‘బీసీల హక్కుల పరిరక్షణకు ప్రత్యేక చట్టాన్ని రూపొందించాలి’

బీసీల హక్కుల పరిరక్షణకు ప్రత్యేక చట్టాన్ని రూపొందించాలని బీసీ ఉద్యోగుల సంఘం న‌ల్ల‌గొండ‌ జిల్లా అధ్యక్షుడు రాపోలు పరమేష్, బీసీ జేఏసీ కన్వీనర్ మారం శ్రీనివాస్, గుడిపాటి కోటయ్య, బీసీ జేఏసీ కో కన్వీనర్ దాసరాజు జయరాజు అన్నారు. ఈ నెల 9న నల్ల‌గొండ‌లో జరుగ‌నున్న..

న‌ల్ల‌గొండ‌, ఆగ‌స్టు 05 : బీసీల హక్కుల పరిరక్షణకు ప్రత్యేక చట్టాన్ని రూపొందించాలని బీసీ ఉద్యోగుల సంఘం న‌ల్ల‌గొండ‌ జిల్లా అధ్యక్షుడు రాపోలు పరమేష్, బీసీ జేఏసీ కన్వీనర్ మారం శ్రీనివాస్, గుడిపాటి కోటయ్య, బీసీ జేఏసీ కో కన్వీనర్ దాసరాజు జయరాజు అన్నారు. ఈ నెల 9న నల్ల‌గొండ‌లో జరుగ‌నున్న బీసీల న్యాయ పోరాట సభ పోస్టర్, కరపత్రంను బుధ‌వారం మిర్యాల‌గూడ‌లో ఆవిష్కరించారు. ఈ సందర్భంగా వారు మాట్లాడుతూ.. బీసీలకు 42 శాతం రిజర్వేషన్లు కల్పించాలని, బీసీ ఉద్యోగులకు పదోన్నతుల్లో రిజర్వేషన్లు కల్పించాలని, జాతీయ కుల గణనలో ప్రతి కులానికి ఒక యూనిక్ నంబర్ కేటాయించాలనే తదితర డిమాండ్ల‌తో జరిగే సమావేశాన్ని విజయవంతం చేయాలని కోరారు. ఈ కార్యక్రమంలో గుడిపాటి కోటయ్య, మెండె వెంకట్, మాలి సైదులు, అంబటి శ్రీను, గోశిక దయాకర్, బంటు నాగేందర్, పసుల కాశి యాదవ్, అనంతుల అంజయ్య, జెల్లా సత్యనారాయణ, రాములు గౌడ్, పున్న రాములు, తోట వెంకటేశ్వర్లు, సైదులు పాల్గొన్నారు.