IND vs PAK | భారత్-పాకిస్తాన్ మ్యాచ్‌లో నమోదైన రికార్డులివే

ఆసియా కప్‌లో భాగంగా భారత్, పాకిస్తాన్ జట్ల మధ్య జరిగిన ఉత్కంఠభరిత మ్యాచ్‌లో టీమిండియా విజయం సాధించింది. ఆల్‌రౌండర్ హార్దిక్ పాండ్యా బంతితో, బ్యాటుతో చెలరేగి జట్టుకు విజయాన్నందించాడు. ఇది భారత స్టార్ బ్యాటర్ విరాట్ కోహ్లీ కెరీర్‌లో 100వ అంతర్జాతీయ టీ20 మ్యాచ్. స్టార్ ఓపెనర్ కేఎల్ రాహుల్ తన కెరీర్‌లో రెండోసారి గోల్డెన్‌ డక్‌గా పెవిలియన్ చేరాడు. ఇవే కాకుండా ఈ మ్యాచ్‌లో మరికొన్ని రికార్డులు నమోదయ్యాయి. అవేంటంటే..

• ఇది భారత స్టార్ బ్యాటర్ విరాట్ కోహ్లీ కెరీర్‌లో 100వ అంతర్జాతీయ టీ20 మ్యాచ్.
• స్టార్ ఓపెనర్ కేఎల్ రాహుల్ తన కెరీర్‌లో రెండోసారి గోల్డెన్‌ డక్‌గా పెవిలియన్ చేరాడు.
• కివీస్ ఓపెనర్ మార్టిన్ గప్తిల్ (3497)ను దాటిన రోహిత్ శర్మ (3499) అంతర్జాతీయ టీ20ల్లో అత్యధిక పరుగులు చేసిన బ్యాటర్‌గా నిలిచాడు.
• మొట్టమొదటిసారి పాకిస్తాన్‌తో జరిగిన మ్యాచ్‌లో పది వికెట్లనూ భారత పేసర్లు తీసుకున్నారు.
• ఇర్ఫాన్ పఠాన్ (6), హార్దిక్ పాండ్యా (7)ను దాటేసిన భువనేశ్వర్ (9) అంతర్జాతీయ టీ20ల్లో పాకిస్తాన్‌పై ఎక్కువ వికెట్లు తీసిన భారత బౌలర్‌గా అవతరించాడు.
• ఈ మ్యాచ్‌లో హార్దిక్ పాండ్యా, రవీంద్ర జడేజా కలిసి నాలుగో వికెట్‌కు 52 పరుగుల భాగస్వామ్యం నెలకొల్పారు. పాకిస్తాన్‌పై నాలుగో వికెట్‌కు భారత్ తరఫున ఇదే అత్యధికం. ఇంతకుముందు ధోనీ, ఊతప్ప చేసిన 46 పరుగులే రికార్డు.
• పాకిస్తాన్‌పై టీ20ల్లో భువనేశ్వర్ కుమార్ (4/26) భారత్ తరఫున అత్యుత్తమ బౌలింగ్ గణాంకాలు నమోదు చేశాడు.