SL vs Oman | వ‌ర‌ల్డ్ క‌ప్ క్వాలిఫైయ‌ర్స్‌.. 10 వికెట్ల తేడాతో ఒమ‌న్‌ను చిత్తు చేసిన శ్రీ‌లంక‌

SL vs Oman : మాజీ చాంపియ‌న్ శ్రీ‌లంక వ‌ర‌ల్డ్ క‌ప్ క్వాలిఫైయ‌ర్స్‌(World Cup Qualifiers 2023)లో అద‌ర‌గొడుతోంది. క్వీన్స్ స్పోర్ట్స్ క్ల‌బ్‌(Queens Sports Club)లో శుక్ర‌వారం జ‌రిగిన మ్యాచ్‌లో ప‌సికూన‌ ఒమ‌న్ జ‌ట్టుపై భారీ విజ‌యం సాధించింది. స్టార్ స్పిన్న‌ర్ వ‌నిందు హ‌స‌రంగ(Wanindu Hasaranga) 5 వికెట్ల‌తో చెల‌రేగాడు. దాంతో, శ్రీ‌లంక‌....

SL vs Oman : మాజీ చాంపియ‌న్ శ్రీ‌లంక వ‌ర‌ల్డ్ క‌ప్ క్వాలిఫైయ‌ర్స్‌(World Cup Qualifiers 2023)లో అద‌ర‌గొడుతోంది. క్వీన్స్ స్పోర్ట్స్ క్ల‌బ్‌(Queens Sports Club)లో శుక్ర‌వారం జ‌రిగిన మ్యాచ్‌లో ప‌సికూన‌ ఒమ‌న్ జ‌ట్టుపై భారీ విజ‌యం సాధించింది. స్టార్ స్పిన్న‌ర్ వ‌నిందు హ‌స‌రంగ(Wanindu Hasaranga) 5 వికెట్ల‌తో చెల‌రేగాడు. దాంతో, శ్రీ‌లంక‌ 10 వికెట్ల తేడాతో గెలుపొందింది. దాంతో, గ్రూప్ బి పాయింట్ల ప‌ట్టిక‌లో లంక అగ్ర‌స్థానికి చేరింది. ఇప్ప‌టివ‌ర‌కు 2 మ్యాచ్‌లు ఆడిన లంక రెండింటిలోనూ నెగ్గింది.

మొద‌ట బ్యాటింగ్‌కు దిగిన ఒమ‌న్‌ను హ‌స‌రంగ‌ దెబ్బకొట్టాడు. 13 ప‌రుగులే ఇచ్చి 5 వికెట్లు తీశాడు. దాంతో, ఒమ‌న్ టీమ్ 98 ప‌రుగులకే కుప్ప‌కూలింది. స్వ‌ల్ప లక్ష్యాన్ని లంక వికెట్ కోల్పోకుండా 15 ఓవ‌ర్ల‌లోనే ఛేదించింది. ఓపెన‌ర్ దిముత్ క‌రుణ‌ర‌త్నే(61 నాటౌట్) అర్ధ సెంచ‌రీతో క‌దం తొక్కాడు. మ‌రో ఓపెన‌ర్ ప్ర‌థుమ్ నిస్సంక‌(37) నాటౌట్‌గా నిలిచాడు. సంచ‌ల‌న బౌలింగ్ ప్ర‌ద‌ర్శ‌న చేసిన హ‌స‌రంగ ‘ప్లేయ‌ర్ ఆఫ్ ది మ్యాచ్‌’గా ఎంపిక‌య్యాడు.

అక్టోబ‌ర్ 5న వ‌ర‌ల్డ్ క‌ప్

ఒమ‌న్‌పై భారీ విజ‌యంతో లంక ఈ ఏడాది వ‌న్డే వ‌ర‌ల్డ్ క‌ప్ క్వాలిఫైయ‌ర్స్ అవ‌కాశాలు మెరుగుప‌రుచుకుంది. గ్రూప్ -ఏ, గ్రూప్ -బిలో అగ్ర‌స్థానంలో నిలిచిన రెండు జ‌ట్లు వ‌ర‌ల్డ్ క‌ప్‌లో ఆడేందుకు అర్హ‌త సాధిస్తాయి. ఈఏడాది వ‌న్డే వ‌ర‌ల్డ్ క‌ప్(ODI WC 2023) భార‌త సొంత గ‌డ్డ‌పై జ‌ర‌గ‌నుంది. అక్టోబ‌ర్ 5న ఈ మెగా టోర్నీషురూ కానుంది. దాంతో ఈసారి క‌ప్పు కొట్టి.. 10 ఏళ్ల ఐసీసీ ట్రోఫీ క‌ల‌ను నిజం చేసుకోవాల‌ని టీమిండియా ప‌ట్టుద‌ల‌తో ఉంది.

ఇవి కూడా చ‌ద‌వండి

TeamIndia | భార‌త జ‌ట్టు ఐసీసీ ట్రోఫీ గెలిచి ఈ రోజుకి ప‌దేళ్లు.. అదీ ధోనీ కెప్టెన్సీలోనే

Messi – Mbappe | పీఎస్‌జీని వదిలేసి మాడ్రిడ్ క్ల‌బ్‌లో చేరు.. ఎంబాపేను కోరిన మెస్సీ..!