Johnny Bairstow | ఆరు ఇన్నింగ్స్లలో అట్టర్ ప్లాఫ్.. అయినా వరుసగా ఛాన్సులు
Johnny Bairstow | వరుసగా విఫలమవుతున్నా.. ఇంగ్లండ్ బెంచ్లో ఆటగాళ్లు అవకాశాల కోసం చూస్తున్నా బెయిర్ స్టో మాత్రం ఒక్క మ్యాచ్ కూడా తప్పకుండా ఆడుతున్నాడు. దూకుడుగా ఆడతాడనే పేరుండటంతో బజ్బాల్ ఆటకు అచ్చుగుద్దినట్టుగా సరిపోతాడని బెన్ స్టోక్స్, బ్రెండన్ మెక్కల్లమ్లు బెయిర్ స్టోను ప్రోత్సహిస్తున్నారనేది ఇంగ్లండ్ మాజీల వాదన.
Johnny Bairstow | భారత పర్యటనలో ఉన్న ఇంగ్లండ్.. ఐదు మ్యాచ్ల సిరీస్లో 1-2 తేడాతో వెనుకబడ్డా ప్రధాన బ్యాటర్ల కూర్పులో మాత్రం మార్పులు చేయడం లేదు. టాపార్డర్లో జో రూట్తో పాటు మిడిలార్డర్లో జానీ బెయిర్ స్టో అట్టర్ ప్లాఫ్ అవుతున్నా వాళ్లిద్దరూ వరుసగా అవకాశాలు దక్కించుకుంటున్నారు. ఫామ్తో సంబంధం లేకుండా ఈ ఇద్దరూ తుది జట్టులో ఉంటున్నారు. నాలుగో టెస్టుకు ఇంగ్లండ్ తాజాగా ప్రకటించిన ఫైనల్ లెవన్లో ఈ ఇద్దరూ ఉన్నారు. గత మూడు టెస్టులలో రూట్ అయినా కాస్త బంతితో అడపాదడపా వికెట్లు తీస్తున్నాడు గానీ బెయిర్ స్టో అయితే బంతితో తనకేమీ సంబంధం లేదన్నట్టుగా ఉంటున్నా బ్యాట్తో కూడా దారుణంగా విఫలమవుతున్నా ప్రతి మ్యాచ్లోనూ చోటు దక్కించుకుంటాడు.
ఇండియాతో ఇప్పటికే మూడు మ్యాచ్లు ఆడిన ఇంగ్లండ్.. మూడింటిలోనూ బెయిర్ స్టోను ఆడించింది. మిడిలార్డర్లో అత్యంత కీలకమైన అతడు.. ఈ సిరీస్లో ఆరు ఇన్నింగ్స్లలో బ్యాటింగ్కు వచ్చి చేసిన పరుగులు 102. ఇందులో అత్యధిక స్కోరు 37. హైదరాబాద్ టెస్టులో 47 (10, 37) పరుగులు చేసిన బెయిర్ స్టో.. వైజాగ్లో 51 (25, 26) రన్స్ చేశాడు. రాజ్కోట్లో 0, 4 మరీ దారుణమైన ఆటతో పెవిలియన్ చేరాడు. గడిచిన 17 టెస్టు ఇన్నింగ్స్లలో అతడు మూడు సార్లు మాత్రమే 50 ప్లస్ స్కోరు చేశాడు. గతేడాది స్వదేశంలో ఆస్ట్రేలియాతో యాషెస్ సిరీస్లో మూడుసార్లు అర్థ సెంచరీలు మినహా అతడు విఫలమయ్యాడు. అదీగాక భారత్లో అతడు ఆడిన గత 10 ఇన్నింగ్స్లలో చేసిన పరుగులు 130 మాత్రమే.
వరుసగా విఫలమవుతున్నా.. ఇంగ్లండ్ బెంచ్లో ఆటగాళ్లు అవకాశాల కోసం చూస్తున్నా బెయిర్ స్టో మాత్రం ఒక్క మ్యాచ్ కూడా తప్పకుండా ఆడుతున్నాడు. దూకుడుగా ఆడతాడనే పేరుండటంతో బజ్బాల్ ఆటకు అచ్చుగుద్దినట్టుగా సరిపోతాడని బెన్ స్టోక్స్, బ్రెండన్ మెక్కల్లమ్లు బెయిర్ స్టోను ప్రోత్సహిస్తున్నారనేది ఇంగ్లండ్ మాజీల వాదన. కానీ అన్నివేళలా దూకుడుగా ఆడటం కుదరదనేది బెయిర్ స్టోకు ఇంకా అర్థమైనట్టు లేదు. భారత్లో వేగంగా ఆడటం కంటే క్రీజులో నిలబడటం ముఖ్యం. ఇక్కడ బంతిని, పిచ్ స్వభావాన్ని అర్థం చేసుకుంటే పరుగులు రాబట్టడం ఎంత తేలికో యశస్వి జైస్వాల్ వంటి యువ ఆటగాళ్లు పదే పదే నిరూపిస్తున్నా బెయిర్ స్టో మాత్రం తనకు అచ్చొచ్చిన బాదుడు విధానంతో బోల్తా పడుతున్నాడు. పదే పదే నిరాశపరుస్తున్న బెయిర్ స్టో ఆటపై నెటిజన్లు కూడా.. ‘అతడు ఓన్లీ ఫీల్డింగ్ చేసేందుకే భారత్కు వచ్చాడు’ అని కామెంట్ చేస్తున్నారు.
We have named our XI for the fourth Test in Ranchi! 🏏 👇
🇮🇳 #INDvENG 🏴 #EnglandCricket
— England Cricket (@englandcricket) February 22, 2024
స్పిన్ ఆడటంలో అతడి ఇబ్బందులు ప్రత్యేకంగా చెప్పాల్సిన పన్లేదు. బెయిర్ స్టో బ్యాటింగ్కు వచ్చినప్పుడల్లా రోహిత్.. అశ్విన్ లేదా జడేజాతో ఎక్కువ ఓవర్లు వేయిస్తున్నాడు. హైదరాబాద్ టెస్టులో తొలి ఇన్నింగ్స్లో అక్షర్ పటేల్ బౌలింగ్లో ఔట్ అయిన బెయిర్ స్టో.. రెండో ఇన్నింగ్స్లో జడ్డూ బౌలింగ్లో క్లీన్ బౌల్డ్ అయ్యాడు. వైజాగ్ టెస్టులో రెండుసార్లూ బుమ్రా చేతికి చిక్కాడు. రాజ్కోట్లో తొలి ఇన్నింగ్స్లో కుల్దీప్ యాదవ్ అతడిని ఔట్ చేయగా రెండో ఇన్నింగ్స్లో జడ్డూకే చిక్కాడు. రాంచీ పిచ్ స్పిన్కు అనుకూలిస్తుందని వినిపిస్తున్నా బెన్ స్టోక్స్ మాత్రం బెయిర్ స్టోకు మరో అవకాశమివ్వడం ఇంగ్లీష్ అభిమానులతో పాటు విమర్శకులకు ఆశ్చర్యానికి గురిచేస్తున్నది.
Read Today's Latest Sports News in Telugu and Telugu News
RELATED ARTICLES
తాజా వార్తలు
AI Technology | చాట్జీపీటీతో అద్భుతం.. రెండున్నరేళ్ల తర్వాత భర్త చెంతకు చేరిన తప్పిపోయిన భార్య!
Sabarimala | శబరిమల ప్రసాదం ఇంటికే డెలివరీ
Ramayana | రామాయణ బాక్సాఫీస్ విధ్వంసం.. 10వ రోజు కూడా తగ్గని జోరు, ప్రపంచవ్యాప్తంగా రూ.1,228 కోట్ల వసూళ్లు!
Bhushan Bara | చదివిస్తానని ఇంటికి తెచ్చి కడుపు చేసిన ఎమ్మెల్యే.. జార్ఖండ్లో గిరిజన బాలికపై ఘాతుకం!
Promotions | ఏవో టు ఏడీ ఉద్యోగోన్నతుల్లో గోల్మాల్.. డీహెచ్లో ఇద్దరు ఏడీల దందా!
ట్రెండింగ్ వార్తలు
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్

