DC vs RR : సొంతమైదానంలో ఢిల్లీ క్యాపిటల్స్(Delhi Capitals) ఓపెనర్ జేక్ ఫ్రేజర్ మెక్గుర్క్(50) విధ్వంసం సృష్టించాడు. అలవోకగా బౌండరీల మీద బౌండరీలు బాదేసిన ఈ చిచ్చరపిడుగు 19 బంతుల్లోనే హాఫ్ సెంచరీ కొట్టాడు. బౌల్ట్ వేసిన తొలి ఓవర్లో ఒకటే ఫోర్ కొట్టినా.. ఆ తర్వాత సందీప్ శర్మ, అవేశ్ ఖాన్లను ఉతికేశాడు. అవేశ్ వేసిన నాలుగో ఓవర్లో రెచ్చిపోయిన మెక్గుర్క్ వరుసగా.. 4, 4, 4, 6, 4, 6 బాది హాఫ్ సెంచరీ పూర్తి చేసుకున్నాడు.
JFM show in Delhi! 🔥
He departs not before another breathtaking FIFTY off just 19 balls 👏👏
Watch the match LIVE on @JioCinema and @StarSportsIndia 💻📱#TATAIPL | #DCvRR pic.twitter.com/T9XzoNLYxq
— IndianPremierLeague (@IPL) May 7, 2024
ఈ ఢిల్లీ ఓపెనర్ దూకుడుకు కళ్లెం వేసేందుకు స్పిన్నర్ను రంగంలోకి దింపిన శాంసన్ ఫలితం రాబట్టాడు. అశ్విన్ ఓవర్లో మెక్గుర్క్ కవర్ డ్రైవ్ ఆడి ఫెరారీ చేతికి చిక్కాడు. దాంతో, అరుణ్ జైట్లీ స్టేడియంలో బౌండరీల వర్షం ఆగింది. 5 ఓవర్ల వరకూ పటిష్ట స్థితిలో ఉన్న ఢిల్లీ స్వల్ప వ్యవధిలో రెండు వికెట్లు కోల్పోయింది. మెక్గుర్క్ వెనుదిరిగిన కాసేపటికే షాయ్ హోప్(1) దురదృష్టవశాత్తూ రనౌట్ అయ్యాడు. పొరెల్ ఆడిన బంతి సందీప్ శర్మ చేయి తగిలి వికెట్లకు తాకింది. దాంతో హోప్ రనౌట్గా వెనుదిరిగాడు. అక్షర్ పటేల్ క్రీజులోకి వచ్చాడు. ఆరు ఓవర్లకు ఢిల్లీ స్కోర్.. 78/2.