Dipendra Singh Airee | ఆరు బంతుల్లో ఆరు సిక్స‌ర్లు.. చ‌రిత్ర సృష్టించిన నేపాల్ హిట్ట‌ర్

Dipendra Singh Airee : టీ20ల్లో మ‌రో సంచ‌న‌లం న‌మోదైంది. పొట్టి ఫార్మాట్‌లో 9 బంతుల్లోనే యాభై కొట్టిన నేపాల్ చిచ్చ‌ర‌పిడుగు దీపేంద్ర సింగ్ ఐరీ(Dipendra Singh Airee) మ‌రోసారి చ‌రిత్ర‌ సృష్టించాడు. ఈసారి ఏకంగా ఆరు బంతుల్లో ఆరు సిక్స‌ర్లు కొట్టాడు.

Dipendra Singh Airee : టీ20ల్లో మ‌రో సంచ‌న‌లం న‌మోదైంది. పొట్టి ఫార్మాట్‌లో 9 బంతుల్లోనే యాభై కొట్టిన నేపాల్ చిచ్చ‌ర‌పిడుగు దీపేంద్ర సింగ్ ఐరీ(Dipendra Singh Airee) మ‌రోసారి చ‌రిత్ర‌ సృష్టించాడు. ఊచ‌కోత‌కు కేరాఫ్ అయిన దీపేంద్ర ఈసారి ఏకంగా ఆరు బంతుల్లో ఆరు సిక్స‌ర్లు కొట్టాడు. ఈ ఫీట్ సాధించిన మూడో ఆట‌గాడిగా చ‌రిత్ర‌పుట‌ల్లో నిలిచాడు.

దీపేంద్ర కంటే ముందు టీమిండియా మాజీ ఆల్‌రౌండ‌ర్ యువ‌రాజ్ సింగ్(Yuvraj Singh), వెస్టిండీస్ విధ్వ‌సంక క్రికెట‌ర్ కీర‌న్ పోలార్డ్‌(Keiran Pollard)లు పొట్టి క్రికెట్‌లో ఈ ఘ‌న‌త సాధించారు. ఏసీసీ ప్రీమియ‌ర్ క‌ప్‌(ACC Premier Cup)లో భాగంగా ఖ‌తార్‌పై దీపేంద్ర విశ్వ‌రూపం ప్ర‌ద‌ర్శించాడు. క‌మ్రాన్ ఖాన్ వేసిన‌ ఇన్నింగ్స్ ఆఖ‌రి ఓవ‌ర్‌లో ఒక్క బంతినీ వ‌ద‌ల‌కుండా స్టాండ్స్‌లోకి పంపాడు. అత‌డి ధాటికి కమ్రాన్ ఆ ఓవ‌ర్‌లో 36 ప‌రుగులు స‌మ‌ర్పించుకున్నాడు.

ICYMI: 6️⃣6️⃣6️⃣6️⃣6️⃣6️⃣

Here’s how @DSAiree45 scored Six Sixes in a row being the first Nepali batter to do it so.

🎥 @ACCMedia1 #NepalCricket | #NEPvQAT pic.twitter.com/LjHFGmxIf1

— CAN (@CricketNep) April 13, 2024

9 బంతుల్లోనే అర్ధ శ‌త‌కం

గ‌తంలో దీపేంద్ర టీ20ల్లో వేగ‌వంత‌మైన హాఫ్ సెంచ‌రీతో వార్త‌ల్లో నిలిచాడు. ఈ విధ్వంస‌క ఆట‌గాడు మంగోలియాపై కేవలం 9 బంతుల్లోనే అర్ధ శ‌త‌కం బాదాడు. యువ‌రాజ్ సింగ్ 12 బంతుల్లోనే 50 కొట్టిన‌ రికార్డు బ‌ద్ధ‌లైంది.