Paris Olympics 2024 | అల్క‌రాజ్ అల‌వోక‌గా.. ఒలింపిక్ స్వ‌ర్ణం ప‌ట్టేస్తాడా..?

Paris Olympics 2024 : ఈ ఏడాది సూప‌ర్  ఫామ్‌లో ఉన్న  కార్లోస్ అల్క‌రాజ్(Carlos Alcaraz)  పారిస్ ఒలింపిక్స్ ఫైన‌ల్‌కు దూసుకెళ్లాడు. వింబుల్డ‌న్ విజేతగా టోర్నీలో అడుగుపెట్టిన అల్కరాజ్ ప‌సిడి ప‌త‌కా (Gold Medal)నికి అడుగు దూరంలో నిలిచాడు. 

Paris Olympics 2024 : ఈ ఏడాది సూప‌ర్  ఫామ్‌లో ఉన్న  కార్లోస్ అల్క‌రాజ్(Carlos Alcaraz)  పారిస్ ఒలింపిక్స్ ఫైన‌ల్‌కు దూసుకెళ్లాడు. వింబుల్డ‌న్ విజేతగా టోర్నీలో అడుగుపెట్టిన అల్కరాజ్ ప‌సిడి ప‌త‌కా (Gold Medal)నికి అడుగు దూరంలో నిలిచాడు.  పురుషుల‌ డ‌బుల్స్‌లో నిరాశ‌ప‌రిచిన ఈ స్పెయిన్ స్టార్ సింగిల్స్‌లో  ఫైన‌ల్ చేరాడు.

శుక్ర‌వారం జ‌రిగిన మ్యాచ్‌లో ఫెలిక్స్ అగ‌ర్ అలియ‌స్మిమె (కెన‌డా)ను  చిత్తుగా ఓడించాడు. గంటా 15 నిమిషాల మ్యాచ్‌లో 6-1, 6-1తో గెలుపొందాడు. గోల్డ్ మెడ‌ల్ పోరులో   రెండో సెమీ ఫైనల్ విజేత‌తో అల్కరాజ్ త‌ల‌ప‌డ‌నున్నాడు.  మూడో సీడ్ నొవాక్ జ‌కోవిచ్, లొరెంజో ముసెట్టిలు సెమీస్‌లో ఎదురుప‌డుతున్నారు.

MEDALLA! ❤️🇪🇸 Esto lo significa todo para mí, pero todavía queda el domingo! 🙏🏻 pic.twitter.com/0jG9wwIyo2

— Carlos Alcaraz (@carlosalcaraz) August 2, 2024

ఒలింపిక్స్‌లో ఫైన‌ల్ చేర‌డంపై అల్క‌రాజ్ సంతోషం వ్య‌క్తం చేశాడు. గోల్డ్ మెడ‌ల్ కోసం జ‌రిగే పోరు త‌న‌కు ఎంతో ప్ర‌త్యేక‌మ‌ని అన్నాడు. ‘ఒలింపిక్స్ ఫైన‌ల్ నా జీవితంలో, నా కెరీర్‌లో ఎంతో ప్ర‌త్యేక‌మైన క్ష‌ణాలు. ఈ స్పెష‌ల్ మూమెంట్స్‌ను నేను ఎంజాయ్ చేయాల‌నుకుంటున్నా. ఎందుకంటే ఫైన‌ల్ ఫైట్ చాలా క‌ష్టంగా ఉండే అవ‌కాశ‌ముంది’ అని అల్క‌రాజ్ మ్యాచ్ అనంత‌రం వెల్ల‌డించాడు. ఒక‌వేళ ఈ యంగ్‌స్ట‌ర్ స్వ‌ర్ణంతో మెరిస్తే చ‌రిత్ర సృష్టించాడు. ఒకే సీజ‌న్‌లో ఫ్రెంచ్ ఓపెన్, వింబుల్డ‌న్, ఒలింపిక్ మెడ‌ల్ సాధించిన రెండో ఆట‌గాడిగా రికార్డు పుటల్లో నిలుస్తాడు.

ఇవి కూడా చ‌ద‌వండి

• Srisailam | శ్రీశైలానికి కొనసాగుతున్న వరద ఉధృతి.. 20 అడుగుల మేర పది గేట్లు ఎత్తి నీరు విడుద‌ల
• Job Calender | మైసూర్ బజ్జీలో మైసూర్ మాదిరిగానే జాబ్ క్యాలెండర్‌లో జాబులు.. వై.సతీశ్‌ రెడ్డి ఎద్దేవా