Tushar Deshpande | చిన్ననాటి స్నేహితురాలితో సీఎస్కే పేస‌ర్ వివాహం.. ఫొటోలు చూశారా..!

Tushar Deshpande : ఐపీఎల్ 16వ‌ సీజ‌న్‌(IPL 2023)లో అద‌రగొట్టిన చెన్నై సూప‌ర్ కింగ్స్ పేస‌ర్ తుషార్ దేశ్‌పాండే(Tushar Deshpande) వివాహ బంధంలో అడుగుపెట్టాడు. ఈ యంగ్ ఫాస్ట్ బౌల‌ర్ శుక్ర‌వారం త‌న చిన్న‌నాటి స్నేహితురాలు న‌భ గ‌డ్డంవ‌ర్‌...

Tushar Deshpande : ఐపీఎల్ 16వ‌ సీజ‌న్‌(IPL 2023)లో అద‌రగొట్టిన చెన్నై సూప‌ర్ కింగ్స్ పేస‌ర్ తుషార్ దేశ్‌పాండే(Tushar Deshpande) వివాహ బంధంలో అడుగుపెట్టాడు. ఈ యంగ్ ఫాస్ట్ బౌల‌ర్ శుక్ర‌వారం త‌న చిన్న‌నాటి స్నేహితురాలు న‌భ గ‌డ్డంవ‌ర్‌(Nabha Gaddamwar)ని పెళ్ళి చేసుకున్నాడు. ఈ సంద‌ర్భంగా తుషార్, న‌భ సంప్ర‌దాయ దుస్తుల్లో త‌ళుక్కుమ‌న్నారు. కుటుంబ‌స‌భ్యులు, బంధుమిత్రుల స‌మ‌క్షంలో జ‌రిగ‌ని త‌మ క‌ల్యాణ వేడుక‌కు సంబంధించిన వివాహ వేడుక ఫొటోల‌ను అభిమానుల కోసం ఇన్‌స్టాగ్రామ్‌లో పోస్ట్ చేశాడు.

ఆ ఫొటోల‌కు తుషార్.. ‘కొత్త ఆరంభం సంద‌ర్భంగా ప‌ర‌స్ప‌రం హృద‌యాలు మార్చుకున్నాం’ అని క్యాప్ష‌న్ రాశాడు. ఈ కొత్త జంట‌కు ఆన్‌లైన్‌లో శుభాకాంక్ష‌లు వెల్లువెత్తుతున్నాయి. తుషార్ ప్రాతినిధ్యం వ‌హిస్తున్న‌ చెన్నై ఫ్రాంచైజీ కూడా తుషార్, న‌భాల‌కు అభినంద‌న‌లు తెలుపుతూ పోస్ట్ పెట్టింది. ఇక నుంచి నువ్వు జీవిత‌కాలంలో ప్రేమ‌, సంతోషం, అనుబంధాన్ని ఆమెతో షేర్ చేసుకుంటావు. కంగ్రాట్స్ టు సూప‌ర్ క‌పుల్ అని సీఎస్కీ ఎక్స్‌లో పోస్ట్ పెట్టింది.

 

View this post on Instagram

 

A post shared by Tushar Deshpande (@tushardeshpande96)

తుషార్, న‌భ ఇద్ద‌రూ చిన్న‌ప్పుడు ఒకే బ‌డిలో చ‌దువుకున్నారు. అప్ప‌టి నుంచి మొద‌లైన‌ స్నేహం కాస్త ఆ త‌ర్వాత ప్రేమ‌గా మారింది. వీళ్ల ప్రేమ‌కు ఇరుకుటుంబాలు అంగీకారం తెల‌ప‌డంతో ఐపీఎల్ 16వ సీజ‌న్ ముగిశాక ఘ‌నంగా ఎంగేజ్‌మెంట్ నిర్వ‌హించిన విష‌యం తెలిసిందే.

Here’s Tu share a lifetime of love, joy and happily ever after🫶🏼🥰

Congrats to the #SuperCouple! 💛🤩@TusharD_96 pic.twitter.com/vklYtCaYBd

— Chennai Super Kings (@ChennaiIPL) December 22, 2023

ఐపీఎల్ 16వ‌ సీజ‌న్‌లో తుషార్ దేశ్‌పాండే అద్భుతంగా రాణించాడు. 16 మ్యాచుల్లో ఈ యువ కెర‌టం 21 వికెట్లు ప‌డ‌గొట్టాడు. ఈ సీజ‌న్‌లో సీఎస్కే త‌ర‌ఫున అత్య‌ధిక వికెట్లు తీసిన బౌల‌ర్ అత‌నే కావ‌డం విశేషం. డిఫెండింగ్ చాంపియ‌న్ గుజ‌రాత్ టైటాన్స్‌తో జ‌రిగిన ఫైన‌ల్లో దేశ్‌పాండే .. ల‌క్ష్య ఛేద‌నలో రవీంద్ర‌ జ‌డేజా(11 నాటౌట్) సంచ‌ల‌న ఆట‌తో చెన్నైని గెలిపించాడు. మోహిత్ శ‌ర్మ వేసిన‌ ఆఖ‌రి ఓవ‌ర్లో చివ‌రి రెండు బంతుల‌కు సిక్స్, ఫోర్ బాదాడు. దాంతో, ధోనీ సేన రికార్డు స్థాయిలో ఐదోసారి ఐపీఎల్ ట్రోఫీని అందుకొని ముంబై ఇండియ‌న్స్ స‌ర‌స‌న నిలిచింది.

ఇవి కూడా చ‌ద‌వండి

• Tirumala | తిరుమలలో పోటెత్తిన భక్తులు.. టోకెన్లు లేని వారికి సర్వదర్శనానికి నిరాకరణ.. భక్తుల ఆందోళన
• CM Revanth | ఎంతో మంది విద్యార్థులను తీర్చిదిద్దిన ఘనత కాకా సొంతం : సీఎం రేవంత్‌ రెడ్డి
• Dean Elgar: క్రికెట్‌కు సఫారీ మాజీ సారథి గుడ్‌ బై.. భారత్‌తో టెస్టులే లాస్ట్‌..