IPL 2023 | ఫిలిఫ్స్ హ్యాట్రిక్ సిక్స్‌లు.. ఉత్కంఠ పోరులో రాజ‌స్థాన్‌కు షాకిచ్చిన హైద‌రాబాద్‌

IPL 2023 : ఉత్కంఠ పోరులో స‌న్‌రైజ‌ర్స్ హైద‌రాబాద్ విజ‌యం సాధించింది. అంద‌రూ స‌మిష్టిగా ఆడ‌డంతో రాజ‌స్థాన్ రాయ‌ల్స్‌పై 4 వికెట్ల తేడాతో గెలుపొందింది. అభిషేక్ శ‌ర్మ(55) హాఫ్ సెంచ‌రీ.. గ్లెన్ ఫిలిఫ్స్(25) హ్యాట్రిక్ సిక్స‌ర్ల మోతతో ల‌క్ష్యాన్ని క‌రిగించారు. అబ్దుల్ స‌మ‌ద్(17) ఆఖ‌రి బంతికి సిక్స్ కొట్ట‌డంతో హైద‌రాబాద్ ఫ్యాన్స్ సంబురాల్లో మునిగిపోయారు.

IPL 2023 : ఉత్కంఠ పోరులో స‌న్‌రైజ‌ర్స్ హైద‌రాబాద్ విజ‌యం సాధించింది. అంద‌రూ స‌మిష్టిగా ఆడ‌డంతో రాజ‌స్థాన్ రాయ‌ల్స్‌పై 4 వికెట్ల తేడాతో గెలుపొందింది. అభిషేక్ శ‌ర్మ(55) హాఫ్ సెంచ‌రీ.. గ్లెన్ ఫిలిఫ్స్(25) హ్యాట్రిక్ సిక్స‌ర్ల మోతతో ల‌క్ష్యాన్ని క‌రిగించారు. అబ్దుల్ స‌మ‌ద్(17) ఆఖ‌రి బంతికి సిక్స్ కొట్ట‌డంతో హైద‌రాబాద్ ఫ్యాన్స్ సంబురాల్లో మునిగిపోయారు. నాలుగో విజ‌యంతో మ‌ర‌క్రం సేన పాయింట్ల ప‌ట్టిక‌లో 9వ స్థానంలో నిలిచింది.

సందీప్ శ‌ర్మ వేసిన 20వ ఓవ‌ర్లో తొలి బంతికి అబ్దుల్ స‌మ‌ద్(17) రెండు ర‌న్స్ తీశాడు. రెండో బంతికి సిక్స్ కొట్టాడు. మూడో బాల్‌కు రెండు ప‌రుగులు వ‌చ్చాయి. నాలుగో బాల్‌కు సింగిల్. ఐదో బంతికి జాన్‌సెన్(2) ఒక్క ర‌న్ తీశాడు. ఆఖ‌రి బంతికి 5 ప‌రుగులు అవ‌స‌ర‌మ‌య్యాయి. కానీ సందీప్ శ‌ర్మ నో బాల్ వేశాడు. ఫ్రీ హిట్ వ‌చ్చింది. ఆఖ‌రి బంతికి స‌మ‌ద్ సిక్స్ కొట్టాడు. దాంతో, హైద‌రాబాద్ 4 వికెట్ల తేడాతో గెలిచింది.

WHAT. A. GAME 😱😱

Abdul Samad wins it for the @SunRisers as he hits a maximum off the final delivery. #SRH win by 4 wickets.

Scorecard – https://t.co/1EMWKvcgh9 #TATAIPL #RRvSRH #IPL2023 pic.twitter.com/yh0WVMEbOz

— IndianPremierLeague (@IPL) May 7, 2023

భారీ లక్ష్య ఛేద‌న‌లో హైద‌రాబాద్‌కు మంచి ఆరంభం దొరికింది. ఓపెన‌ర్లు అన్‌మోల్‌ప్రీత్ సింగ్(33) అభిషేక్ శ‌ర్మ(55) తొలి వికెట్‌కు 54 ర‌న్స్ జోడించారు. ధ‌నాధ‌న్ ఆడిన అభిషేక్ హాఫ్ సెంచ‌రీ కొట్టిన వెంట‌నే అశ్విన్ బౌలింగ్‌లో ఔట‌య్యాడు. ధాటిగా ఆడుతున్న హెన్రిచ్ క్లాసెన్(26)ను చాహ‌ల్ పెవిలియ‌న్ పంపాడు. ఆ త‌ర్వాత అత‌ను జోరుమీదున్న‌ రాహుల్ త్రిపాఠి(47)ని, కెప్టెన్ మ‌ర‌క్రం(6)ను ఒకే ఓవర్లో ఔట్ చేశాడు.  హ్యారీ బ్రూక్ ప్లేస్‌లో వ‌చ్చిన‌ గ్లెన్ ఫిలిఫ్స్(25) హ్యాట్రిక్ సిక్స‌ర్లు, ఒక ఫోర్‌తో మ్యాచ్‌ను మ‌లుపు తిప్పాడు.

 చిత‌క్కొట్టిన‌ బ‌ట్ల‌ర్, శాంస‌న్

సొంత గ్రౌండ్‌లో రాజ‌స్థాన్ రాయ‌ల్స్ బ్యాట‌ర్లు దంచారు. ఓపెన‌ర్ జోస్ బ‌ట్ల‌ర్(95) విధ్వంస‌క బ్యాటింగ్, సంజూ శాంస‌న్(66 నాటౌట్) మెరుపులతో భారీ స్కోర్ చేసింది. హైద‌రాబాద్ ముందు 215 ల‌క్ష్యాన్ని నిర్దేశించింది. ఈ సీజ‌న్‌లో సెంచ‌రీ కొట్టిన‌ య‌శ‌స్వీ జైస్వాల్(35) త్వ‌ర‌గానే ఔట‌య్యాడు దాంతో, 54 వ‌ద్ద రాజ‌స్థాన్ వికెట్ ప‌డింది. ఆ త‌ర్వాత బ‌ట్ల‌ర్, శాంస‌న్ జోరు కొన‌సాగించారు. రెండో వికెట్‌కు 138 ర‌న్స్ జోడించారు. హెట్‌మెయిర్ (7) నాటౌట్‌గా నిలిచాడు.