యువ భారత్ డబుల్ హ్యాట్రిక్
చైనాలో జరిగిన ఏహెచ్ఎఫ్ జూనియర్ ఆసియా కప్ హాకీలో భారత పురుషుల, మహిళల జట్లు అదరగొట్టాయి. డిఫెండింగ్ చాంపియన్గా బరిలోకి దిగిన రెండు టీమ్లూ.. ఫైనల్స్లో తమ ప్రత్యర్థులను చిత్తు చేసి హ్యాట్రిక్ టైటిల్తో సత్తాచాటాయి. పురుషుల విభాగంలో భారత్.. 4-1తో సౌత్కొరియాను ఓడించి గోల్డ్ మెడల్ కొట్టింది.
- పురుషుల, మహిళల హాకీ జట్లకు టైటిళ్లు
- జూనియర్ ఆసియా కప్
మోఖి: చైనాలో జరిగిన ఏహెచ్ఎఫ్ జూనియర్ ఆసియా కప్ హాకీలో భారత పురుషుల, మహిళల జట్లు అదరగొట్టాయి. డిఫెండింగ్ చాంపియన్గా బరిలోకి దిగిన రెండు టీమ్లూ.. ఫైనల్స్లో తమ ప్రత్యర్థులను చిత్తు చేసి హ్యాట్రిక్ టైటిల్తో సత్తాచాటాయి. పురుషుల విభాగంలో భారత్.. 4-1తో సౌత్కొరియాను ఓడించి గోల్డ్ మెడల్ కొట్టింది.
భారత్ తరఫున అజీత్ యాదవ్ (9వ నిమిషంలో), కెప్టెన్ అన్మోల్ ఎక్కా (13వ), ప్రభ్దీప్ సింగ్ (21వ), అషు మౌర్య (50వ) తలా గోల్ కొట్టి జట్టును తిరుగులేని స్థితిలో నిలిపారు. సౌత్కొరియా తరఫున నాలుగో క్వార్టర్లో లీ మిన్హ్యోక్ (54వ) ఒక గోల్ చేశాడు. ఈ టోర్నీలో అబ్బాయిలకు ఇది వరుసగా నాలుగో టైటిల్ కాగా మొత్తంగా ఆరో (2004, 2008, 2015, 2023, 2024, 2026)వది కావడం విశేషం.
చైనాను నిలువరించి..
మహిళల కేటగిరీలో భారత్.. 1-0తో ఆతిథ్య చైనాను ఓడించి పసిడి పతకాన్ని సాధించింది. హోరాహోరీగా సాగిన పోరులో సానిక చంద్రకాంత్ మనె 17వ నిమిషంలో గోల్ చేసి జట్టును ఆధిక్యంలోకి తీసుకొచ్చింది. తర్వాత భారత్ గోల్ కొట్టకపోయినా ఆరంభం నుంచే పదే పదే గోల్స్ కోసం యత్నించిన చైనాను విజయవంతంగా నిలువరించింది. తాజా విజయాలతో భారత మెన్స్, విమెన్స్ టీమ్స్ వచ్చే ఏడాది జరుగబోయే ఎఫ్ఐహెచ్ జూనియర్ వరల్డ్ కప్నకు అర్హత సాధించాయి.
Read Today's Latest Sports News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

