Vikram Rathour | రాంచీ పిచ్‌పై ప‌గుళ్లు.. ఇంగ్లండ్‌కు స్పిన్ ఉచ్చు నిజ‌మేనా..?

Ranchi Test : వైజాగ్, రాజ్‌కోట్ టెస్టు విజ‌యాల‌తో జోరుమీదున్న టీమిండియా(Team India) నాలుగో టెస్టులోనూ విజ‌యంపై క‌న్నేసింది. శుక్ర‌వారం రాంచీ(Ranchi) వేదిక‌గా జ‌రిగే నాలుగో మ్యాచ్‌లోనే సిరీస్ ప‌ట్టేయాల‌నే ల‌క్ష్యంతో వ్యూహాలు ప‌న్నుతోంది. అందులో భాగంగానే రాంచీలో...

Vikram Rathour : వైజాగ్, రాజ్‌కోట్ టెస్టు విజ‌యాల‌తో జోరుమీదున్న టీమిండియా(Team India) నాలుగో టెస్టులోనూ విజ‌యంపై క‌న్నేసింది. శుక్ర‌వారం రాంచీ(Ranchi) వేదిక‌గా జ‌రిగే నాలుగో మ్యాచ్‌లోనే సిరీస్ ప‌ట్టేయాల‌నే ల‌క్ష్యంతో వ్యూహాలు ప‌న్నుతోంది. అందులో భాగంగానే రాంచీలో స్పిన్ పిచ్(Spin Pitch) సిద్దం చేసింది.  ఇంగ్లండ్ కెప్టెన్ బెన్ స్టోక్స్(Ben Stokes) సైతం ఆ పిచ్‌ను చూసి షాక్ అయ్యాడు. అలాంటి పిచ్‌ను తాను ఎప్పుడూ చూడ‌లేద‌ని ఆశ్చ‌ర్యం వ్య‌క్తం చేశాడు. ఈ నేప‌థ్యంలో భార‌త బ్యాటింగ్ కోచ్ విక్ర‌మ్ రాథోర్ (Vikram Rathour) పిచ్ తీరుపై ఆస‌క్తిక‌ర వ్యాఖ్య‌లు చేశాడు.

రాంచీ పిచ్ ఎప్పుడు ట‌ర్న్ అవుతుంది? ఎంత మేరకు స్పిన్నర్ల‌కు అనుకూలిస్తుంది? అనేది మాత్రం చెప్ప‌లేనని అన్నాడు. ‘భార‌త్‌లో ఆడిన ప్ర‌తిసారి పిచ్‌ల‌పై ప్ర‌శ్నలు వ‌స్తూనే ఉంటాయి. ఇదొక‌టి సాధార‌ణ భార‌త పిచ్. అయితే.. కొన్ని ప‌గుళ్లు ఉన్నాయి. క‌చ్చితంగా బంతి ట‌ర్న్ అవుతుంది. కానీ, ఎంత ట‌ర్న్ అవుతుంది? ఏ రోజు నుంచి స్పిన్న‌ర్ల‌కు అనుకూలిస్తుంది? అనేది మాత్రం ఇప్పుడే చెప్ప‌లేను’ అని విక్ర‌మ్ వెల్ల‌డించాడు.

రాంచీ పిచ్

పైగా ఆ జ‌ట్టులోని ఓలీ పోప్, జూ రూట్, స్టోక్స్, బెయిర్‌స్టోలు స్పిన్ చ‌క్క‌గా ఆడ‌గ‌ల‌రు. దాంతో, రాంచీ పిచ్ స్పిన్‌కు అనుకూలిస్తే.. ఇరుజ‌ట్ల మ‌ధ్య త‌గ్గ‌పోరు జ‌ర‌గ‌డం ఖాయం అనిపిస్తోంది. ప్ర‌స్తుతానికి 2-1తో ఆధిక్యంలో ఉన్న టీమిండియాకు.. స్టోక్స్ సేన చెక్ పెడుతుందా? లేదా? చాప‌చుట్టేస్తుందా అనేది రేప‌టితో తేలిపోనుంది.

ఇవి కూడా చ‌ద‌వండి

• Deer | చలకుర్తి వ్యవసాయ క్షేత్రం వద్ద కుక్కల దాడిలో జింక మృతి
• Rashmika Mandanna | మిలాన్‌ ఫ్యాషన్‌ వీక్‌లో రష్మిక ర్యాంప్‌ వాక్‌.. కొత్త లుక్‌లో దర్శనమిచ్చిన నేషనల్‌ క్రష్‌
• Harish Rao | నెలంతా పనిచేసి జీతం కోసం ఎదురు చూడాల్సిన దుస్థితి: హరీశ్‌ రావు