Newzealand : న్యూజిలాండ్ క్రికెట్లో కరోనా(Carona) కలకలం సృష్టిస్తోంది. ఇప్పటికే ఆల్రౌండర్ మిచెల్ శాంట్నర్ (Mitchell Santner) కరోనా బారిన పడగా.. తాజాగా విధ్వంసక ఓపెనర్ డెవాన్ కాన్వే (Devan Conway)కు కోవిడ్-19 పాజిటివ్ వచ్చింది. వెంటనే అప్రమత్తమైన మేనేజ్మెంట్ కాన్వేను ఐసోలేషన్లో ఉంచింది. దాంతో, పాకిస్థాన్తో జరిగే నాలుగో టీ20 మ్యాచ్కు కాన్వే స్థానంలో చాడ్ బోవెస్(Chad Boves)ను ఎంపిక చేశారు.
ఈ విషయాన్ని న్యూజిలాండ్ క్రికెట్ సోషల్మీడియా ద్వారా వెల్లడించింది. ‘కరోనా కారణంగా పాకిస్థాన్తో జరిగే నాలుగో టీ20 మ్యాచ్కు కాన్వే దూరం కానున్నాడు. గురువారం అతడికి పాజిటివ్ రావడంతో క్రిస్ట్చర్చ్లో జట్టు బస చేసిన హోటల్లో ఈ స్టార్ ఓపెనర్ విశ్రాంతి తీసుకోనున్నాడు. కాంటెర్బరీ కింగ్స్ బ్యాటర్ చాడ్ బొవేస్ జట్టుతో కలువనున్నాడు’ అని పోస్ట్లో తెలిపింది.
Devon Conway has been ruled out of the fourth T20I against Pakistan after testing positive for COVID. Conway has been in isolation at the team’s Christchurch hotel after testing positive yesterday. Canterbury Kings batsman Chad Bowes will join the squad today as cover. #NZvPAK
— BLACKCAPS (@BLACKCAPS) January 19, 2024
అంతేకాదు ఆ జట్టు బౌలింగ్ కోచ్ ఆండ్రే ఆడమ్ కూడా కరోనా బారిన పడ్డాడని న్యూజిలాండ్ బోర్డు చెప్పింది. అతడి స్థానంలో కాంటెన్ బరీ మెన్స్ డెవలప్మెంట్ కోచ్ బ్రెండన్ డంకెర్స్(Brendon Dunkers) జట్టుతో కలుస్తాడని తెలిపింది.
శాంట్నర్, షాహీన్ ఆఫ్రిది
స్వదేశంలో పాకిస్థాన్తో జరుగుతున్న ఐదు టీ20ల సిరీస్లో కివీస్ అదరగొడుతోంది. ఇప్పటికే మూడు మ్యాచుల్లో గెలుపొందిన బ్లాక్క్యాప్స్ 3-0తో ఆధిక్యంలో ఉంది. శుక్రవారం క్రిస్ట్చర్చ్లోని హగ్లే ఓవల్ స్టేడియంలో నాలుగో టీ20 జరుగనుంది. వరుస పరాజయాలతో డీలా పడిన పాక్ ఈ మ్యాచ్లో గెలిచి పరువు కాపాడుకోవాలనే పట్టుదలతో ఉంది. ఒకవేళ ఈ మ్యాచ్లో కివీస్ను ఓడిస్తే.. పాకిస్థాన్ సారథి షాహీన్ ఆఫ్రిది కెప్టెన్గా బోణీ కొడతాడు. ఇదే వేదికపై జనవరి 21న ఐదో టీ20 నిర్వహించనున్నారు.