Dinesh Karthik : ఐపీఎల్ 17వ సీజన్తో టీమిండియా మాజీ క్రికెటర్ దినేశ్ కార్తిక్(Dinesh Karthik) మళ్లీ ఫినిషర్గా అవతరామెత్తాడు. అనుభవజ్ఞుడైన కార్తిక్ రాయల్ చాలెంజర్స్ బెంగళూరు(Royal Challengers Bengaluru)కు లోయర్ ఆర్డర్లో కొండంత అండగా నిలుస్తున్నాడు. తాజాగా అతడు తన కెరీర్కు గురించి ఆసక్తికర విషయాలు వెల్లడించాడు. రాజస్థాన్ రాయల్స్(Rajasthan Royals)పై ఓటమి అనంతరం కార్తిక్ యూట్యూబ్ షో కుట్టి స్టోరీస్(Kutty Stories)లో స్పిన్ లెజెండ్ రవిచంద్రన్ అశ్విన్(R Ashwin)తో మాట్లాడాడు. తన కెరీర్లో పశ్చాత్తాపానికి గురైన సందర్భాలు రెండే రెండు ఉన్నాయని చెప్పాడు.
‘నా సుదీర్ఘ క్రికెట్ కెరీర్లో బాధపడ్డ సందర్భాలు ఆ రెండే. ఒకటి ముంబై ఇండియన్స్ నన్ను అట్టిపెట్టుకోలేదు. నా కెరీర్కు ఎంతో మేలు చేసిన ముంబై ఫ్రాంచైజీ అలా వదిలేస్తుందని ఊహించలేదు. ఇక రెండోది ఏంటంటే.. చెన్నై సూపర్ కింగ్స్కు ఆడాలని ఉంది. కానీ, ఇప్పటివరకూ ఆ కల నెరవేరలేదు’ అని కార్తిక్ వెల్లడించాడు.
RCB FANS ARE LOYALISTS – DK talks about RCB’s fandom.
They are family both in a good and bad way 😂 RCBians, do u agree with what DK says? Watch the full video here!https://t.co/mx1cEZrIwO pic.twitter.com/CXPqFnsn8H
— Mufaddal Vohra (@mufaddal_vohra) April 7, 2024
అంతేకాదు ఆర్సీబీ అభిమానులు ఎంతో విధేయత గలవారని కార్తిక్ చెప్పాడు. ‘ఐపీఎల్లో బెంగళూరు ఫ్యాన్స్ చాలా విధేయులు. వాళ్లు మేము ఒక కుటుంబం. ఆనందంలో, బాధలోనూ వాళ్లు ఎప్పుడూ వెన్నంటే ఉంటారు. ఏమీ జరిగినా సరే వాళ్లు సపోర్టు చేయడం మాత్రం ఆపేయరు. నేను బ్యాటింగ్కు వెళ్తుంటే కార్తిక్.. కార్తిక్ అంటూ గట్టిగా అరుస్తూ నాలో ఉత్సాహం నింపుతారు’ అని కార్తిక్ చెప్పుకొచ్చాడు.
పదిహేడో సీజన్లోనూ ఆర్సీబీ చెత్త ఆటతో నిరాశపరుస్తోంది. తొలి మ్యాచ్లో చెన్నై సూపర్ కింగ్స్ చేతిలో కంగుతిన్న ఆర్సీబీ ఆర్వాత సొంత గడ్డపై విజయభేరి మోగించింది. పంజాబ్ కింగ్స్పై దినేశ్ కార్తిక్ 28 నాటౌట్తో జట్టును గెలిపించాడు. దాంతో, ఇక జట్టు రాత మారినట్టే అనుకున్నారంతా. కానీ, షరా మామూలే అన్నట్టు విరాట్ కోహ్లీపైనే అతిగా ఆధారపడుతూ .. బౌలింగ్లో వికెట్లు తీసే మొనగాడు లేక హ్యాట్రిక్ ఓటములు మూటగట్టుకుంది.
వేలంలో కోట్లు పలికిన మ్యాక్స్వెల్.. ట్రేండింగ్ పద్ధతిలో ముంబై నుంచి ఆర్సీబీకి మారిన కామెరూన్ గ్రీన్లు ఒక్క మ్యాచ్లోనూ తమదైన ఆట చూపించలేదు. బౌలింగ్లో సిరాజ్ తేలిపోతుండగా.. స్పిన్నర్ మయాంక్ దగర్ ధారాళంగా పరుగులు సమర్పించుకుంటున్నాడు. నాలుగు ఓటములతో ఆర్సీబీ ప్లేఆఫ్స్ రేసులో వెనకబడింది.