French Open | జొకోవిచ్‌కు షాక్‌.. ఫ్రెంచ్ ఓపెన్‌ సెమీ ఫైనల్‌లోకి నాదల్‌

పారిస్‌ : టెన్నిస్‌ ప్రపంచ నెంబర్‌ వన్‌ ఆటగాడు నోవాక్‌ జొకోవిచ్‌కు రాఫెల్‌ నాదల్‌ షాకిచ్చాడు. ఫ్రెంచ్‌ ఓపెన్‌లో జొకోవిచ్‌ను 6-2, 4-6, 6-2, 7-6తో ఓడించి రఫెల్ నాదల్ సెమీ ఫైనల్‌లోకి ప్రవేశించాడు. 13 సార్లు వరల్డ్‌ చాంపియన్‌గా నిలిచిన నాదల్‌.. ఆదివారం జరిగే ఫైనల్స్‌లో చోటు కోసం జర్మనీకి చెందిన అలెగ్జాండర్ జ్వెరెవ్‌తో తలపడనున్నాడు. మ్యాచ్‌ తొలిసెట్‌లో నాదల్‌ తొలిసెట్‌ను కైవసం చేసుకోగా.. రెండో సెట్‌లో జొకోవిచ్‌ రాణించాడు. ఆ తర్వాత పుంజుకున్న నాదల్‌ రెండు వరుస సెట్లను సాధించి సెమీ ఫైనల్స్‌లోకి అడుగుపెట్టాడు. 21వ గ్రాండ్‌ స్లామ్‌ను తన ఖాతాల్లో వేసుకోవాలన్న జొకోవిచ్‌ ఆశలు
ఆవిరయ్యాయి.

ప్రస్తుతం రోజర్‌ ఫెదరర్‌తో సమానంగా 20 గ్రాండ్‌ స్లామ్‌ను సాధించాడు. వీరిద్దరికన్నా రాఫెల్‌ నాదల్‌ 21 గ్రాండ్‌ స్లామ్స్‌ను కైవసం చేసుకున్నాడు. గతేడాది ఫ్రెంచ్‌ ఓపెన్‌ను నాదల్‌ను ఓడించి జొకోవిచ్‌ను ఓడించి టైటిల్‌ను సాధించిన విషయం తెలిసిందే. కింగ్‌ ఆఫ్‌ క్లేగా పేరున్న నాదల్‌ ఫ్రెంచ్‌ ఓపెన్‌ను అత్యధిక సార్లు గెలుచుకున్న ఆటగాడిగా రికార్డున్నది. ఇప్పటి వరకు 13 ఫ్రెంచ్‌ ఓపెన్‌ టైటిల్స్‌ను సాధించి, కేవలం మూడుసార్లు మాత్రమే ఓటమిపాలయ్యాడు. గతేడాది సెమీ ఫైనల్లో జొకోవిచ్ చేతిలో నాలుగు సెట్లలో నాదల్‌ ఓటమి పాలయ్యాడు. ఇదిలా ఉండగా.. ఈ ఏడాది ఆస్ట్రేలియన్ ఓపెన్‌ను నాదల్ కైవసం చేసుకున్నాడు.