట్ తీశాడు. డేంజ‌ర‌స్ కైల్ మేయ‌ర్స్(24)ను బౌల్డ్ చేశాడు. దాంతో, 55 ర‌న్స్ వ‌ద్ద ల‌క్నో తొలి వికెట్ ప‌డింది. కేఎల్ రాహుల్(31), కృనాల్ పాండ్యా క్రీజులో ఉన్నారు.

రాహుల్ బాదుతున్నాడు

ప‌వ‌ర్ ప్లేలో ల‌క్నో ఓపెన‌ర్లు దంచికొట్టారు. మోహిత్ శ‌ర్మ బౌలింగ్‌లో కేఎల్ రాహుల్(30) డీప్ ఎక్స్‌ట్రా క‌వ‌ర్ వైపు బౌండ‌రీ బాదాడు కైల్ మేయ‌ర్స్(23) క్రీజులో ఉన్నాడు. ఆరు ఓవ‌ర్ల‌కు స్కోర్.. 53/0.

A confident start to the chase for @LucknowIPL 🔥

FIFTY partnership comes up between openers - @klrahul & Kyle Mayers 🙌

Follow the match ▶️ https://t.co/TtAH2CiXVI#TATAIPL | #LSGvGT pic.twitter.com/2vLBmBNsrK

— IndianPremierLeague (@IPL) April 22, 2023

దంచుతున్న మేయ‌ర్స్, రాహుల్

ల‌క్నో ఓపెన‌ర్లు కేఎల్ రాహుల్(25), కైల్ మేయ‌ర్స్(21) దంచుతున్నారు. ర‌షీద్ ఖాన్ వేసిన ఐదో ఓవ‌ర్‌లో రాహుల్ రెండు ఫోర్ల‌, మేయ‌ర్స్ ఒక సిక్స్ కొట్టారు. దాంతో, 16 ర‌న్స్ వ‌చ్చాయి. ఐదు ఓవ‌ర్ల‌కు స్కోర్.. 46/0వేగం పెంచాడు.

రాహుల్ రికార్డు.. టీ20ల్లో 7వేల ప‌రుగులు

ల‌క్నో సూప‌ర్ జెయింట్స్ కెప్టెన్ కేఎల్ రాహుల్ మ‌రో ఘ‌న‌త సాధించాడు. టీ20 ఫార్మాట్‌లో 7 వేల ప‌రుగుల మైలురాయి అందుకున్నాడు. గుజ‌రాత్ టైట‌న్స్ బౌల‌ర్ ష‌మీ బౌలింగ్‌లో హ్యాట్రిక్ ఫోర్లు బాది అత‌ను ఈ రికార్డు సాధించాడు. 197 ఇన్నింగ్స్‌ల్లో  42.42 స‌గటుతో రాహుల్ ఈ ఫీట్‌కు చేరువ‌య్యాడు. ఇప్ప‌టి వ‌ర‌కు పురుషుల క్రికెట్‌లో 41 మంది 7 వేల ప‌రుగులు క్ల‌బ్‌లో ఉన్నారు.

రాహుల్ హ్యాట్రిక్ ఫోర్లు

కేఎల్ రాహుల్(14) వేగం పెంచాడు. ష‌మీ బౌలింగ్‌లో హ్యాట్రిక్ ఫోర్లు బాదాడు. స్వ్కేర్ లెగ్, డీప్ మిడ్ వికెట్‌, బ్యాక్‌వ‌ర్డ్ పాయింట్ దిశ‌గా మూడుబౌండ‌రీలు బాదాడు. కైల్ మేయ‌ర్స్(6) క్రీజులో ఉన్నాడు. మూడు ఓవ‌ర్ల‌కు స్కోర్.. 20/0

మేయ‌ర్స్ ఫోర్

జ‌యంత్ యాద‌వ్ బౌలింగ్‌లో కైల్ మేయ‌ర్స్(5) ఫోర్ బాదాడు. కేఎల్ రాహుల్(1) క్రీజులో ఉన్నాడు. 2 ఓవ‌ర్ల‌కు స్కోర్.. 6/0

తొలి ఓవ‌ర్ మెయిడెన్

ష‌మీ తొలి ఓవ‌ర్ మెయిడెన్ వేశాడు. లక్నో ఓపెన‌ర్లు కేఎల్ రాహుల్, కైల్ మేయ‌ర్స్ క్రీజులో ఉన్నారు.

గుజరాత్‌ స్కోరు 20 ఓవర్లలో 135/6.. లక్నో లక్ష్యం 136

గుజరాత్‌ టైటాన్స్‌ జట్టు నిర్ణీత 20 ఓవర్లలో ఆరు వికెట్ల నష్టానికి 135 పరుగులు చేసింది. లక్నో సూపర్‌ జెయింట్స్‌ జట్టు ముందు 136 పరుగుల ఊరించే లక్ష్యాన్ని ఉంచింది. గుజరాత్‌ బ్యాటర్లతో ఓపెనర్‌ వృద్ధిమాన్‌ సాహా, కెప్టెన్‌ హార్దిక్‌ పాండ్యా తప్ప మిగతావాళ్లు ఎవరూ పెద్దగా రాణించలేదు.

ఆఖరి ఓవర్లో హార్దిక్‌ పాండ్యా (66) అవుట్‌

గుజరాత్‌ కెప్టెన్‌ హార్దిక్‌ పాండ్యా 20వ ఓవర్‌ రెండో బంతికి ఔటయ్యాడు. స్టోయినిస్‌ బౌలింగ్‌లో లక్నో కెప్టెన్‌ కేఎల్‌ రాహుల్‌కు క్యాచ్‌ ఇచ్చి పాండ్యా పెవిలియన్‌కు చేరాడు. అప్పటి పాండ్యా 50 బంతుల్లో మూడు సిక్సులు, రెండు ఫోర్లతో 66 పరుగులు రాబట్టాడు.

19 ఓవర్లు.. 126 పరుగులు.. 4 వికెట్లు

గుజరాత్‌ టైటాన్స్‌ టీమ్‌ 19 ఓవర్ల ఆట ముగిసే సమయానికి నాలుగు వికెట్ల నష్టానికి 126 పరుగులు చేసింది. హార్దిక్‌ పాండ్యా 60 పరుగులతో మిల్లర్‌ 5 పరుగులతో క్రీజులో ఉన్నారు.

హార్దిక్‌ పాండ్యా హాఫ్‌ సెంచరీ.. గుజరాత్‌ స్కోరు 121/4

గుజరాత్‌ కెప్టెన్‌ హార్దిక్‌ పాండ్యా అర్ధసెంచరీ చేశాడు. 44 బంతుల్లో రెండు ఫోర్లు, రెండు సిక్సర్‌లతో మొత్తం 51 పరుగులు రాబట్టాడు. 18వ ఓవర్‌ నాలుగో బంతికి హార్దిక్‌ స్కోరు 50 పరుగులు దాటింది. ఆ తర్వాత రెండు బంతుల్లో పాండ్యా ఒక సిక్సర్‌ బాది, ఒక సింగిల్‌ తీశాడు. దాంతో 18 ఓవర్లు ముగిసేసరికి గుజరాత్‌ స్కోరు నాలుగు వికెట్ల నష్టానికి 121 పరుగులకు చేరింది.

హార్దిక్‌ పాండ్యా 40.. గుజరాత్‌ స్కోరు 102/4

17 ఓవర్ల ఆట ముగిసే సమయానికి గుజరాత్‌ టైటాన్స్‌ జట్టు నాలుగు వికెట్ల నష్టానికి 102 పరుగులు చేసింది. కెప్టెన్‌ హార్దిక్‌ పాండ్యా 40 పరుగులతో, డేవిడ్‌ మిల్లర్‌ రెండు పరుగులతో క్రీజులో ఉన్నారు.

17వ ఓవర్లో 100 పరుగుల మైలురాయి దాటిన గుజరాత్‌

గుజరాత్‌ టైటాన్స్‌ జట్టు ఇన్నింగ్స్‌ ప్రారంభం నుంచి పరుగులు రాబట్టడానికి తడబడింది. దాంతో స్కోర్‌ బోర్డు నత్త నడకన కొనసాగింది. దాంతో 100 పరుగుల మైలురాయి దాటడానికి 17వ ఓవర్‌ వరకు ఎదురు చూడాల్సి వచ్చింది. ఆఖరికి 17వ ఓవర్‌ ఐదో బంతికి జట్టు స్కోరు 100 పరుగుల మార్కును చేరింది.

16 ఓవర్లకు గుజరాత్ స్కోరు 97/4

గుజరాత్‌ టైటాన్స్‌ 16 ఓవర్ల ఆట ముగిసే సమయానికి నాలుగు వికెట్ల నష్టానికి 97 పరుగులు చేసింది. హార్దిక్‌ పాండ్యా ఒక బౌండరీ, ఒక సిక్సర్‌ సాయంతో 37 బంతుల్లో 36 పరుగులు చేశాడు. డేవిడ్‌ మిల్లర్‌ మూడు బంతుల్లో ఒక పరుగుతో ఉన్నాడు.

15 ఓవర్లు.. 92 పరుగులు.. 4 వికెట్లు

15 ఓవర్లు ముగిసేసరికి గుజరాత్‌ టైటాన్స్‌ జట్టు నాలుగు వికెట్ల నష్టానికి 92 పరుగులు చేసింది. 15వ ఓవర్‌ చివరి బంతికి విజయ్‌ శంకర్‌.. నవీన్‌ ఉల్‌ హక్‌ బౌలింగ్‌లో క్లీన్‌ బౌల్డ్‌ అయ్యాడు.

14 ఓవర్లలో గుజరాత్‌ స్కోరు 88/3

గుజరాత్‌ టైటాన్స్‌ టీమ్‌ తొలి 14 ఓవర్లు ముగిసేసరికి మూడు వికెట్ల నష్టానికి 88 పరుగులు చేసింది. విజయ్‌ శంకర్‌ 8 పరుగులతో, కెప్టెన్‌ హార్దిక్‌ పాండ్యా 31 పరుగులతో క్రీజులో ఉన్నారు.

13 ఓవర్లలో మూడు వికెట్ల నష్టానికి 85 పరుగులు

గుజరాత్‌ జట్టు 13 ఓవర్లలో మూడు వికెట్ల నష్టానికి 85 పరుగులు చేసింది. హార్దిక్‌ పాండ్యా 29 బంతుల్లో ఒక ఫోర్‌, ఒక సిక్సర్‌ సాయంతో 28 పరుగులు చేయగా, విజయ్‌ శంకర్‌ 5 బంతుల్లో 7 పరుగులు చేశాడు.

12 ఓవర్లకు గుజరాత్‌ స్కోరు 78/3

12 ఓవర్లు ముగిసే సరికి గుజరాత్‌ టైటాన్స్‌ టీమ్‌ కేవలం 78 పరుగులు మాత్రమే చేయగలిగింది. కొత్తగా క్రీజులోకి వచ్చిన విజయ్‌ శంకర్‌ 1 పరుగుతో, కెప్టెన్‌ హార్దిక్‌ పాండ్యా 26 బంతుల్లో 27 పరుగులతో క్రీజులో ఉన్నారు.

మూడో వికెట్‌ కోల్పోయిన గుజరాత్‌

గుజరాత్‌ జట్టు 12వ ఓవర్‌ నాలుగో బంతికి మూడో వికెట్‌ కోల్పోయింది. గుజరాత్‌ బ్యాటర్‌ అభినవ్‌ మనోహర్‌ లక్నో బౌలర్‌ మిశ్రా బౌలింగ్‌లో నవీన్‌ ఉల్‌ హక్‌కు క్యాచ్‌ ఇచ్చి పెవిలియన్‌ బాటపట్టాడు.

11 ఓవర్లలో గుజరాత్‌ స్కోరు 75/2

గుజరాత్‌ టీమ్‌ 11 ఓవర్లు ముగిసేసరికి రెండు వికెట్ల నష్టానికి 75 పరుగులు చేసింది. హార్దిక్‌ పాండ్యా 25 బంతుల్లో 26 పరుగులతో, అభినవ్‌ మనోహర్‌ రెండు పరుగులతో క్రీజులో ఉన్నారు.

రెండో వికెట్‌ కోల్పోయిన గుజరాత్‌ టైటాన్స్‌

గుజరాత్‌ టైటాన్స్‌ జట్టు రెండో వికెట్‌ కోల్పోయింది. మాంచి ఊపు మీదున్న వృద్ధిమాన్‌ సాహా.. కృనాల్‌ పాండ్యా బౌలింగ్‌లో హుడాకు క్యాచ్‌ ఇచ్చి వెనుదిరిగాడు. అప్పటికి సాహా 37 బంతుల్లో ఆరు బౌండరీలతో 47 పరుగులు చేశాడు.

10 ఓవర్లు ముగిసేసరికి గుజరాత్‌ స్కోరు 71/1

గుజరాత్‌ టైటాన్స్‌ స్కోరు నత్తనడకన సాగుతున్నది. తొలి 10 ఓవర్లలో ఆ జట్టు కేవలం 71 పరుగులు మాత్రమే చేయగలిగింది. హార్దిక్‌ పాండ్యా 22 బంతుల్లో 24 పరుగులతో, సాహా 36 బంతుల్లో 47 పరుగులతో క్రీజులో ఉన్నారు.

తొమ్మిది ఓవర్లలో గుజరాత్ స్కోరు 65/1

టాస్‌ గెలిచి బ్యాటింగ్‌ ఎంచుకున్న గుజరాత్‌ టైటాన్స్‌ జట్టు బ్యాటింగ్‌ పేలవంగా సాగుతున్నది. తొలి తొమ్మిది ఓవర్లు ముగిసేసరికి జట్టు స్కోరు కేవలం 65 పరుగులు మాత్రమే ఉన్నది. సాహా ఆరు ఫోర్లతో 32 బంతుల్లో 43 పరుగులు చేయగా, పాండ్యా 20 బంతుల్లో 1 ఫోర్‌, 1 సిక్స్‌తో 22 పరుగులు రాబట్టాడు.

ఎనిమిదో ఓవర్లో 50 పరుగులు దాటిన గుజరాత్‌

గుజరాత్‌ టైటాన్స్‌ జట్టు 8వ ఓవర్లో 50 పరుగుల మార్కు దాటింది. వృద్ధిమాన్‌ సాహా 30 బంతుల్లో 41 పరుగులతో, హార్దిక్‌ పాండ్యా 16 బంతుల్లో 10 పరుగులతో క్రీజులో ఉన్నారు. సాహా 6 బౌండరీలు కొట్టాడు. జట్టు మొత్తం బౌండరీలు కూడా ఆరే.

కృనాల్‌ టఫ్‌ బౌలింగ్‌.. ఏడో ఓవర్లో 4 పరుగులే

లక్నో సూపర్‌ జెయింట్స్‌ బౌలర్‌ కృనాల్‌ పాండ్యా కట్టుదిట్టంగా బౌలింగ్ చేయడంతో ఏడో ఓవర్లో గుజరాత్‌ టైటాన్స్‌ కేవలం 4 పరుగులు మాత్రమే చేయగలిగింది. వృద్దిమాన్‌ సాహా 37, హార్దిక్‌ పాండ్యా 7 పరుగులతో క్రీజులో ఉన్నారు.

ఆరో ఓవర్లో 11 పరుగులు.. గుజరాత్‌ స్కోరు 40/1

తొలుత బ్యాటింగ్‌ చేస్తున్న గుజరాత్‌ టైటాన్స్‌ జట్టు ఆరు ఓవర్లు ముగిసేసరికి 40 పరుగులు చేసింది. ఒక్క ఆరో ఓవర్లోనే 11 పరుగులు వచ్చాయి. సాహా తొలి రెండు బంతులను బౌండరీ లైన్‌ దాటించాడు.

ఐదు ఓవర్లలో మూడే బౌండరీలు

గుజరాత్ టైటాన్స్‌ జట్టు బ్యాటింగ్‌లో తడబడుతున్నది. తొలి ఐదు ఓవర్లు ముగిసేసరికి కేవలం మూడు బౌండరీలు మాత్రమే రాబట్టింది. ఆ మూడు బౌండరీలను వృద్ధిమాన్‌ సాహా కొట్టాడు. ప్రస్తుతం సాహా 25, హార్దిక్‌ పాండ్యా 4 పరుగులతో క్రీజులో ఉన్నారు.

నాలుగు ఓవర్లలో గుజరాత్‌ స్కోరు 20/1

నాలుగు ఓవర్లు ముగిసేసరికి గుజరాత్‌ టైటాన్స్‌ జట్టు కేవలం 20 పరుగులు మాత్రమే చేయగలిగింది. వృద్ధిమాన్‌ సాహా 15 పరుగులతో, హార్దిక్‌ పాండ్యా 4 పరుగులతో క్రీజులో ఉన్నారు.

మూడు ఓవర్లలో గుజరాత్‌ స్కోరు 13/1

గుజరాత్‌ టైటాన్స్‌ జట్టు మూడు ఓవర్లు ముగిసేసరికి కేవలం 13 పరుగులు మాత్రమే చేయగలిగింది. వృద్ధిమాన్‌ సాహా, హార్దిక్‌ పాండ్యా క్రీజులో ఉన్నారు.

రెండో ఓవర్లో ఒక పరుగు, ఒక వికెట్‌

గుజరాత్‌ టైటాన్స్‌ జట్టుకు ఆదిలో ఎదురుదెబ్బ తగిలింది. రెండో ఓవర్‌ తొలి బంతికే కృనాల్‌ పాండ్యా బౌలింగ్‌లో శుభ్‌మాన్‌ గిల్‌ ఔటయ్యాడు. ఆ తర్వాత ఐదు బంతుల్లో కేవలం ఒక్క పరుగు మాత్రమే వచ్చింది. అంటే రెండో ఓవర్‌లో గుజరాత్‌ ఒక పరుగు చేసి, ఒక వికెట్‌ కోల్పోయింది.

తొలి వికెట్‌ కోల్పోయిన గుజరాత్‌ టైటాన్స్‌

గుజరాత్‌ టైటాన్స్‌ జట్టు కేవలం నాలుగు పరుగులకే తొలి వికెట్‌ కోల్పోయింది. కృనాల్‌ పాండ్యా బౌలింగ్‌లో రవి బిష్ణోయ్‌కి క్యాచ్‌ ఇచ్చి శుభ్‌మాన్ గిల్‌ పెవిలియన్‌కు చేరుకున్నాడు.

తొలి ఓవర్‌లో నాలుగు పరుగులే

టాస్‌ గెలిచి బ్యాటింగ్‌ ఎంచుకున్న గుజరాత్‌ టైటాన్స్‌ జట్టు తొలి ఓవర్‌లో కేవలం నాలుగు పరుగులు మాత్రమే చేయగలిగింది. నవీన్‌ ఉల్‌ హక్‌ బౌలింగ్‌లో సాహా 6 బంతులు ఎదుర్కొని నాలుగు పరుగులు రాబట్టాడు.

LSG vs GT సబ్‌స్టిట్యూట్స్‌ వీళ్లే

గుజరాత్‌ టైటాన్స్‌: జాషువా లిటిల్‌, జయంత్‌ యాదవ్‌, శివమ్‌ మావి, రవి శ్రీనివాసన్‌ సాయి కిషోర్‌, శ్రీకర్‌ భరత్‌

లక్నో సూపర్‌ జెయింట్స్‌: జయదేవ్‌ ఉనద్కత్‌, క్రిష్ణప్ప గౌతమ్‌, డానియల్‌ సామ్స్‌, ప్రెరాక్‌ మన్కడ్‌, కరణ్‌ శర్మ

గుజరాత్‌ టైటాన్స్‌, లక్నో సూపర్‌ జెయింట్స్‌‌ తుది జట్లు ఇవే

గుజరాత్‌ టైటాన్స్‌: వృద్ధిమాన్‌ సాహా (వికెట్‌ కీపర్‌), శుభ్‌మాన్‌ గిల్‌, హార్దిక్‌ పాండ్యా (కెప్టెన్‌), విజయ్‌ శంకర్‌, అభినవ్‌ మనోహర్‌, డేవిడ్‌ మిల్లర్‌, రాహుల్‌ తెవాటియా, రషీద్‌ ఖాన్‌, మొహమ్మద్‌ సమీ, నూర్‌ అహ్మద్, మోహిత్‌ శర్మ.

లక్నో సూపర్‌ జెయింట్స్‌: కేఎల్‌ రాహుల్‌ (కెప్టెన్‌), కైల్‌ మేయర్స్‌, దీపక్‌ హుడా, మార్కస్‌ స్టోయినిస్‌, కృనాల్‌ పాండ్యా, నికోలస్‌ పూరన్‌ (వికెట్‌ కీపర్‌), ఆయుష్‌ బదోనీ, నవీన్‌ ఉల్‌ హక్‌, అమిత్‌ మిశ్రా, ఆవేశ్‌ ఖాన్‌, రవి బిష్ణోయ్‌.

టాస్‌ గెలిచి బ్యాటింగ్‌ ఎంచుకున్న గుజరాత్‌ టైటాన్స్‌

లక్నో: ఐపీఎల్‌ సీజన్‌-16లో భాగంగా ఇవాళ లక్నో సూపర్‌ జెయింట్స్‌‌, గుజరాత్‌ టైటాన్స్‌ జట్ల మధ్య మ్యాచ్‌ జరుగుతున్నది. ఈ సీజన్‌లో ఇది 30వ మ్యాచ్‌. గుజరాత్‌ టైటాన్స్‌ జట్టు కెప్టెన్‌ హార్దిక్‌ పాండ్యా టాస్‌ గెలిచి బ్యాటింగ్‌ ఎంచుకున్నాడు. ఈ మ్యాచ్‌లో గుజరాత్‌ టైటాన్స్‌ తరఫున నూర్‌ అహ్మద్‌ అరంగేట్రం చేస్తున్నాడు.