IPL 2024 | టాస్‌కి ముందే గుడ్‌న్యూస్.. డెత్ ఓవ‌ర్ స్పెష‌లిస్ట్ వ‌చ్చేస్తున్నాడు

IPL 2024 : ఐపీఎల్ 17వ సీజన్ ఆరంభానికి ముందే డిఫెండింగ్ చాంపియ‌న్‌కు గుడ్‌న్యూస్. చెన్నై సూప‌ర్ కింగ్స్ స్టార్ పేస‌ర్ మథీశ ప‌థిర‌న (Matheesha Parhirana) ఫిట్‌నెస్ సాధించాడు. తొడ‌కండ‌రాల గాయంతో ఐపీఎల్‌కు దూర‌మ‌వుతాడ‌నుకున్న‌ ఈ జూనియ‌ర్ మ‌లింగ‌...

March 22, 2024 / 03:33 PM IST

IPL 2024 | టాస్‌కి ముందే గుడ్‌న్యూస్.. డెత్ ఓవ‌ర్ స్పెష‌లిస్ట్ వ‌చ్చేస్తున్నాడు

IPL 2024 : ఐపీఎల్ 17వ సీజన్ ఆరంభానికి ముందే డిఫెండింగ్ చాంపియ‌న్‌కు గుడ్‌న్యూస్. చెన్నై సూప‌ర్ కింగ్స్ స్టార్ పేస‌ర్ మథీశ ప‌థిర‌న (Matheesha Parhirana) ఫిట్‌నెస్ సాధించాడు. తొడ‌కండ‌రాల గాయంతో ఐపీఎల్‌కు దూర‌మ‌వుతాడ‌నుకున్న‌ ఈ జూనియ‌ర్ మ‌లింగ‌.. ఐపీఎల్ 17 సీజ‌న్‌లో భాగం కానున్నాడు. ప‌థిర‌న ఐపీఎల్ ఎంట్రీ విష‌యాన్ని అత‌డి మేనేజ‌ర్ అమిలా క‌లుగ‌లాగే శుక్ర‌వారం ఎక్స్ ఖాతాలో ఓ పోస్ట్ పెట్టాడు.

‘ప‌థిర‌ణ ఎక్క‌డ‌? అనే ప్ర‌శ్న‌కు స‌మాధాన‌మిదే. అత‌డు ఫిట్‌గా ఉన్నాడు. బుల్లెట్ లాంటి బంతులు సంధించేందుకు రెడీ అవుతున్నాడు. సిద్ధంగా ఉండండి. ఎట్ట‌కేల‌కు లెజెండ్‌తో క‌లిశాను’ అని క‌లుగ‌లగ త‌న పోస్ట్‌లో రాసుకొచ్చాడు. అయితే.. శ్రీ‌లంక క్రికెట్ ప‌థిరన‌కు ఎన్‌వోసీ(NOC) ఎప్పుడు ఇస్తుంది? అనేది తెలియాల్సి ఉంది. దాంతో, రుతురాజ్ గైక్వాడ్ సేన తొలి రెండు లేదా మూడు మ్యాచ్‌ల‌కు ఈ స్పీడ్‌స్ట‌ర్ దూర‌మ‌య్యే అవ‌కాశముంది.

The answer to “Where’s Pathirana”

He is fit and ready to throw Thunder ⚡ balls. Be ready 💣.
Finally a 📸 together with the Legend @matheesha_9 😄 #WhistlePodu #csk #IPL2024 pic.twitter.com/JKsv9gacWm

— Amila Kalugalage (@akalugalage) March 22, 2024

నిరుడు చెన్నై టైటిల్ గెల‌వ‌డంలో ప‌థిర‌న కీల‌క పాత్ర పోషించాడు. డెత్ ఓవ‌ర్ల‌లో త‌న‌ పదునైన యార్క‌ర్ల‌తో ప్ర‌త్య‌ర్థి బ్యాట‌ర్ల‌ను హ‌డ‌లెత్తించాడు. కెప్టెన్ ధోనీ న‌మ్మ‌కాన్ని నిల‌బెడుతూ 12 మ్యాచుల్లో 19 వికెట్లు తీసి అద‌ర‌హో అనిపించాడు. దాంతో, 17వ సీజ‌న్‌లోనూ ప‌థిర‌న సీఎస్కే తురుపుముక్క అయ్యే చాన్స్ లేక‌పోలేదు. 17వ సీజ‌న్ ఆరంభ పోరు చెపాక్ స్టేడియంలో జ‌రుగ‌నుంది. శుక్ర‌వారం రాత్రి 8ః00 గంట‌ల‌కు రాయ‌ల్ చాలెంజ‌ర్స్ బెంగ‌ళూరుతో సీఎస్కే త‌ల‌ప‌డ‌నుంది.